JOHAN 18:28 - PATHIEN LEKHABU THIENGTHO (BSI)

²⁸ Chun, zingkal matak in Isu chuh Kaiapha In apat chun, gamvaipuo pa In achun a pui u a. Juda lawiupa haw chuh vang leng in achun a lut puou hi, khutilochun, kisubuok un tin uh, Chiehkân Kut an ne theilo ding a hih ziekun.

JOHAN 18:28 ပူးပေါင်းရင်းမြစ်များ

JOHAN 19:9

In sung ah a lut kit a, Isu kawmah, “Khawia kipata hung na him?” ti’n a dawng a. Himahleh, Isu’n a dâwng puoi.

JOHAN 18:33

Tichun, Pilate chuh In sung ah a lut kit a, Isu a sama, a kawmah, “Judate leng na him?” ti’n a dawng a.

JOHAN 19:14

Zie ni chuh Chiehkân Kut kiginni ahi a, nisa a sun vang vang ta a. Pilate chun Judate kawmah, “Entiem u, na leng u hi!” a ti a.

MATTHAI 27:27

Zie zawh chun Pilate sepaihte chun Isu chuh gam vaipawpa In, praitoriam ah a puilut u a, a lawi lak uh a mi chengcheng chuh a kawmah a sam khawm uh a.

NASEPTE 3:13

Abraham te, Isak te, Jakob te Pathien, ei suonteu Pathien chun, a suok Isu hi a limbawl ahi ta hi. Amah chuh na matsak u a, Pilate in thahdawk a guot nasan inle, a masang ngêi ah na deih loh uh ahi kha.

JOHAN 11:55

Chun, Judate Chiehkân Kut chuh a nai ta a, tichun, mi tamtak, gamsung apat, Chiehkân Kut ma’n, kithiensak dingin Jerusalem khuo ah a va chieh u a.

NASEPTE 11:3

“Zek tan lohte In ah na lut a, a kawm u ah an na ne viel a!” ti’n a na phun khum u a.

NASEPTE 10:28

Chun, a kawm u ah, “Juda mi’n, Jentel te kivawppih leh, a kawm u a chieh a thien loh zie nang un na heu hi; himahleh, ken, kuomah thienglo leh buok, ka tih ding ei puoi, tih Pathien in ei hetsak ahi.

JOHAN 18:39

Himahleh, dân khat na neih uh a um hi, Chiehkân Kut hun sunga suongkultâng khat ka hun thahdawk sak sek na hiu hi. Zieziekchun, Judate leng hi hun pawt sak leng na nuom um?” a ti a.

MIKA 2:1

A zâlkhun chunga nunsietna suongtuohte leh, thil phalo ngaihtuoh dawkte chuh a chunguh a gik hi, zingkal khuo a hung vak vak leh zie chuh a bawl pai zieng u a. amau haw khut thilhih theihna a um a hih ziekin.

DAN NIHNA 16:2

Lalpa’n a Min umna dinga a tel ding mun achun Lalpa na Pathien u kawmah Chiehkân kithawihna dingin na ganchau, belam ahim, bâwng ahim pieu in.

LUKE 22:66

Chun, khuo a vak phetin upahaw, Thiempulien haw leh Danthuzikte chuh a kikhawm u a, Isu chuh vaihawmna masanga chun a pui tau a.

MARK 15:16

Khutichun, sepaihte’n, gam vaipawpa In huongsung, Praitoriam kiti achun Isu a puilut u a; amau lawi a mi chengcheng a sam khawm u a.

EZEKIEL 45:21

“Tha khatna, zie tha ni sawm le li ni chun Chiehkân Kut mang pan un lau; ni sagih sung chuh chângthâk chawl sawhloh na nek dinguh ahi.

THUCHINGTE 4:16

Thil pawi a khawih loh u chun a ipmu thei puoh ngâl u a, mi kuo ahim a suknat loh u chun a ipmu thei puou hi.

THUCHINGTE 1:16

A kengteu chuh gitlohna lam ah a suon hât u a, thisan suoh dingin a kisazo zing ngâl u a.

SAM LEHKHABU THE PSALMS 35:16

Guolvakna poh ah chiemnuih bawl haw maimai tawbang phetin a hau ei gawih khum u a.

JOHAN 18:13

Tichun, Annas kawmah a pui masau a. Amah chuh Kaiapha talpu ahi a, zie kum chun Kaiapha chuh Thiempu Lienpen ahi.

JOHAN 18:15

Tichun, Simon Peter chun, sinsak dang khat tawh Isu a zui u a. Zie sinsak dang khat chuh, Thiempu lienpen melhet ahi a, tichun, thiempu Lienpen in umna huongsung a Isu kawm achun a va lut a,

JOHAN 19:11

Isu’n a, dâwng a, “Pathien apat a thuneihna piek na hih loh chun, ka chungah hih theih himhim nei puo’n la, zieziekchun, na khuta ei piepa khan gitloh a puo zaw diek hi,” a ti a.

NASEPTE 4:27

Zie khawpi a hin, na Suok Thiengtho, na thau nuh Isu do ding chun, Herod leh Pontia Pilate tawh, Jentel te leh Israel mipite chuh, a kigawm khawm tak zet uh ahi.

NASEPTE 10:32

Zieziekchun, Joppa khuo ah mi sawl inla, Simon Peter a tihpau chuh na kawmah sam ah; amah chuh tuisuohgiet panga savun siempa Simon In a tung ahi,’ a ti a.