JOHAN 21:15 - PATHIEN LEKHABU THIENGTHO (BSI)

¹⁵ Chun, zing an a nek zawh un, Isu’n Simon Peter kawmah, “Simon, Johan chapa, ziehaw sang hin nangin kei nei hehpih em?” a ti a. Amah chun a kawmah, “Hi, Lalpa ka hun hehpih hi tih na hêi,” a ti a. Isu’n a kawmah, “Ka belamno te vak ah,” a ti a.

JOHAN 21:15 ပူးပေါင်းရင်းမြစ်များ

ROME 15:1

Khutichun, ei uh hatlaite hin, eimau mai kisulungkim lo in, taksanna a zawngkhalte chuh I thuokpih zawk dinguh ahi.

1 JOHAN 4:19

Pathien in eihaw ei hehpih masak ziekin, amah I hehpih uh ahi.

ISAI 40:11

Amah chun belam chingpa bangin, a belamte chuh veng intin; belam note chuh a khut nih in pawm intin, a ângsung ah kawih in tin, chun, a pi-nokaite chuh awlcha cha’n chiehpih dên dên ina.”

1 PETER 1:8

Amah chuh, mu khalo mah leu chin le na hehpih uh a, amah chuh tuhin mulo mahleu chin le, na taksang uh a, khutichun, kipahna nasatak leh lopi tak, thu maia gen theih loh chun na lawp uh a;

EPHESI 6:24

I Lalpau leh Isu Krista tuoi lo a hehpihte cheng kawma chun lungsietna um hen.

NASEPTE 20:28

Pathien sapchuom haw, amah thisan a a châwkte chuh vak dingin, nangmau haw leh na belam hawnteu chung achun chingthei un, Thagau Thiengtho in amau haw enkawl dinga a hun siem na hiu hi.

1 JOHAN 5:1

Kuole, Isu hi Krista a hii tih gingcha chuh Pathien cha a hi a, kuole, Pa hehpih chun, cha le a hehpih sek hi.

JOHAN 16:27

Pa ngêi in nanguh a hun lungsiet ngâl a. Nangun kei nei hehpih u a. Pa apat a hung ngêi ka hi tih nei ginchak ziekun.

JEREMIA 3:15

Ka lungthim bang pu belampu hun pie’ng ka ting; amau chun hetna leh hetthiemna’n hun vak un au.

EZEKIEL 34:23

Chun, a chung u ah belampu khat kawih ing ka ting, ka suok David ngêi chuh; amah chun amau chuh vak intin, amau chingpa hi’n tin, amau chuh vak ina.

1 PETER 2:25

Belam mang guola mang na hiu a, himahlele, tuhin vang chuh, na thagau uh chingpa leh vawppa chuh zui dingin a kawm lam achun na kîkkit tau hi.

HEBRAI 4:13

Thil kisiem, amah mitmuh a kilanglo bangmah a um puoi; I chanchin uh I tutna ding pau mitmuh achun, bangakai hi, ngawnchang leh kihawngsa a um ahi ngâl a.

LUKE 22:32

Himahleh Simon, na taksanna a beih lohna dingin ka hun paucham sak zing hi. Khutichun, kei lama na hung kihei kit phat leh, na suohpihte suhat in,” a ti a.

HEBRAI 13:20

Chun, Chamna Pathien, I Lalpau Isu Krista mithi lak apat kaithopa, kumsawt thugawlhna thisan zâla belam Chingpa Lien chun,

ROME 14:1

Chun, taksanna a zawngkhal mi chuh, a taksan lahnate chuh awimawh lo in lawp zawu in.

MATTHAI 16:17

Chun, Isu’n a kawmah, “Simon Bar Jonah, na hampha ahi; phehlevo leh thisan in a hun hetsak ahi puoh a, ka Pa van a um in a hun hetsak ahi zawi.

JEREMIA 23:4

Amau haw ngaihsak ding belampu kawih sak ing ka ting, lau kit ta puou un tin, lungkham diek ta puou un tin uh, a mangthai himhim le um diek ta puo’n au, tih hi Lalpa kamsuok ahi.”

THUPHUON 2:23

A nungzuite cheng chule that ing ka ting, tichun, kei hi mi tin ngaihtuohna he pa leh, en pa ka hi tih, sapchuom haw lawi chengcheng chun he ta’n au. Na lak uh a mitin, a thilhih dungzui chiet un dinthuk ing ka.

1 PETER 2:2

Haihsan unla, chasen, piengthakte bangin, thagau lam nawitui, bangmah tawh hel loh, na dâwn uh a, na hung khanlet uh a, hukdam na hung hih theihna dinguh chuh utchau in.

GALATI 5:6

Krista Isu achun, zektan bangmah a phachuom puoh a, zektan loh le bangmah a phachuom diek puoi; taksanna a, hehpihna nasep vang chuh a phachuom ahi.

JOHAN 21:12

Chun, Isu’n a kawm u ah, “Hung un la, zing an neu in,” a ti a. Sinsakte laka khat cha’n le, “Kuo na hi?” ti’n a dawng ngam puou hi, Lalpa a hi tih a het ziekun.

JOHAN 21:7

Ziephet chun, sinsak Isu’n a hehpih khan Peter kawmah, “Lalpa a hi khu!” a ti a. Khutichun, Simon Peter in Lalpa ahii tih a het phetin, a puonâk a cheng a, (sangawn a um ahi ngâl a), dîl ah a chawm tha ta a.

MATTHAI 18:10

“Zie mi neucha haw laka khat hile musit lo dingin chingthei un;

EPHESI 4:14

Chuleh, milem hatte sinsakna, amau muhdawk kawmte zawnchitna huih in, muntin cheng a tawh lawn viel chapang hi ta puoi ting uh;

1 KORINTH 8:11

Khutichun, na hetna ziek chun, mi hatlo suohpih khat, Krista’n a thih sik a thih sak pa chuh beimang ding ahi.

JOHAN 8:42

Isu’n a kawm u ah, “Pathien na pau a hih chun, nangun ei hehpih ta’n lau; Pathien kawma pawt leh, a kawm apat hung ka hi ngâl a. Keimah thu a hung ka hi puoh a, ama’n ei sawl zawk ka hi.

MARK 14:29

Himahlele, Peter in a dâwng a, a kawmah, “A bawn un hun nusieh vek mah leule, ken vang hun taihsan puo’ng ka,” a ti a.

LUKE 12:32

“Lawi tawmte haw, lau kiu in, nang haw kawma gam piek ding hi na Pau kipahlam tak a hi ngâl a.

THILSIEMBUL 33:13

Jakob chun a kawmah, “Naupangte aneu nalai u a, belam leh bâwng hawn ka kawma um haw hi ano nawichep nalai ahiu hi tih ka lalpa’n na hêi, ni khat mai le a chieh hat takluot u chun ganhawn cheng hi thi zo mai in au.

MATTHAI 10:37

“Kuole a nu ahim, a pa ahim kei sanga hehpih zaw chuh ka mi hi hâwi ahi puoi; kuole a chanu ahim, a chapa ahim kei ei hehpih sanga hehpih chule ka mi hi hâwi ahi diek puoi.

2 LENGTE 20:3

“Aw Lalpa, Nanga dinga thutak leh, lunggil phabukim pua na ka sep sek zie leh, na mitmuha thilpha ka hih sek dân te kha, lungsiet takin hezing in!” a ti a. Tichun, Hezekia chu hah kah in a kap ta a.

2 SAMUEL 7:20

David hin na kawmah bang gen beh chuom ding a nei em? Na suok hi na he suok kei ngâla, Aw Lalpa Pathien.

JOHAN 13:37

Peter in a kawmah, “Lalpa, bangati a e tu a le ka hun zuih theih loh ding? Nangmah ziekin ka hinna chan ing ka,” a ti a.

JOHAN 1:42

Tichun, Simon chuh Isu kawmah a hun pui a. Isu’n amah chuh a na en a, a kawmah, “Na min chuh Johan chapa Simon ahi, himahleh, Kipha hun ti’n au,” a ti a. (Zie chuh Peter tihna ahi a, a umzie chuh “suong” tihna ahi.)

MATTHAI 26:35

Peter in a kawmah, “Na thihna achun thi ding hi lengle hun kizuksan puo’ng ka,” a ti a. Sinsakte cheng chun khutibang chun a ti ta chiet u a.

MATTHAI 26:33

Peter chun a kawmah, “A bawn un na chungah lungkim lo in um mah leu le, kei vang lungkim lo in um hiel puo’ng ka,” ti’n a dâwng a.

NASEPTE 20:29

Ka chieh nung leh, ngei hâng haw na laku ah hung lut untin, belam hawn chuh sit puo’n au tih ka hêi.

EZEKIEL 46:24

Chun, amah chun ka kawmah, “Ziehaw hi an huonna In ahi a, Ho-In a nasemte’n mite kithawihna sa a huonna mun u chuh ahi,” a ti a.