JOHAN 19:11 - PATHIEN LEKHABU THIENGTHO (BSI)

¹¹ Isu’n a, dâwng a, “Pathien apat a thuneihna piek na hih loh chun, ka chungah hih theih himhim nei puo’n la, zieziekchun, na khuta ei piepa khan gitloh a puo zaw diek hi,” a ti a.

JOHAN 19:11 ပူးပေါင်းရင်းမြစ်များ

1 KHANGTHUBU 29:11

Aw Lalpa, lopinate, thilhih theihna te, limbawlna te, guolzawhna te, lalnate, nanga a hi a; lei leh van a um chengcheng hi nanga ahi ngâl a; aw Lalpa, gam chu nanga ahi a, mi chengcheng laka chungnung pên na hi.

SAM LEHKHABU THE PSALMS 39:9

Nangmah hih ahih ziekin Ka pau puoh a, ka kam le ka ka diek puoi.

SAM LEHKHABU THE PSALMS 62:11

Pathien in khatvei a gen a; E! zie hi nihvei ka he tai; Thilhih theihna hi Pathien a ahi tih hi:

SUNNA LA 3:37

Lalpa’n thu a piek loh a thugen a, hung guitung chu kuo ahi?

DANIEL 4:17

Ziehi vânsâwlchâk, kigingsa leh kiguozo sa a hungsuk pa thutanna chuh ahi. Chungnung pên pa chun mihingte lalna gam chungah thu a nei a, a deihsak taphawt a pie a, mi nuoinung pente le gam chuh a luoh sak sek hi tih mihingte’n a hetna dinguh ahi,’ ti’n a kiko a.

DANIEL 4:25

Chungnung pên pa chun mihingte lalna gam ah thu a nei a, a deihsak taphawtte a pie sek hi tih na het ma chengin, mihingte lak apat nawhdawkin um in na tin, gamsate lak ah um inla. Tichun, kum sagih sung bâwngchal banga hampa peh sak in um na tin, van daitui in hun chap chek ding ahi.

DANIEL 4:32

Mihing lak apat a nawhdawk hin na tin, gamsate lak ah um in na tin, bâwngchal guolin hampa pet ding na hi a, na chungah hun sagih bei ina. Chungnung pên pa chun mihingte lalna gam ah vai a hawm a, a deihsak taphawtte kawmah a pie sek ahi tih na het ma cheng chun,” ti’n.

DANIEL 4:35

Chun, leichung luoh cheng chengte hi bangmahlo a ngaih ahiu a; Vana vânsâwlchâkte leh lei chunga mi chengcheng hi, a thuneihna nuoia um vek ahi ngâl a. A thilhihte kuoma’n a nang thei puoh a, bangmah a gen thei diek puou hi.

DANIEL 5:21

Tichun, mihingte lak apat in nawhdawk in a um a; a lungthim chuh gamsate a banga siem in a um a, a chênna chuh gam sabiltungte lak a hi ta a; bâwngchal guolin hampa a pet a, tichun gamlak achun a taksa lieh ding um lo in dâitui lak achun a kuol ta a. A tâwp chun, Pathien Chungnung pên pa chun mihingte lalna gam ahin vai a hawm a, a deihsak taphawt a luoh sak sek hi tih a hun he dawk ta a.

MATTHAI 26:65

Zie chun, thiempu lienpen chun a silhlechen haw chuh a bawtthêk a, “Pathien a gensie tai, hetpih dang bang zieka ngaih beh ding I hiu hi? Ngaitiem u, Pathien a gensiet dân chuh tuhin na he tau hi.

MATTHAI 27:2

Khutichun, Amah chuh a kân u a, a puidawk uh a, gamsung vaihawmpa Pilate kawmah a pie tau a.

MATTHAI 6:13

Thepna ah ei puilut ki’n la, Gitloh apat in ei hukdam zaw’n; Gam leh, thilhih theihna leh, lopina chuh, Kumsawt in nanga ahi ngâl a. Amen.’

MARK 14:44

Chun, a matsak ding pa chun: “Ka châwp pên pên chuh hi’n tin man un la, phataka veng in puimang zieng u,” ti a amau haw chuh tiemtehna a na pieksa diem ahi.

LUKE 22:53

Pathien Ho-In ah, ni chengin na kawm u ah ka um a, nei mat guo ngâl puou a, Himahleh, tuhi na tawih phat uh ahi, thim thilhih theihna’n vai a hawm ahi,” a ti a.

JOHAN 18:13

Tichun, Annas kawmah a pui masau a. Amah chuh Kaiapha talpu ahi a, zie kum chun Kaiapha chuh Thiempu Lienpen ahi.

JOHAN 18:3

Khutichun, Juda chun sepaih lawi tawh, thiempu liente leh, Pharisaite kawma um, mi mante tawh a pui a, thaumei le, meisel le, hiem lethal keng in tak achun a chieh tau a.

JOHAN 19:10

Chun, Pilate in a kawmah, “Nangin kei nei ho lo vang vei maw! Hun thahdawk thei ka hi a, kross a hun khêndên thei le ka hi tih na he puo maw?” a ti a.

JOHAN 3:27

Johan in a dâwng a, “Mihiem in bangmah a nei thei puou, Pathien in a piek a hih loh ngâl chun.

JOHAN 7:30

Ziephet chun, amah chuh mat a guo tau a, himahlele, a hun a tun nai loh ziekin, kuoma’n a chungah a khut uh a tha puou hi.

JOHAN 9:41

Isu’n a kawm u ah, “Mitdûk na hih u chun, gitloh nei puo’n lau, himahlele, tun ka mu thei ui na ti ngâl u a, zieziekchun, na gitloh uh a um zing a hii,” a ti a.

NASEPTE 2:23

Amah chuh Pathien lemguot leh hetlawk bangin, a matsak u a, nangun migilote khut in kross ah na khêndên u a, na sulum tau a.

NASEPTE 3:13

Abraham te, Isak te, Jakob te Pathien, ei suonteu Pathien chun, a suok Isu hi a limbawl ahi ta hi. Amah chuh na matsak u a, Pilate in thahdawk a guot nasan inle, a masang ngêi ah na deih loh uh ahi kha.

NASEPTE 4:28

Amau haw chuh, na thilhih-theihna leh, nangmah deihdan a thil um dinga na guotlawksa cheng hih dinga kigawm khawm ahiu hi.

ROME 11:36

Amah apat leh, amah vang leh, amah a dingin thil chengcheng hi hung um ahi ngâl a. Amah kawm achun kumkhuo’n lopina chuh um hen. Amen.

ROME 13:1

Mitin, a chung u a vaihawmte thu thu’n um u hen. Pathien thu lo in vaihawmte kuomah a um puoh ngâl u a; vaihawmte hih Pathien guot ahiu hi.

JAKOB 1:17

Thilpiek pha leh bukim chengcheng chuh, chunglam apat ahi. Pa vaka hung tha suk ahi a, amah achun lamdanna leh kiheina lim himhim a um thei puoi.

JAKOB 4:17

Khutichun, kuole, thilpha hih ding he a, hih sâm lo chuh, a dingin gitloh ahi.