JOHAN 2:11 - PATHIEN LEKHABU THIENGTHO (BSI)

¹¹ Isu’n, zie a thilmak hih kipatna hi, Galili gam Kana khuo achun a hih a, a lopi zie a latsak a; tichun, a sinsakte’n a gingcha tau hi.

JOHAN 2:11 ပူးပေါင်းရင်းမြစ်များ

1 LENGTE 17:24

Chun, numei chun Elijah kawmah, “Tuzet hin chuh Pathien mi na hi takzet hi, na kam a thu hih thutak ahi tih ka he tai,” a ti a.

SAM LEHKHABU THE PSALMS 72:19

Amin lopi tak chu kumlekhuo’n pahchak in um henla, Lei chung pumpi hi a lopina’n luoh suok hen. Amen, Amen.

SAM LEHKHABU THE PSALMS 96:3

Namtin lak ah a lopi zie sulang unla, Mi cheng kawmah a thilmak hih haw chu phuong un.

PAWTDAWKNA 14:31

Tichun Israel chate chun Lalpa’n Aigupta mite chunga thil nasatak a hih chuh a muu a, mipite chun Lalpa chuh a lau tau a; tichun Lalpa leh a suok Mosi chuh a gingcha tau hi.

PAWTDAWKNA 4:9

Melchikna nih te nasan hi a ginchak loh u a, na thugen chu le a pawm loh u chun, Nile luipi a tui va suok inla, lei hul ah buntha’n, tichun tui chuh lei hul achun thisan hungsuok in a,” a ti a.

THUGENPA 9:7

Khawsa zel inla, kipâk takin na chângthâk ne’n la, uain dâwn in; na thilhih chengcheng chuh masang lai apat a khah Pathien in pha a sak sa ahi.

ISAI 40:5

Tichun, Lalpa lopina chuh suklat hi’n tin, mi chengcheng in zie chuh mu chiet un au; Lalpa kam ngêi in zie chuh a gen ta ngâl a,” a ti a.

MALAKI 2:2

Ka min sulopi dinga na ngaihthak loh u a, lunggil a na vawp loh u chun, na chungu ah hansie hun tunsak ing ka. Na vangsakna dawnteu chuh hansie buok ing ka. Ahi, na laku ah, lunggil taktak a ka thupiekte vawp na um loh ziekun hansie ka lawh ta him ahi.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOHAN 1:17

Dan thu chuh Mosi’n a pie a, himahleh, lungsietna leh thutak, Isu Krista vangin a hung um hi.

JOHAN 1:43

Chun, a zing chun, Isu chuh Galili gama chieh a guo a. Philip a mu a, a kawmah, “Nei zui ah,” a ti a.

JOHAN 1:50

Isu’n a kawmah, “Theipi bula na um lai khan ka hun mu a puo, ka tih ziekin na gingcha ahi maw? Ziehaw sanga thil lopi zaw hi hun mu’n la,” a ti a, a dâwng a.

JOHAN 10:41

Chun, mi tamtak a kawmah a hung u a, “Johan in thilmak bangmah a hih puoh a; himahlele, Johan in zie pa chungchâng thu a gen khah a na dik ten hi,” a tiu a.

JOHAN 11:15

himahleh, nang haw ziekin a kawma ka um loh hi ka kipâk hi, ti a chuh, na ginchak theihna dingun. A kawmah chieh hitiu,” a ti a.

JOHAN 11:47

Khutichun, thiempu liente leh Pharisaite chun, vaihawm haw chuh a sam khawm u a, “Bang I lawh ta ding u leh? Zie pa hin thilmak tamtak a hih ta ngâl a!

JOHAN 12:18

Zieziekchun ahi, mipite chun a mah a va muok uh, zie thilmak chuh a hih hi tih a he ngâl u a.

JOHAN 12:37

Zie thilmak chengcheng chuh amau haw umna ngêi ah hih mah lele, a gingcha diek puou hi,

JOHAN 12:41

Isai in a lopi zie a muh leh a chanchin a gen ziekin ziehaw chuh a gen ahi.

JOHAN 14:13

Chun, ka min a thil bang hitaleh na nget u chun, hih zel ing ka, ti a chuh Chapa zieka Pa limbawla a um theihna dingin.

JOHAN 16:27

Pa ngêi in nanguh a hun lungsiet ngâl a. Nangun kei nei hehpih u a. Pa apat a hung ngêi ka hi tih nei ginchak ziekun.

JOHAN 16:30

Nangin bangakai na he a, kuomah hun dawt na ngek puoi, tih chientakin ka he tau hi. Zie ngêi chun. Pa apat a hung na hii tih ka gingcha tau hi,” a tiu a.

JOHAN 2:1

Chun, a ni thum ni chun, Galili gama Kana khuo ah kichênna a um a, tak achun Isu nu le a um a.

JOHAN 2:23

Chun, Chiehkân Kut mat laia Isu Jerusalem khuo a a um lai in, mi tamtakin, a thilmak hih a muh ziekun a gingcha tau a.

JOHAN 3:2

Zie pa chuh zan in Isu kawmah a chieh a, a kawmah, “Rabbi, Pathien kawm apat a sinsakpa dinga hung na hi, tih ka heu a; Pathien a chung u a a um loh chun, zie thilmak na hih bang hi kuoma’n hih thei puo’n au,” a ti a.

JOHAN 4:3

Khutichun, zie thu kigen haw chuh a het phetin, Judai gam chuh a taihsan a, Galili gam ah a chieh kit ta a;

JOHAN 4:46

Tichun, Isu chuh Galili gama tui uain a suoh sakna kha a hung tung kit a. Zie tak achun mi pawimawh tak khat kuo ahim a um a, a chapa chuh Kapernaum khuo ah a dam puoh a.

JOHAN 4:54

Zie chuh Isu’n, Judai gam apat a Galili gama a hung nunga a thilmak hih a nih vei na ahi.

JOHAN 5:23

Tia chuh mi cheng chengin Pa a zah guol u a, Chapa le a zahna dingun. Kuole, Chapa zahlo chuh. Pa, a sawlpa chule zahlo ahi.

JOHAN 6:14

Isu’n zie thilmak a hih chuh a muh phet un, mipite chun, “Zie pa hi, thiemgau, khawvel a hung ding pa khah a na hi na hi!” a tiu a.

JOHAN 6:2

Damlote chunga thilmak a hih haw a muh ziek u chun mipi nasatak in a zui u a.

JOHAN 6:26

Isu’n a dâwng a, “Tihtakzet a ka hilh na hiu hi, thilmak haw hi na muh ziek u a ei hawl na hi puou a, chângthâk pek na nek vah ziek u a ei hawl na hi zawu ui.

JOHAN 6:30

Amau chun a kawmah, “Ka muh u a, ka ginchak theihna dingun, bang thilmak a na hih ding?

JOHAN 7:31

Mipi, abang, tamtak vang chun amah a gingchau a, “Krista chuh a hung tun tieng leh, zie pa hih sanga tam zaw hi thilmak hun hih ding a hi a a hi?” a tiu a.

JOHAN 9:16

Chun, Pharisaite abang in, “Zie pa hi Pathien kawma pawt hi puo’n a a ziek chuh, Chawlhni a nit puoi,” a tiu a. Khenkhatte’n vang chuh, “Migilo in bangti’n a, zie tawbang thilmak hi a hih theih ding?” a tiu a. Khutichun, a laku ah kibungkhenna a hung um ta a.

2 KORINTH 3:18

Khutichun, eihaw vang chuh, mai khuh loh in, I bawn un lim-et banga Lalpa lopina a salhvak a um in; zie lopina mah, Lalpa apat a hung, Thagau mawng chun, lopina apat lopi sawn in, amah kibatpih a suklamdan in I um uh ahi.

2 KORINTH 4:17

Chun, zie buoina neucha, mitphetlohkal a beimang ding ka thawk u hin, zie buoina sanga leh tamtak a nasa leh, kumsawt a lopina mun achun ei tun ding ahi ngâl a.

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

DAN NIHNA 5:24

Ngaitie, ‘Lalpa I Pathien u chun I kawm u ah a thupi zie leh a lopi zie a latsak a, mei apat a a aw chuh I za tau a; Pathien in mi a hopih leh thihna ahi diek sam puoi tih tuni hin I mu tau a.

1 JOHAN 5:13

Pathien Chapa min na ginchak u a, kumsawt a hinna na nei ui tih na het theihna dingun, zie thu hi na kawm u a ka hun zik ahi.