JOHAN 18:8 - PATHIEN LEKHABU THIENGTHO (BSI)

⁸ Chun, Isu’n a kawm u ah, “Keimah hi ka hi, tih ka hun hilh ta kha,” a ti a. “Kei nei hawl uh a hih chun ziete haw hi chieh sak tadih un,” a ti a.

JOHAN 18:8 ပူးပေါင်းရင်းမြစ်များ

1 PETER 5:7

Ama’n a hun khawksak sek ziekin, na lungzînna cheng chenguh amah chungah nga vek un.

EPHESI 5:25

Pasalte haw, na ziteu hehpih un, Krista’n sapchuom haw a hehpih a, a sik uh a amah a kipiek bang khan.

2 KORINTH 12:9

Himahlele, amah chun ka kawmah, “Ka lungsietna hi nang dingin a buting ahi, ka thilhih theihna hi na zawnkhalna ahin a puo sukbukim a a um sek,” a ti a. Khutichun, Krista thilhih theihna chuh ka chunga a um theihna’n, kipâk mah mah kawmin ka zawnkhalna haw hi suong zaw tang ka.

1 KORINTH 10:13

Mihiem thuok theih bang ngâllo chuh, thepna himhim na chungu ah a tung kha ngâl puoh a. Pathien in a thutiem chuh a vawp zing a, na thuok theih val u chuh, na chung u a thepna a tun phal puo’n a; thepna na tuok phat u leh, zie do zawhna ding chun hatna hun pie’n tin, tichun, taih dawkna ding hun siem sak zaw’na.

JOHAN 16:32

A hun tung ding ahii, a tung le ahi zieng tai, zie tieng chu leh nangmau In lam chietah dalh vek un na tin uh, keimah chauh in nei thahtha’n lau; himahlele, Pa ka kawma a um ziekin, keimah chauh in ka um diek puoi.

JOHAN 13:36

Simon Peter in a kawmah, “Lalpa, hawi ah e na chieh ding?” a ti a. Isu’n, “Ka chiehna ding ah nangin tu’n nei zui thei puo’n la, tunung le vang chuh nei zui inla,” a ti a, a dâwng a.

JOHAN 13:1

Chun, Isu’n, Chiehkân Kut maa zie khawvel hi pawtsan a, Pa kawma chieh phat a tung tai tih a he a. Amah mi, khawvel a um, a hehpih sekte chuh, a tâwp tiengin le a hehpih zing a.

JOHAN 10:28

Amau haw chuh kumkhuo a hinna ka pie a, thi ngei ta puo’n au. Kuoma’n ka khut apat ei chuhthâk sak ta puo’n au.

MATTHAI 26:56

Himahlele, thiemgaute lehkha thu haw chuh a hung tun kim theihna dingin ziehaw chengcheng hi hung um ahi ta hi,” a ti a. Ziephet chun, sinsakte cheng chun amah chuh a taihsan u a, a tai mang tau a.

ISAI 53:6

I bawn un belam guolin I vakmang u a; mitin eimau lampi chiet ah I kihei tau a; himahleh, I gitlohnau chuh Lalpa’n amah chungah a nga a, I thuok sik un a thuok ta a.

JOHAN 18:7

Chun, Isu’n a kawm u ah, “Kuo a na hawl uh?” ti’n a dawng kit a. Amau chun a kawmah, “Nazareth Isu,” a tiu a.

JOHAN 18:9

(“He Pa! nangin kei nei piekte kha khatchale ka mansak puoi,” ti a, a thugen te haw kha a guitun theihna dingin zie thu chuh a gen a hii.)