JOHAN 20:17 - PATHIEN LEKHABU THIENGTHO (BSI)

¹⁷ Isu’n a kawmah, “Ei tu kih, tu tieng hin le ka Pa kawma kal to nailo ka hi. Himahlele, ka suohpihte kawmah va chieh inla, a kawm u ah, ‘Ka Pa, na Pau, ka Pathien leh na Pathien uh kawma kal to ding ka hi,’ a tii, va tih,” a ti a.

JOHAN 20:17 ပူးပေါင်းရင်းမြစ်များ

2 LENGTE 4:29

Tichun, Elisha chu, Gehazi lam achun a kihei a, a kawmah, “Na puon chêng inla, ka mawlh hi na khut in chawi inla, kin takin chieh inla, mi na kituokpih ahim, a hun hopih ahim chule, kihopih sawt ki’n. In chu zang takin zuon inla, ka mawlh hi naupangpa maichang achun zam in,” a ti a.

2 LENGTE 7:9

A zawh chun, “I hih dik hiel puou hi, tuni hi chanchin kipah-um tun ni ahi a, eihaw hi I thip hiet hiet u a; khawvak I ngak u chun gawtna tuok ngêi hitiu; zieziekchun, hung tiem u! Leng miliente va hilh hitiu,” ti’n a kiho u a.

SAM LEHKHABU THE PSALMS 22:22

Ka suohpihte kawm achun na min gen ing ka ting: Kikhawmhaw lak achun hun chawiân ka.

SAM LEHKHABU THE PSALMS 43:4

Khutichun Pathien maichâm kieng ah chieh ing ka ting, Pathien ka lawpna mah mah kawm achun: Aw ka Pathien, ka Pathien kingkang in hun pakcha’ng ka ting.

SAM LEHKHABU THE PSALMS 48:14

Zie hi Pathien ahi a, kumlekhuo a I Pathien uh ahi ngâla: Thih tieng nasana ei puipa hi’n a, tih na hilh theih na dingun.

SAM LEHKHABU THE PSALMS 68:18

Nang chuh tâng chunglam ah na kalto ta a, sala matte chu na pui a; Mihiem te apat chun thilpiek le na changa, Ahi, Lalpa Pathien kalh a helte chu a kawm u ah a um ui.

SAM LEHKHABU THE PSALMS 89:26

Amah chun, ‘Nang chuh ka pa, Ka Pathien leh ka hukdamna suongpi na hi,’ ti’n kiko ina.

ISAI 41:10

Lau kiu unla, na kawm u ah ka um zing hi! Na Pathien uh ka hi a, lungkie kiu inla, bangmân hun hihlau kihe’n. Hun suhat ing ka ting, ahi hun panpih ing ka.

JEREMIA 31:33

Chun, ziehaw zawh nunga Israel inkawte tawh thugawlh thak ka siem ding chuh ziehi ahi, Lalpa’n a tii: A lunggil u ah ka thupiek kawih ing ka ting, a lunggil uh a le zik ing ka. Kei hi a Pathien uh hi’ng ka ting, amau haw chuh ka mite hita’n au.

JEREMIA 32:38

Chun, ka mite hiu untin, kei a Pathien uh hing ka ting,

EZEKIEL 36:28

Khutichun, na pileputeu kawma ka gam piek achun chengin na. tin un, nang haw chuh ka mite hin na tin un, kei hi na Pathien u hing ka.

EZEKIEL 37:27

Ka bâwkcha le a kawm u ah um intin, a Pathien uh hing ka ting, amau chuh ka mite hi’nau.

MATTHAI 12:50

Kuole ka Pa van a um deih bang hihte chuh ka suohpihpa, ka suohpihnu leh ka nute ahiu a puo,” a ti a.

MATTHAI 25:40

Zie tieng chuleh Lalpen chun a kawm u ah, ‘Tihtakzet a ka hilh na hiu hi, Zie ka suohpih neupen te laka khat chunga na hih u chuh, kei chunga hih na hiu hi,’ ti’n hun dâwng ina.

MATTHAI 28:7

Khutichun, chieh vak unla, a sinsakte kawmah, ‘Mithi lak apat a thokit tai; ngaitiem u, Galili gam ah na mau ah a chieh hi; zie tak achun amah chuh mu’n lau,’ ti’n hilh un. Ka hun hilh sa kha hezing un,” a ti a.

MARK 12:26

Mithi haw kaihthawha a um ding thuu chuh: Mosi lehkhabu a, hambawk laka meikuong thu akhan na sim kha puou maw? Zie taka khan, Pathien in, ‘Kei Abraham Pathien, Isak Pathien, Jakob Pathien ka hi, ti’n Mosi kawmah a gen ngâl a,’ ti’n.

MARK 16:19

Khutichun, Lalpa Isu’n a kawm u a thu a gen zawhin, van a puih toh in a um a, Pathien changlam ah a va chu ta a.

LUKE 10:4

Dangka dip haw, sakhau haw, kengtawbek haw keng kiu inla, lampi a le kuomah chibai kiu.

JOHAN 13:1

Chun, Isu’n, Chiehkân Kut maa zie khawvel hi pawtsan a, Pa kawma chieh phat a tung tai tih a he a. Amah mi, khawvel a um, a hehpih sekte chuh, a tâwp tiengin le a hehpih zing a.

JOHAN 13:3

Isu’n, Pa’n thilhih theihna bukim a piek dân te. Pa kawm apat a hung pawt leh, a kawma chieh kit ding ahih dante chuh a hezing a.

JOHAN 14:2

Ka Pa In ah umna tamtak a um a, a um loh chun, nanguh hun hilh ta’ng ka; nang u ding mun siem a chieh ding ka hi.

JOHAN 14:28

Na lunggil uh lunggim kiheh, lauh le lau kiheh. ‘Chieh mang ding ka hi a, na kawm u ah hungkit ing ka,’ ka hun tih khah na he tau kha. Nangun nei hehpih hi leu chin. Pa kawma ka chieh ding ziekin kipâk ding na hiu a, Pa chuh keimah sangin a lopi zaw ngâl a.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 16:28

Kei Pa kawm apat a hung a, van nuoia hung ka hii; vannuoi taihsan a. Pa kawma chieh kit ding ka hii,” a ti a.

JOHAN 17:11

Tu’n, kei na kawma hung ding ka hi a, khawvel ah um ta puo’ng ka; amau haw vang hi khawvel ah um un au. He Pa, Thiengtho, nangin kei nei piekte hi na min in hum ah; pumkhat a hih theihna dingun, nang leh kei pumkhat I hih guol mah bang hin.

JOHAN 17:25

Aw he Pa diktat! khawvel in vang a hun he puou a, ken vang ka hun hêi; te haw hin le, nangin kei nei sawl a hii tih a heu hi.

JOHAN 17:5

Aw he Pa, khawvel kisiem ma pek a na kawma lopina ka chan kha, zie tawbang mah khan tuhin ei limbawl kit in.

JOHAN 20:27

Chun, Thoma kawma chun, “Na khutzung in vak khawih in la, ka khuthaw hi en ah; na khut hun thadawk inla, ka nak lak mai ah; taksang lo in um ki’n la, gingcha mai ah!” a ti a.

JOHAN 7:33

Chun, Isu’n, “Na kawm u ah chawmkhat um tadih zet ing ka ting, ei sawl pa kawmah chieh ing ka.

ROME 8:29

Pathien in a telte chuh amah Chapa bang taka um dingin a guotlawk a, a Chapa chuh suohpih tamtak te laka Cha masapen a hung hih theihna dingin.

2 KORINTH 6:18

Nanguh dingin Pa hi’ng ka ting. Nanguh le, kei dingin chanu, chapa hi’n lau,” Lalpa, Bangakai hihtheipa chun a tii.

GALATI 3:26

Krista Isu tawh pumkhata um in, taksanna ziekin Pathien chate na hi vek ngâl u a.

HEBRAI 11:16

Himahleh, tu’n vang, gam phazaw sem ut a na hiu a, zie chuh van a um a hi; khutichun, Pathien chun, a Pathien uh tih a um chuh a zakcha puoi; amau dingin khawpi khat guotsa a kawih sak tâk ziekin.

HEBRAI 8:10

Zie nikhuo haw nung achun Israel inkawte kawmah, Ka thugawlh ding chuh ziehaw hi a hii, Lalpa’n a tii; A lunggil u ah ka dân thupiek haw kawih ka ting, A lunggil u ah le zik ing ka ting; Chun, amau dingin a Pathien uh hi’ng ka ting, Keia dingin le amau haw chuh ka mite hi’nau, Lalpa’n a tii.

1 PETER 1:3

I Lalpau Isu Krista Pathien leh Pa chuh pahchak in um hen. Amah chun a zahngaihna nasatak dungzui zelin, mithi lak apat Isu Krista thawhkitna vangin, kinepna hing mu dingin hinna thak ei pie a.

1 JOHAN 3:2

Deihtakte, tuhin Pathien chate I hiu a, bangti’n a I um dinguh tih vang a kichien tadih puoi; amah a hung kilak tieng le vang, amah bangin ki-um ina tih vang I heu hi, amah chuh a um ngei bang banga mu ding I hi ngâl uh a.

THUPHUON 21:3

Lalchutphah apat chun aw ngeih tak in, “Ngaitie! Pathien bâwkcha chuh mihiem lak ah a hung um tai, Amah chuh a kawm u ah um intin, Amau haw chuh a mite hiu intin uh; Pathien mawng chuh a kawm u ah um intin, A Pathien uh le hi’n a.

THUPHUON 21:7

A zo ta chengin zie chuh ka kawm apat muu un tin; Kei a Pathien u hi’ng ka ting, amau chuh ka chate hi’n au.