JOHAN 20:13 - PATHIEN LEKHABU THIENGTHO (BSI)

¹³ Amau chun a kawmah, “Numei, bang dinga kap na hi?” a tiu a. Amah chun a kawm u ah, “Ka Lalpa a chiehmangpih u a, a kawihna chin uh ka het loh ziekin,” a ti a.

JOHAN 20:13 ပူးပေါင်းရင်းမြစ်များ

THUGENPA 3:4

Kah hun a um a, nuih hun a um, lusûn hun a um a, lam hun a um hi,

JEREMIA 31:16

Na kahlai hai inla, na mitthitui thiek hul in, na chate dinga na thilhih hi kipahman piek loh in um puo’n a; melmate gam apat in hung vaikit ding a hi ngâl uh a, tih hi Lalpa kamsuok ahi.

LUKE 24:17

Chun, amah chun a kawm u ah, “Chieh kawma na genkhawm u kha bang thu ahi?” a ti a. Khutichun, lungkham mel pu takin a ding zing tau a.

JOHAN 19:26

Isu’n a nu leh, sinsak a hehpih kha a kienga ding a mu a, a nu kawmah, “Numei, entie, na chapa khah!” a ti a.

JOHAN 2:4

Isu’n a kawmah, “Numei, nang nei hilh ding banga um? Ka hun a tung nai puoi,” a ti a.

JOHAN 20:15

Isu chun a kawmah, “Numei, bang dinga kap na hi? Kuo a na hawl?” a ti a. Amah chun huon ngakpa kha a sa a, a kawmah, “Hepu, amah taka pat hi na lak chawn a hih chun, na kawihna ei hilh in, tichun, chieh ka ting, la’ng ka,” a ti a.

JOHAN 20:2

Khutichun, a tai a, Simon Peter leh, sinsak dang Isu’n a hehpih kawm achun a hung a, a kawm u ah, “Thân apat khah Lalpa chuh a chiehmangpih tau a, a kawihna chin uh ka he ta puou hi,” a ti a.

NASEPTE 21:13

Himahleh, Paul chun, “Bang na tiu a ahim, na kah na kah uh a, ka tha na suksiet uh? Lalpa Isu min ziek chun, Jerusalem khuo ah kân maicha hi puo’ng ka ting, thih le hung thi ding ka hi a puo!” a ti a.

1 SAMUEL 1:8

Chun a pasal Elkanah chun a kawmah, “Hannah, bang zieka kap na hi? Bang zieka an nelo na hi? Bang zieka na lunggil lungkham a hi? Chapa sawm sangin nang dingin ka phazaw hilo maw?” a ti a.