JOHAN 19:30 - PATHIEN LEKHABU THIENGTHO (BSI)

³⁰ Chun, Isu’n uain thuk a na dâwn zawh chun, “Zawh ahi tai,” a ti a. Chun a lu a khun a, a thagau a thah ta a.

JOHAN 19:30 ပူးပေါင်းရင်းမြစ်များ

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

SAM LEHKHABU THE PSALMS 22:15

Ka tha hi leibel sie hal bangin a gaw zo ta a; Ka lei nasan le ka khadang ah a bek chak kêi a; Nang in thihna lei vui ahin nei kuol sak ta ngâla.

ISAI 53:10

Himahlele, zêp thidup a a um chuh Lalpa phasak lam ahi a, suknat in a um ta ngeia, a hinna chuh gitloh ngaihdamna dinga kithawihna ahi ngâl a, a mah chite chuh hun mu’n tin; a nite chuh suksau sak in tin, tichun, Lalpa deihlam chuh amah achun sukbukim in um ina.

ISAI 53:12

Zieziekchun, amah chuh miliente chanvo bang hawm ing ka ting, amah chun mihatte tawh gâllâk sumte chuh hawm ina; a hinna chuh thi khawp hiela a sunbuok a, migilote laka simtel a a um ziekin; ahi, mi tamtak te gitlohna chuh puo a, migilote chuh ngaihdam a a um theih na dingun a paucham sak hi.

DANIEL 9:24

“Na mite leh na khawpi thiengtho hi gitlohna leh thil gilo apat a zalen taka a umna ding chun hapta sawmsagih hi ding ahi. Zie tieng chu leh gitlohna ngaihdam hi’n tin, vaihawmna dik chuh kumlekhuo a dinga sukdet hi’n tin. khutichun hilhlawkna thu leh kilâkna thu chuh hung tungkim intin; chuleh, Ho-In thiengtho chuh lat thak kit hi ta’n a.

DANIEL 9:26

Zie hun chuh a hung tâwp tieng leh, Pathien tel ngêi leng chuh diklo taka thah in um in a. Leng dang thil hihthei tak sepaihte chun hun do untin, khawpi leh Jerusalem chuh suksiet in um in a. A tawpna chuh tuilien bangin hung intin; Pathien in a guonggalhsa, kidona leh sietna chuh hungtung in a.

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

MATTHAI 20:28

Mihiem Chapa hi zen a um dinga hung ahi puoh a, mi zen ding leh, mi tamtak tatna dinga a hinna pie dinga hung a hih guol hin,” a ti a.

MATTHAI 27:50

Chun, Isu chuh ngeih tak in a hung kiko kit a, tichun, a thagau a thah ta a.

MATTHAI 3:15

Himahleh Isu’n a kawmah, “Tu’n lemsa hâm ah, zie tawbang diktatna chengcheng hih muolsuoh hi ei u dingin thil kilawm ahi ngâl a,” ti’n a dâwng a. Khutichun lem a sa ta a.

MARK 15:37

Chun, Isu chuh ngeih tak in a kiko a, a thagau a thah ta a.

LUKE 22:37

Ka hilh na hiu hi, Amah chuh mi gilote lak ah a simtel tau hi ti a, Pathien lehkha thu a ka chungchâng thu zik kha ka chunga hungtung ding ahi; ka chungchâng thu kizikte kha hungtung kim ding a hi tai,” a ti a.

LUKE 23:46

Tichun, Isu chuh ngeih tak in a kiko a, “Hepa! na khut ah ka thagau ka hun vawp sak hi,” a ti a. Zie chuh a gen zawhin, a thagau a thah ta a.

JOHAN 10:11

“Kei belam chingpa pha ka hi, belam chingpa pha’n belamte dingin a hinna a pie sek hi.

JOHAN 10:18

Kuoma’n ei lâksak thei puo’n a. Keimah thu thu a pie ding ka hi zawi. Pie thei ka hi a, la kit thei le ka hi. Ziehi, ka Pa’n thu ei piek chuh ahi,” a ti a.

JOHAN 17:4

Nangin thilhih dinga nei piek kha ka hih zo a, lei chungah ka hun limbawl tai.

JOHAN 19:28

Zie nung chun, Isu’n bangakai tu’n a kim tai tih a he a, chun, Pathien Lehkha Thu khah a tunkimna’n, “Ka dang a châk hi,” a ti a.

JOHAN 4:34

Isu’n a kawm u ah, “Ei sawlpa deih dân hih leh, a nasep zawh ding hi ka an ahi.

ROME 10:4

Krista chuh a gingchate cheng dingin, diktatna a muh theihna dingun, Dan suhaipa ahi ngâl a.

ROME 3:25

Pathien thuokhatna zâla malaia a gitlohna teu kihetloh sak a a um ziekin a diktatna etsakna dingin Krista Isu chuh a thisana ginna zieka suol thuphachawih na hiding in Pathien in a guot a.

1 KORINTH 5:7

Na hung thientho suok kêi theihna dingun, gitlohna chawl lui chengcheng chuh ladawk vek un. Khutichun, chawl tello na hih guol mah un, chângthâk lawm thak hung hi thei un lau. I Chiehkân Kut na ding u chuh a that ta ngâl u a; Krista ngêi chuh.

PHILIPPI 2:8

Chun, mihiem mellepâng hung pu’n, a kingainiem a, thih chanpha a thu zawp in a hung um ta a, kross a thihna ngêi chuh.

HEBRAI 12:2

Chun, Isu, I taksannau siempa leh subukimpa lam chuh en zing hitiu. Amah chun, a masanga lawpna a um ziek chun, zahchâkna chuh ngaidau in, kross achun a thuok a, tichun, Pathien lalchutphah changlam achun a va chu ta a.

HEBRAI 9:22

Tichun, Dan thu vangin, thil chengcheng chuh thisana sukthien in a um sek a, thisan mang lo in, gitloh ngaihdamna himhim a um puoh ngâl a.