JOHAN 20:19 - PATHIEN LEKHABU THIENGTHO (BSI)

¹⁹ Chun, zie ni, ni sagih ni masapen a nitâk lam a hung hih phet chun, Sinsakte chuh Judate a lauh ziekun, kawt kisungkam khum in a um khawm u a. Zie chun Isu a hung a, a laku ah a hung ding ta a, a kawm u ah, “Na chungu ah lungmuonna um hen,” a ti a.

JOHAN 20:19 ပူးပေါင်းရင်းမြစ်များ

JOHAN 20:26

Chun, ni giet nung in, Sinsakte chuh In sung ah a umkhawm kit u a, Thoma le a laku ah a um ta a. Kawthaw chuh khaksa ahi a, himahleh, Isu a hung a, a laku ah a hung ding a, a kawm u ah, “Na chungu ah lungmuonna um hen,” a ti a.

JOHAN 14:27

“Lungmuonna ka hun nutsieh na hiu hi; keimah lungmuonna ka hun piek na hiu hi; khawvel in a hun piek guolin ka hun piek na hi puou hi.

JOHAN 20:21

Isu’n a kawm u ah, “Na chungu ah lungmuonna um hen. Pa’n ei sawl guolin ka sawl na hiu hi,” a ti kit a.

EPHESI 2:14

Chun, Krista mawng chun, chamna hun siem in, Juda leh Jentel te chuh pumkhat in a hun siem ta a. Amah sapum mawng chun, a kal u a daidanna leh kimelmakna chuh a hun suchim tai.

2 THESSALONIKA 3:16

Chun, chamna Lalpa mawng chun, hun tin leh bang chengah, chamna nanguh hun pie ta he’n. Lalpa chuh na bawnchau a kawmah um hen.

JOHAN 7:13

Himahlele, Judate a lauh ziekun kuoma’n a chungchâng thu tâng-phuong takin a gen ngam puou hi.

MARK 16:14

A nunung pen ah, ankuong a um lai un, sawmlekhatte kawmah a kilak a. A thawhkit nunga amah mute thugen a taksan loh ziek u leh, a lunggil hawu tâk ziek chun amau haw chuh a gai a.

THUPHUON 1:4

Johan chun, Asia gama sapchuom haw lawi sagihte kawm achun: A umlaitak leh um sapa leh hung um kit ding pa kawm apat leh, a lalchutphah masanga Thagau sagih um haw kawm apat leh,

1 KORINTH 15:5

zie nung chun, sawm le nih te kawmah a kilak kit a.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

HEBRAI 7:2

Tichun, Abraham chun a gâllâk thilte lak apat chun sawma-khat chuh a pie ta a. (Melkisedek min umzie masapen chuh, “Diktatna Leng,” a hi a, chun, Salem leng a hih ziekin, “Chamna Leng,” le a kitii.)

PHILIPPI 1:2

Pathien I Pau leh Lalpa Isu Krista kawm apat lungsietna leh chamna na kawm u ah um hen.

EPHESI 6:23

Pa Pathien leh Lalpa Isu Krista kawm apat, kichamna leh taksanna tel, hehpihna chuh suohpihte kawma khan um hen.

ROME 15:33

Chamna Pathien chuh na bawn u a kawmah um ta hen. Amen.

JOHAN 16:22

Zie chuh, tu a nanguh dinmun tawbang hi ahi: tuhin na lungkham u a, himahleh, nanguh hun mu kit ing ka, tichun, na lunggil u chuh kipahna kuoma’n a hun lâksak theih loh ding chun dim ina.

MATTHAI 18:20

Mi nih ahim, thum ahim ka min a a kikhawpna tak u achun a laku ah ka tel sek hi.” a ti a.

MATTHAI 10:13

Zie In a mite chun a hun na lawp u chun na lungmuonna thuu chuh um zing hen la, a hun lawp loh u le vang chuh na lungmuonna thuu chuh zûk kit un.

SAM LEHKHABU THE PSALMS 122:8

Ka inkawte leh ka guolte ziekin, Na sung ah thamuonna um hen, ti’ng ka.

JOHAN 21:1

Zie nung chun Isu, Tiberia Dil ah, a Sinsakte kawmah a kilak kit a.

JOHAN 21:14

Zie chuh, Isu mithi lak apat a thawh kit nunga, a sinsakte kawma a kilak a thum vei na ahi.

NASEPTE 1:3

Zie sawlchakte kawm achun dahum chuh a thuok nung in hetna tamtak in hing in a ki-etsak a, ni sawmli zet a kawm u ah a kilak a; Pathien gam thu a gen sek.

3 JOHAN 1:14

Chawmlo kal a hun muh ka kinema, zie tieng chuleh kimaichangtuoh in holim nai ti.