JOHAN 2:24 - PATHIEN LEKHABU THIENGTHO (BSI)

²⁴ Himahleh, Isu’n amau haw chuh a muong zo puoh a.

JOHAN 2:24 ပူးပေါင်းရင်းမြစ်များ

JOHAN 6:64

Himahlele, na laku ah abang gingcha lo na um nalai ui.” a ti a. (Isu’n a gingchalo leh a matsak ding pa chuh, atûng apat a hezing ngâl a.)

HEBRAI 4:13

Thil kisiem, amah mitmuh a kilanglo bangmah a um puoi; I chanchin uh I tutna ding pau mitmuh achun, bangakai hi, ngawnchang leh kihawngsa a um ahi ngâl a.

NASEPTE 1:24

Chun, a paucham u a, “Nang Lalpa, mihiem chengcheng lungthim he pa,

MATTHAI 9:4

Himahleh, Isu’n a ngaihtuoh hawu chuh a het in, “Bang dinga na lunggil u a gitloh ngaihtuoh na hiu hi?

1 KHANGTHUBU 28:9

“Chun, nang ka chapa Solomon, na pa Pathien chu na Pathien hi hen la, lunggil phabukim leh lungthim lawp takin a na chu sem in. Lalpa chun lunggil a en sek a, lunggil a tupte chengcheng chu a he suok hi. Amah na hawl chun mu’n na tin, na kihei mangsan chun kumlekhuo’n hun paih tha’na.

JOHAN 16:30

Nangin bangakai na he a, kuomah hun dawt na ngek puoi, tih chientakin ka he tau hi. Zie ngêi chun. Pa apat a hung na hii tih ka gingcha tau hi,” a tiu a.

JOHAN 5:42

Himahleh, nang haw hi bang tawbang mi na hih uh ka hun hêi, Pathien hehpihna na lungthim u ah na nei puou hi.

1 SAMUEL 16:7

Himahlele, Lalpa chun Samuel kawmah, “A mel ahim a sân lam ahim en ki’n la; amah hi chu ka deihloh ahi; Lalpa chun mihing et dân in a en puoh ngâla; mihing chun pawlam latdan a en sek a, himahleh, Lalpa chun chu lunggil a en zaw sek hi,” a ti a.

THUPHUON 2:23

A nungzuite cheng chule that ing ka ting, tichun, kei hi mi tin ngaihtuohna he pa leh, en pa ka hi tih, sapchuom haw lawi chengcheng chun he ta’n au. Na lak uh a mitin, a thilhih dungzui chiet un dinthuk ing ka.

JEREMIA 17:9

“Lunggil hi thil chengcheng sanga thep hatpen, sie tâwp khawk a hi a; kuo a hethiem thei ding?

JOHAN 21:17

Chun, a thumveina chun Isu’n, “Simon, Johan chapa, nangin kei nei hehpih em?” ti’n a dawng kit a. Isu’n a thumveina a “Nangin kei nei hehpih em?” a kawma a tih ziek chun Peter chuh a lungkham a, a kawmah, “Lalpa, bangakai na he a, ka hun hehpih hi tih na hêi!” a ti a. Isu’n a kawmah, “Ka belamte enkawl ah.

MARK 2:8

Chun, Isu’n, a lunggil un zie bang chun a ngaihtuoh ui tih a lungthim in a he pai zieng a, a kawm u ah, “Zie thu haw chuh bangati a na lungthim u a ngaihtuoh?

1 KHANGTHUBU 29:17

Ka Pathien uh nangin lunggilte na patep sek a, diknate le na kipahpih hi tih ka heu a. Kei hin vang lunggil tak takin, zie thil haw hi kipâk takin ka hun pie a, zie a na mipite hin le, kipâk taka na kawma hun lân ka muh hin ka kipâk mah mah hi.

JOHAN 6:15

Ziephet chun, lenga siem dinga mat hâm guo’n hung ding ahiu hi tih Isu’n a he a; tângah amah chauh in a chieh chuom kit ta a.

JOHAN 1:42

Tichun, Simon chuh Isu kawmah a hun pui a. Isu’n amah chuh a na en a, a kawmah, “Na min chuh Johan chapa Simon ahi, himahleh, Kipha hun ti’n au,” a ti a. (Zie chuh Peter tihna ahi a, a umzie chuh “suong” tihna ahi.)

DAN NIHNA 31:21

Chun, hiti hi hung hi’n tin, tuohsie leh haksatna tamtak a chungu a ahung tun tieng leh zie la hi amau hetdawk saka pang hung hi’n tin, a suonteu kam apat hetngilh theih hi puo’n a; tu a ka kihâksiel na gama ka puih lut ma him hin le a lungput dân uh chuh ka hetsa mawng ahi ngâla,” a ti a.

1 LENGTE 8:39

Na umna van ah a na ngaihthak sak inla, ngaidam inla, mitin a umdan dungzui un bawlsak in; a lungthim uh nang na he ngâl a (nangmah, nang mai in mihingte lungthim na he ngâl a).

NASEPTE 15:8

Chun, Pathien, mitin lunggil he pa chun, ei uh ei piek guol khan, Thagau Thiengtho chuh amau haw kawm ale pien, a chungu ah a kipâk hi tih a hetsak a.

JOHAN 4:16

Ziephet chun, Isu’n a kawmah, “Na pasal va sam inla, taka hin hungkit ah,” a ti a.