JOHAN 18:4 - PATHIEN LEKHABU THIENGTHO (BSI)

⁴ Isu’n, a chunga thil tung dingte cheng chuh a he vek a, masang lam zuonin a va chieh a, a kawm u ah, “Kuo a na hawl uh?” a ti a.

JOHAN 18:4 ပူးပေါင်းရင်းမြစ်များ

JOHAN 13:1

Chun, Isu’n, Chiehkân Kut maa zie khawvel hi pawtsan a, Pa kawma chieh phat a tung tai tih a he a. Amah mi, khawvel a um, a hehpih sekte chuh, a tâwp tiengin le a hehpih zing a.

JOHAN 18:7

Chun, Isu’n a kawm u ah, “Kuo a na hawl uh?” ti’n a dawng kit a. Amau chun a kawmah, “Nazareth Isu,” a tiu a.

NASEPTE 2:28

Nangin hinna lampi le nei kâwkmuh a, Nangin, na mel in kipâkin nei sudim inla,’ ti’n.

SAM LEHKHABU THE PSALMS 27:3

Sepaih hawn in ei kisuolpih guon ei ûmkimvel mah leu, Ka lungthim hi lau puo’n a: Ei kidopih mahleu le, kimuong takin um zing ka.

JOHAN 19:28

Zie nung chun, Isu’n bangakai tu’n a kim tai tih a he a, chun, Pathien Lehkha Thu khah a tunkimna’n, “Ka dang a châk hi,” a ti a.

JOHAN 13:11

(A matsak ding pa chuh a he ngâl a; zieziekchun, na bawn un vang na ngim puou, a tih ahi.)

JOHAN 6:64

Himahlele, na laku ah abang gingcha lo na um nalai ui.” a ti a. (Isu’n a gingchalo leh a matsak ding pa chuh, atûng apat a hezing ngâl a.)

LUKE 24:44

Ziephet chun, a kawm u ah, “Ziehaw hi, na kawm u a ka um lai ngeia ka thugen, Mosi dân ale, thiemgaute lehkhabu ale, Pahchakna Labu ale, ka chanchin kizikte cheng kha, hung guitung ding ahi, ka tih khah ahi,” a ti a.

MATTHAI 26:31

Chun, Isu’n a kawm u ah, “Tu zan hin na bawn un ka chung thu ah lungkim lo in um vek un lau; ‘Belam chingpa chuh zêp ing ka ting, belam hawn chuh zak un au,’ tih zik guol khan.

MATTHAI 26:21

Ankuong a um lai un Isu’n, “Na lak uh a khat hin ei matsak in a,” a ti a.

MATTHAI 26:2

“Ni nih hal leh Chiehkân Kut hung um ding ahi tih heu un, Mihiem Chapa hi khetdên dingin matsak ding ahiu hi,” a ti a.

MATTHAI 16:21

Zie a kipat chun Isu’n Jerusalem khuo a a chieh dân ding haw, upate, Thiempuliente leh Danthuzikte laka thil tamtak a thuok zie ding haw, thah a a umzie ding haw, ni thum ni a kaihthawha a um zie ding haw chuh a sinsakte a hetsak pan ta a.

THUCHINGTE 28:1

Migilo chuh kuomah delh loh in a tai a; himahleh, mi ginum vang chuh sakeibaknei bangin a hangsan ui.

SAM LEHKHABU THE PSALMS 3:6

Ei do a, ei ûmsuok te chuh, Mi singkhat hilele lau puo’ng ka.

NEHEMIA 6:11

Chun, ken, “Kei u lawi hi taisie ding chi ka hiu em? A hinna hukbit na dinga Ho-In a tailut ding kuo a? Tailut hiel puo’ng ka,” ka ti a.

1 LENGTE 18:10

Lalpa na Pathien hinna sâlin ka gen hi, ka pu’n nang hun hawl sak lohna nam leh gam mawngmawng a nei puoi: ‘Zie tak ahin a um puoi,’ a tih u chun a hun muh loh na thuu ah a gam leh nam chu a kipautiem sak zel ahi a.

1 PETER 4:1

Khutichun, Krista’n taksa ngeia a thuok ziekin, nanguh le zie tawbang ngaihtuohna chuh nei in, kisuhat un: kuole, taksapum ngeia thuoksa te chun gitloh a haihsan sek ngâl a.

JOHAN 18:5

Amau chun a kawmah, “Nazareth Isu,” ti’n a dâwng u a.Isu’n a kawm u ah, “Keimah hi ka hi a puo,” a ti a. A matsakpa Juda chule a lak uh achun a ding a.