JOHAN 18:37 - PATHIEN LEKHABU THIENGTHO (BSI)

³⁷ Chun, Pilate in a kawmah, “A leh, leng hilo na hi?” a ti a. Isu’n, “Hi e, leng ka hi a puo! Thutak hetsak hi ka pien lawh leh, khawvel a ka hung lawh ahi. Kuole, thutaka um ta poh in ka thu a pawm sek ui,” a ti a.

JOHAN 18:37 ပူးပေါင်းရင်းမြစ်များ

JOHAN 8:47

Pathien kawma pawt chun, Pathien thu a ngaitha sek hi. Zieziek taka chuh na ngaihnawp loh uh ahi, Pathien kawma pawt na hih loh ziekun,” a ti a.

1 JOHAN 4:6

Himahlele, eihaw Pathien a I hiu a, Pathien hete chun I thuu a ngaitha sek ui; Pathien a te lo chun I thuu a ngaitha sek puou hi. Ziehaw achun, thagau dik leh diklo I hekal uh ahi.

JOHAN 8:14

Isu’n a kawm u ah, “Keimah thu hetsak hi leng le, ka thu hetsak a dik ahi; ken ka hung kipatna leh, ka chiehna ding chin le ka hêi. Nang haw vangin, ka hung kipatna leh, khawia chieh ding ka hih na he ngâl puou a.

1 JOHAN 3:19

Zie achun thutak a um I hih uh kihei ting uh, zie mawng chuh a hii, Pathien masanga I hansanna dinguh chuh.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

ISAI 55:4

Ngaitie, amah chuh namte hetpih dingin ka siem a, namte puitu ding leh thupie dingin ka guot a, Amah achun ka thilhih theihna etsak ing ka.

JOHAN 7:17

Kuole, Pathien deih bang hih nuom ta chun, ka thu sinsak hi Pathien apat ahim, keimah thu a gen ka him, tih he’nau.

1 PETER 1:22

Suohpihte, kihehpih tak tak dinga, thutak zawpa, na thagau uh na sukthien tâk ziekun, lunggil a lunglut takin kihehpih tuoh un.

1 TIMOTHE 6:13

Pathien, thil tincheng kawma hinna piepa leh, Krista Isu, Pontia Pilate ma a phuon pha a phuongpa masang achun thu ka hun piek na hi;

LUKE 23:3

Chun, Pilate in a kawmah, “Judate leng na him?” ti’n a dâwng a. Amah chun a dâwng a, “Hi e,” ti’n a dâwng a.

MARK 15:2

Tichun, Pilate in a kawmah, “Judate leng na him?” ti’n a dawng a. Isu’n a dâwng a, “Na gen chuh ahi,” a ti a.

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

JOHAN 3:32

Amah chun, a muh leh a hette chuh a gen sek a, himahleh, kuoma’n a thugen chuh a pawm nuom puou hi.

MATTHAI 26:64

Isu’n a kawmah, “Hi e, himahlele, ka hun hilh na hi, tunung leh, Mihiem Chapa hi Bangakai hihtheipa khut changlama chu a, van meipi chunga hung hun mu ding na hiu hi,” a ti a.

MATTHAI 27:11

Chun, Isu chuh Rome gam vaipawpa ma achun a ding a, amah chun a kawmah, “Judate leng na him?” a ti a. Isu’n a kawmah, “Hi e,” a ti a.

THUPHUON 3:14

“Chun, Laodikei khuo a sapchuom haw lawi vânsâwlchâk kawm achun hiti hin zik ah: “Amen, taksanum leh hetpih dik, Pathien thilsiem haw bul khan, zie thu haw hi a gen ahi;

THUPHUON 1:4

Johan chun, Asia gama sapchuom haw lawi sagihte kawm achun: A umlaitak leh um sapa leh hung um kit ding pa kawm apat leh, a lalchutphah masanga Thagau sagih um haw kawm apat leh,

1 JOHAN 3:14

Suohpihte I hehpih ziekun, thihna apat I suokchau a, hinna ah I lut tau hi, tih I heu ie. Kuole, hehpihna nei lo taphawt chuh thihna a um zing nalai ahi.

LUKE 22:70

Ziephet chun, a bawnu chun, “Nang hi Pathien Chapa chuh na hi a ahim?” a tiu a. Amah chun a kawm u ah, “Na hi nei tih bang tak u chun ka hi,” a ti a.

MARK 14:62

Ziephet chun, Isu’n, “Ka hi, Mihiem Chapa hi, Bangakai hihtheipa khut changlama chuh a, van mei laka hung hun mu ding na hiu hi,” a ti a.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOHAN 1:17

Dan thu chuh Mosi’n a pie a, himahleh, lungsietna leh thutak, Isu Krista vangin a hung um hi.

JOHAN 8:45

Thudik ka gen ziekin, nang haw’n nei gingcha lo uh ahi.

JOHAN 8:46

Na lak u a kuoa, gitlohna lama mawh ei chan sak thei ding um? Thutak ka gen nasan a le, bang zieka ei gingcha lo na hiu hi?

1 JOHAN 2:21

Thutak chuh na het loh ziekuh a ka hun zik a hi puoh a, na het ziekuh leh, Thutak achun lepchieh bangmah a pawt kha puoi tih na het ziekun ka hun zik zawk a hii.