JOHAN 2:12 - PATHIEN LEKHABU THIENGTHO (BSI)

¹² Chun, zie nung chun Isu chuh, a nu tawh, a suohpihte tawh, a sinsakte tawh Kapernaum khuo ah a zu chieh u a, tak achun ni sawtlo cha a um u a.

JOHAN 2:12 ပူးပေါင်းရင်းမြစ်များ

MATTHAI 12:46

Isu’n mipite kawma thu a gen lai tak chun, ngaitie, a nu leh a suohpihte chuh amah hopih guo’n pawlam ah a ding u a.

GALATI 1:19

Sawlchak dangte vang chuh, Lalpa suohpih Jakob tihloh, kuomah dang ka mu puoh a.

1 KORINTH 9:5

Sawlchak dangte leh Lalpa a suohpihte leh, Kiphas guol khan, zi, pui viel dingin thu neilo ka hi?

MARK 6:3

Zie pa hi Mari chapa, Jakob te, Joseph te, Juda te leh Simon te suohpihpa, thingkuong siempa kha hilo ahim? A suohpih numeihaw le zie a hi I kawm u a um hilo maw?” a tiu a. Tichun, a chungah a lungkim ta puou a.

MATTHAI 4:13

Nazareth khuo nusieh in Kapernaum khuo a hung tunga, zie tak achun a um zing ta a; zie chuh Zebulun leh Naphtali huop sung dîl panga um ahi.

JOHAN 6:17

Kuong ah a chuu a, dîl chuh a kân u a, Kapernaum khuo lam ah a chieh kit tau a. Khuo a thim ta a, Isu chu la a kawmuh a tung nai puoh a.

MATTHAI 11:23

Chun, nang Kapernaum, van tienga kichawihsan ut na him? Mithi khuo tienga paihthak ding na hi a puo! nang haw chunga thilmak kihih haw kha Sodom khuo a hih hileh chuh, tu tiengin um zing nalai ina.

JOHAN 2:2

Isu leh a sinsakte le kichên na achun a chiel u a.

JOHAN 4:46

Tichun, Isu chuh Galili gama tui uain a suoh sakna kha a hung tung kit a. Zie tak achun mi pawimawh tak khat kuo ahim a um a, a chapa chuh Kapernaum khuo ah a dam puoh a.