JOHAN 2:4 - PATHIEN LEKHABU THIENGTHO (BSI)

⁴ Isu’n a kawmah, “Numei, nang nei hilh ding banga um? Ka hun a tung nai puoi,” a ti a.

JOHAN 2:4 ပူးပေါင်းရင်းမြစ်များ

2 SAMUEL 16:10

Chun, leng chun, “Nang haw Zeruiah chapate haw, nanghaw’n nei hetsak dinguh bang aum hi? Lalpa’n a kawma, ‘David samsie’n,’ ti ahih chun samsie mai heh, ‘Bangti a khutibanga chu hih na hi?’ kuo’n a ti dinga ahim?” a ti a.

2 SAMUEL 19:22

Chun, David chun, “Nang haw Zeruiah chapate haw, nanghaw’n nei na hetsak dinguh banga um? Tuni hin ei dote hilo na hiu hi? tuni hin Israel laka mi himhim thah ding ahim? Tuni hin Israel mite chunga leng ka hih hi he mawh a nei bawl uh ahim?” a ti a.

1 LENGTE 17:18

Chun, amah chun Elijah kawmah, “Aw nang, Pathien mi, nang leh kei hi bang I hi a ahi? Ka gitlohna ei hetdawk sak ding leh, ka chapa that dinga hung na hi hi uo!” a ti a.

THUGENPA 3:1

Thil bangkim a ding in hunbi a um a, zie khawvel a thil hung um chengcheng hi Pathien in a guot bang zela hung um ahi.

MATTHAI 15:28

Ziephet chun, Isu chun a kawmah, “Numei, na taksan a nasai; na ut guol takin na chungah um hen,” a ti a, a dâwng a. Tichun, a chanu chuh zie a kipat chun a na dam ta a.

MATTHAI 8:29

Chun, ngai tie, amau chun, “Isu, nang Pathien chapa, nang leh kei u nih in banga kitihmatna I neih uh? a hun maa ei sugimthei dinga taka hi hung na him?” tin a kiko u a.

LUKE 2:49

Chun, amah chun a kawm u ah, “Bang dinga ei hawl na hiu hi? Ka pa In a ka um ding hi, na he puou a ahim?” a ti a.

JOHAN 12:23

Isu’n a dâwng a, a kawm u ah, “Mihiem Chapa limbawla a um phat chuh a hungtung tai.

JOHAN 13:1

Chun, Isu’n, Chiehkân Kut maa zie khawvel hi pawtsan a, Pa kawma chieh phat a tung tai tih a he a. Amah mi, khawvel a um, a hehpih sekte chuh, a tâwp tiengin le a hehpih zing a.

JOHAN 2:3

Tichun, uain a hung tâksap phet un Isu nu’n a kawmah “Uain a kitasam tau hi,” a ti a.

JOHAN 20:13

Amau chun a kawmah, “Numei, bang dinga kap na hi?” a tiu a. Amah chun a kawm u ah, “Ka Lalpa a chiehmangpih u a, a kawihna chin uh ka het loh ziekin,” a ti a.

JOHAN 20:15

Isu chun a kawmah, “Numei, bang dinga kap na hi? Kuo a na hawl?” a ti a. Amah chun huon ngakpa kha a sa a, a kawmah, “Hepu, amah taka pat hi na lak chawn a hih chun, na kawihna ei hilh in, tichun, chieh ka ting, la’ng ka,” a ti a.

JOHAN 7:30

Ziephet chun, amah chuh mat a guo tau a, himahlele, a hun a tun nai loh ziekin, kuoma’n a chungah a khut uh a tha puou hi.

JOHAN 7:6

Isu’n a kawm u ah, “Ka hun a tung nai puoi, nang haw hun vang chuh a tung zing ahi.

JOHAN 7:8

Nanguh Kut na achun va chieh un, kei vang chuh tuchung Kut a hin chieh lo ding ka hi, ka hun a tun nai loh ziekin,” a ti a.

JOHAN 8:20

Isu’n zie thu haw chuh, Pathien Ho-In a, tuoklawm khiekna thingkuong kawihna pindan a a sinsak laia a gen ahi. A hun a tun nai loh ziekin, kuoma’n a man puoh ngâl u a.

2 KORINTH 5:16

Zieziekchun, tu a thak hin, kei un vang, mihiemte etdan guolin kuomah vaihawm ta puo’ng kau. Mihiemte etdan guolin, Krista chuh na vaihawm sak ta mahleu hing le, tuhin chuh ka hih ta puou.

DAN NIHNA 33:9

‘Ka nu leh pa khawk ka sa puoi,’ tite khan, A suohpihteu, a chateu le a ngaikhawk puou; Ahih ziekin, na thu a ngaikhawk ui, Na thuthun a zui ui.