JOHAN 19:17 - PATHIEN LEKHABU THIENGTHO (BSI)

¹⁷ Amah chun a kross chuh kiput in, “Luguh mun,” a tih uh, (Hebrai pau a Golgotha) kiti mun tieng chun a chieh ta a.

JOHAN 19:17 ပူးပေါင်းရင်းမြစ်များ

THILSIEMBUL 22:6

Tichun, Abraham chun hâlmang thilpiekna ding thing chuh a la a, a chapa Isak chuh a put saka; amah chun mei leh chemcha a chawia, khutichun a nih u chun a chieh tau hi.

1 LENGTE 21:13

Chun, Belial chapate mi nih chu a hung u a, a ma ah a chut sak tau a; chun mipi um haw kawm achun Belial chapate chun, “Naboth hin Pathien leh leng a gensiei,” ti’n a hêk u a. Tichun khawpi apat chun a puidawk u a, suongin a sep u a, a seplum tau a.

THIEMPUDANTE 24:14

“Hansie lawhpa chuh giehbuk pawlam ah puidawk inla, a hansie gen za taphawt chun a lu chung ah a khut uh nga chiet u hen la, mipi chengcheng chun suongin sep u hen.

MATTHAI 10:38

Chun, kuole a kross pu a ei zui lo chuh ka mi hi hâwi ahi puoi.

MATTHAI 16:24

Chun, Isu’n a sinsakte kawmah, “Kuon le ei zuih a nawp leh, amah gimtheih khawksa lo in, a kross pu’n ei zui hen.

MATTHAI 27:37

Tichun, amah a heknau “Zie pa hi Isu Judate Leng ahii,” ti a kizik a lu chung ah a tâk u a.

MARK 10:21

Isu’n amah chuh a en a, a hehpih ta a, a kawmah, “Thil khat na vat nalai hi; chieh inla, na neih chengcheng zuok inla, mi neilahte kawmah pie’n, tichun, van ah go nei in la; chuleh, hung inla, ei zui ah.” a ti a.

MARK 15:26

Chun, a hêkna lehkha a chunglam ah “JUDATE LENG” ti’n a zik u a.

MARK 15:32

I muh u a, I ginchak theihna dingun, Krista, Israel leng chuh tuhin kross apat in hung kum tha hen,” a tiu a.Chun, mi nih a khetdênpihteu chun le Isu a gai u a.

MARK 8:34

Chun, Isu’n mipite leh a sinsakte chuh a sama, a kawm u ah, “Kuo’n le, ei zuih a nawp chun, amah gimtheih khawksa lo in, a kross pu’n ei zui heh.

LUKE 14:27

Kuole, amah kross pua ei zui lo chuh ka nungzui hi thei puo’n a.

LUKE 23:26

Khutichun, sepaihte’n Isu chuh a puimang tau a, a chieh lai u chun mi khat, Kurini khuo a um, a min Simon kiti, thingtâng apat a khawpi a hung chuh a kituok pih u a. Tichun, a man u a, a chungah kross a ngau a, Isu nunglam a chun a put sak tau a.

LUKE 23:33

Tichun, “Kalvari,” a tih uh chuh a tun phet un, tak achun, kross ah a khêndên u a, mi gilote tawh, a changlam ah, khat a veilam ah khat a kilhden u a.

LUKE 23:38

Chun, a chunglama chun Grik pau, Latin pau leh Hebrai pau in, “ZIE PA HI JUDATE LENG AHI” tih a kizik a tâk u a.

LUKE 9:23

Chun, amah mah in a bawnu a kawmah, “Kuo’n le ei zuih a nawp chun, amah gimtheih khawksa lo in, ni chengin a kross pu’n ei zui heh.

JOHAN 19:13

Pilate in zie thu haw chuh a zak phetin, Isu a puidawk a, a min suong kilem, (Hebrai pau in Gabbatha a tiu a) zie mun achun, vaihawmna chutphah ah a chu a.

JOHAN 5:2

Jerusalem achun belam kawtkhak kieng ah dîl a um a; zie chuh Hebrai pau in, Bethesda a tiu a; hulliep nga le a nei a.

NASEPTE 7:58

khuo apat chuh a nawhdawk u a, suongin a sep u a, a hetpihte chun tangval khat, a min Saul a tihpau keng bul achun a puonhawu a kawih u a.