JOHAN 19:6 - PATHIEN LEKHABU THIENGTHO (BSI)

⁶ Chun, Thiempu liente leh mimante chun amah a muh phet un, a kiko u a, “Kross ah khêndên ah, kross ah khêndên ah!” a tiu a. Pilate in a kawm u ah, “Nangun pui unla, kross ah khêndên un, kei vangin bangmah a gitlohna ka mu puoi,” a ti a.

JOHAN 19:6 ပူးပေါင်းရင်းမြစ်များ

MATTHAI 26:58

Himahlele, Peter in gamla taka kihal in amah chuh a zuia. Thiempu lienpen In umna huongsung Inmai tiengin a va zui a, a tawpna muh guo’n mivengte lak achun a va chu a.

MATTHAI 27:22

Chun, amau haw chun, “Barabbas” a tiu a. Pilate in a kawm u ah, “Isu Krista a tih u hi bang ka lawh ta die leh?” a ti a. Amau haw chun. “Amah chuh kross ah khêndên ah.” a tiu a.

MATTHAI 27:24

Ziephet chun, Pilate in bangmah ahih thei ta puoh a, hung buoi zaw deuh deuh ding ahi tih a het in, tui a la a. mipite ma achun a khut a sawp a, “Zie mi diktat thisan ahin ka thieng hi, nangun na lawh lawh uh kilawh un,” a ti a.

LUKE 23:4

Ziephet chun, Pilate in thiempu liente leh mipite kawm achun, “Zie pa chunga hin bangmah a gitlohna ka mu puoi,” a ti a.

JOHAN 18:3

Khutichun, Juda chun sepaih lawi tawh, thiempu liente leh, Pharisaite kawma um, mi mante tawh a pui a, thaumei le, meisel le, hiem lethal keng in tak achun a chieh tau a.

JOHAN 18:31

Ziephet chun, Pilate chun, “Nangun pui unla, na dân guol un a chungthu tan un,” a ti a. Amau chun a kawmah, “Kei u thu’n kuomah thah zieng chuh dân a hi puoi,” a tiu a.

JOHAN 18:38

Pilate in a kawmah, “Thutak chuh bang ahi?” a ti a. Zie thu chuh a gen zawh phetin Pilate chuh Judate kawma chun a va pawt kit a, a kawm u ah, “Mawhchansakna ding bangmah a gitlohna ka mu puoi.

JOHAN 19:15

Amau haw chuh a kiko u a, “Sumangthai ah, sumangthai ah; kross ah khêndên ah!” a tiu a. Pilate in a kawm u ah, “Na leng u hi kross a ka khetdên ding maw?” a ti a. Thiempu Liente’n, “Kaisar tih loh leng dang ka nei puou,” ti’n a dâwng u a.

JOHAN 19:4

Pilate chuh a pawt kit a, mipite kawm achun, “Entiem u, bangmah a gitlohna ka mu puoi tih na hetna dingun, na kawm u a ka hun puih dawk ahi!” a ti a.

NASEPTE 2:23

Amah chuh Pathien lemguot leh hetlawk bangin, a matsak u a, nangun migilote khut in kross ah na khêndên u a, na sulum tau a.

NASEPTE 7:52

Nanguh hun suonte’n, thiemgaute laka kuo a, a bawlsiet loh uh um? Mi Diktat hung ding thu hilhlawkte khah a that u a; zie Mi Diktat chuh matsakte leh thatte chuh nangmau hi na hiu apuo!