JOHAN 21:12 - PATHIEN LEKHABU THIENGTHO (BSI)

¹² Chun, Isu’n a kawm u ah, “Hung un la, zing an neu in,” a ti a. Sinsakte laka khat cha’n le, “Kuo na hi?” ti’n a dawng ngam puou hi, Lalpa a hi tih a het ziekun.

JOHAN 21:12 ပူးပေါင်းရင်းမြစ်များ

MATTHAI 22:46

Ziephet chun, kuoma’n kam khat chan le a dâwng thei ta puou a, zie ni a kipat chun kuoma’n thu dang himhim a dawng ngam ta puou hi.

MARK 9:32

Himahlele, a thugen chuh a ngaihna a he puou a, amah la a dawng ngam ngâl puou a.

LUKE 9:45

Himahlele, a sinsakte chun a thugen chuh bang a genna ahih a he puou hi. A het theih loh ding u a kisel hih ziekin, zie thu chuh amah la a dawng ngam ngâl puou a.

JOHAN 16:19

Chun, amah dawt a nuom ui tih Isu’n a he a, a kawm u ah, “Chawmlo kalin nangun kei ei mu puou un na tin uh, chawmlo kal mah in nangun kei ei mu kit unlau, ka hun tih hi na kidawng tuoh uh ahi maw?

JOHAN 21:11

Khutichun, Simon Peter a va chieh a, lên chuh nga lien tak taka dim in sehpho ah a kaidawk a, za leh sawmnga le thum ahi; khuti zozai chuh um mahleh, lên chuh a ek sam puoi.

JOHAN 21:15

Chun, zing an a nek zawh un, Isu’n Simon Peter kawmah, “Simon, Johan chapa, ziehaw sang hin nangin kei nei hehpih em?” a ti a. Amah chun a kawmah, “Hi, Lalpa ka hun hehpih hi tih na hêi,” a ti a. Isu’n a kawmah, “Ka belamno te vak ah,” a ti a.

JOHAN 4:27

Zielai tak chun a sinsakte chuh a hung u a, numei a hopih chuh mak a sa ten u a. Himahleh, kuoma’n, “Banga na hawl?” ti le a um puou a, “Bang zieka numei hopih?” ti le a um diek puou ui.

NASEPTE 10:41

Amahvang chuh, mi chengcheng kawmah ahi puoi; Pathien in a hetpih dinga a guotlawkte kawm mah ah ahi eimau haw, mithi lak apat a thawh kit nunga a kawma ne a, dawnte kawm ngêi ahin.