JOHAN 18:33 - PATHIEN LEKHABU THIENGTHO (BSI)

³³ Tichun, Pilate chuh In sung ah a lut kit a, Isu a sama, a kawmah, “Judate leng na him?” ti’n a dawng a.

JOHAN 18:33 ပူးပေါင်းရင်းမြစ်များ

JOHAN 19:12

Zie a kipat chun, Isu a pawt sak theih dân ding lampi a hawl ta a. Himahleh, Judate chuh a kiko u a, “Zie pa hi na thahdawk chun, Kaisar guolpa hi puo’n la! Kuole, lenga kisiem ta chuh Kaisar do ahiu hi!” a tiu a.

JOHAN 19:3

tichun, a kawmah a hung u a, “Chibai, Judate leng!” ti’n a bêng u a.

JOHAN 18:37

Chun, Pilate in a kawmah, “A leh, leng hilo na hi?” a ti a. Isu’n, “Hi e, leng ka hi a puo! Thutak hetsak hi ka pien lawh leh, khawvel a ka hung lawh ahi. Kuole, thutaka um ta poh in ka thu a pawm sek ui,” a ti a.

JOHAN 12:13

Khutichun, tûmbâk haw chuh chawiin, a muok dingin a chieh u a, “Hosanna, Lalpa min a Israel Leng hung chuh a hamphai,” ti’n a kiko u a.

MARK 15:2

Tichun, Pilate in a kawmah, “Judate leng na him?” ti’n a dawng a. Isu’n a dâwng a, “Na gen chuh ahi,” a ti a.

MATTHAI 27:11

Chun, Isu chuh Rome gam vaipawpa ma achun a ding a, amah chun a kawmah, “Judate leng na him?” a ti a. Isu’n a kawmah, “Hi e,” a ti a.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

1 TIMOTHE 6:13

Pathien, thil tincheng kawma hinna piepa leh, Krista Isu, Pontia Pilate ma a phuon pha a phuongpa masang achun thu ka hun piek na hi;

JOHAN 19:9

In sung ah a lut kit a, Isu kawmah, “Khawia kipata hung na him?” ti’n a dawng a. Himahleh, Isu’n a dâwng puoi.

JOHAN 12:15

“Lau kih, Zion chanu; Entie, na Leng chuh! Sabiltung no chunga chu’n, Hung ding a hii,” ti a Pathien lehkhabu a zik guol khan.

JOHAN 1:49

Nathanael in a kawmah, “Rabbi, Pathien Chapa na hi, Israel te Leng na hi hi!” a ti a.

ZEPHANIA 3:15

Lalpa’n na chungchâng vaihawmna chuh a lamang ta a; na melmate a paih dawk vek ta ngâl a. Lalpa, Israel te Leng chuh na kawmah a um a, lauh ding himhim a um ta puoi!

JEREMIA 23:5

“Ngaitiem u! David dinga bâk diktak ka seldawk sak hun ding chuh hungtung ding ahi, tih hi Lalpa kamsuok ahi. Amah chuh leng in chu’n tin, chingthei takin hih ina. Chuleh, gamsung ah dikna leh kitûpna um sak ina.

MATTHAI 27:27

Zie zawh chun Pilate sepaihte chun Isu chuh gam vaipawpa In, praitoriam ah a puilut u a, a lawi lak uh a mi chengcheng chuh a kawmah a sam khawm uh a.

LUKE 23:2

“Zie pa hin I miteu a sukhuolo a, Kaisar kawma sieh a chawih dinguh a khap a, Krista ka hi, leng ka hi, a kitih ka heu ui,” ti’n a hêk pan tau a.

JOHAN 18:34

Isu’n a dâwng a, “Zie thu chuh nangmah lungthim apat a hung pawt dawka nei dawt ahim, a hihloh leh, ka chanchin mi dangin a hun hilh uh ahim?” ti’n a dawng a.

JOHAN 18:38

Pilate in a kawmah, “Thutak chuh bang ahi?” a ti a. Zie thu chuh a gen zawh phetin Pilate chuh Judate kawma chun a va pawt kit a, a kawm u ah, “Mawhchansakna ding bangmah a gitlohna ka mu puoi.

JOHAN 19:4

Pilate chuh a pawt kit a, mipite kawm achun, “Entiem u, bangmah a gitlohna ka mu puoi tih na hetna dingun, na kawm u a ka hun puih dawk ahi!” a ti a.