JOHAN 21:17 - PATHIEN LEKHABU THIENGTHO (BSI)

¹⁷ Chun, a thumveina chun Isu’n, “Simon, Johan chapa, nangin kei nei hehpih em?” ti’n a dawng kit a. Isu’n a thumveina a “Nangin kei nei hehpih em?” a kawma a tih ziek chun Peter chuh a lungkham a, a kawmah, “Lalpa, bangakai na he a, ka hun hehpih hi tih na hêi!” a ti a. Isu’n a kawmah, “Ka belamte enkawl ah.

JOHAN 21:17 ပူးပေါင်းရင်းမြစ်များ

2 SAMUEL 7:20

David hin na kawmah bang gen beh chuom ding a nei em? Na suok hi na he suok kei ngâla, Aw Lalpa Pathien.

1 LENGTE 17:18

Chun, amah chun Elijah kawmah, “Aw nang, Pathien mi, nang leh kei hi bang I hi a ahi? Ka gitlohna ei hetdawk sak ding leh, ka chapa that dinga hung na hi hi uo!” a ti a.

1 KHANGTHUBU 17:18

Na suok na limbawl chungchâng ahin David in bang a gen beh ta die! Na suok hi na hechien a,

1 KHANGTHUBU 29:17

Ka Pathien uh nangin lunggilte na patep sek a, diknate le na kipahpih hi tih ka heu a. Kei hin vang lunggil tak takin, zie thil haw hi kipâk takin ka hun pie a, zie a na mipite hin le, kipâk taka na kawma hun lân ka muh hin ka kipâk mah mah hi.

SAM LEHKHABU THE PSALMS 17:3

Ka lunggil hi enchien inla, zan in nei hung vehtha leh chun le; Nei enchien a bangmah na mu puoh ngâla; Ka kam in gen khiel puo’n a ka ti chak kêi hi.

JEREMIA 17:10

Kei Lalpa hi, mitin a umdan dungzui leh, a nasep gah hawu bang zela pie dinga lunggil mudawkpa leh lungthim patep sek pa chuh ka hi.”

SUNNA LA 3:33

Amah chun a ut mâwnga a sukgimtheih ahi puoh a, Mihing chate a suklungkham ahi puoi.

MATTHAI 25:40

Zie tieng chuleh Lalpen chun a kawm u ah, ‘Tihtakzet a ka hilh na hiu hi, Zie ka suohpih neupen te laka khat chunga na hih u chuh, kei chunga hih na hiu hi,’ ti’n hun dâwng ina.

MARK 14:72

Chun, âk khuon nih veina chuh a hung khuong ta a. Ziephet chun, Peter in, Isu’n a kawma, “Ak nihvei a khuon ma’n nangin, ka hun he kha puoi, ti’n thumvei ei kilepsan inla,” a tih kha a hedawk a. Zie chuh a ngaihtuoh leh a kap ta a.

JOHAN 12:8

Mi gimtheite chuh kumkhuo a na kawm u a um zing ahiu a; kei vang chuh, kumkhuo a na kawm u a um ding ka hi puoi,” a ti a.

JOHAN 13:38

Isu’n a kawmah “Keimah ziekin na hinna chan ding maw? Tihtakzet, tihtakzet a ka hun hilh na hii; âk khuo’n masang in, nangin thum vei ei kizuksan inla” a ti a.

JOHAN 14:15

“Nangun nei hehpih u chun, ka thupiek haw chuh zawp unlau.

JOHAN 15:10

Nangun ka thupiekte na zawp u chun, ka hehpih in um zing unlau, ken le ka Pa thupiekte ka zawpa, a hehpih a ka um zing guol mah hin.

JOHAN 16:30

Nangin bangakai na he a, kuomah hun dawt na ngek puoi, tih chientakin ka he tau hi. Zie ngêi chun. Pa apat a hung na hii tih ka gingcha tau hi,” a tiu a.

JOHAN 18:27

Zie chun, “Peter a kilep kit a,” tichun, âk a khuong ngâl ta a.

JOHAN 18:4

Isu’n, a chunga thil tung dingte cheng chuh a he vek a, masang lam zuonin a va chieh a, a kawm u ah, “Kuo a na hawl uh?” a ti a.

JOHAN 21:18

Tihtakzet, tihtakzet a ka hilh na hii, na chapan lai khan na tai ah na kigak a, na utna chengah na chieh sek a; himahlele, na upat tieng leh, na khuthaw zak in na tin, mi dangin hun gâk sak intin, na ut lohna lam ah hun kai un au,” a ti a.

JOHAN 4:16

Ziephet chun, Isu’n a kawmah, “Na pasal va sam inla, taka hin hungkit ah,” a ti a.

NASEPTE 1:24

Chun, a paucham u a, “Nang Lalpa, mihiem chengcheng lungthim he pa,

NASEPTE 11:10

Khutibang ngen chun thum vei a hung um a; chun, thil chengcheng chuh, van lama khaih toh in a um kit ta a.

NASEPTE 15:8

Chun, Pathien, mitin lunggil he pa chun, ei uh ei piek guol khan, Thagau Thiengtho chuh amau haw kawm ale pien, a chungu ah a kipâk hi tih a hetsak a.

2 KORINTH 1:12

Ka kipahna pên u chuh, zie khawvel a ka hindan u leh, nang haw tawh I kizawpnau hi, Pathien apat a, thieng tak leh dikna leh; mihing chitna hilo in, Pathien hehpihna thilhih theihna ahi tih, ka sie leh pha hetnau hin ei hetpihna hi ahi.

EPHESI 4:30

Chun, Pathien Thagau Thiengtho chuh sulungkham kiu in, tatna ni tienga dingin amah a chuh mawhuol kinam na hi ngâl u a.

JOSHUA 22:22

“Lalpa, pathiente Pathien! Lalpa, pathiente Pathien chun a he a, Israel ten le heu hen; ka maichâm siem uh hi Lalpa kiheisan guo a kiphin guotna ahim, thilhihkhelh guotna ahim a siem ka hih u chun, tuni hinle ei hâwi dah mai un.

1 PETER 1:6

Zie thu ahin, tuhin hun chawmcha sung chuh, patepna tin cheng leh, thuokna tin cheng ziek hin, lungkham taka na um uh kiphamawh mahleh, nasa takin lawp un;

2 PETER 3:1

Deihtakte, tu a na kawmuh a ka hun zik hi, ka lehkhathâk a nih veina ahi tai. Zie lehkhathâk te nih akhan, zie thilte haw hi hun hetnawnsak kitin, na lunggil u ah ngaihtuohna thieng tak hun chawhthawh kit ka guot ahi.

THUPHUON 2:23

A nungzuite cheng chule that ing ka ting, tichun, kei hi mi tin ngaihtuohna he pa leh, en pa ka hi tih, sapchuom haw lawi chengcheng chun he ta’n au. Na lak uh a mitin, a thilhih dungzui chiet un dinthuk ing ka.

THUPHUON 3:19

Ka hehpih tak cheng chuh ka hilhgaih a, ka thunun sek hi. Khutichun. gunchuh inla, lunghei ah.