JOHAN 18:12 - PATHIEN LEKHABU THIENGTHO (BSI)

¹² Khutichun, sepaih lawi tawh, a lawiupa lienteu tawh, Juda mi mante chu tawh, Isu a man u a, a kân u a,

JOHAN 18:12 ပူးပေါင်းရင်းမြစ်များ

JOHAN 18:3

Khutichun, Juda chun sepaih lawi tawh, thiempu liente leh, Pharisaite kawma um, mi mante tawh a pui a, thaumei le, meisel le, hiem lethal keng in tak achun a chieh tau a.

MATTHAI 26:57

Isu mante chun Thiempu lienpen Kaiapha In a, danthuzikte leh upa te umkhawmna achun Isu chuh a pui a.

NASEPTE 21:37

Chun, sepaihte’n Paul chuh kulh sunga a puih lut ding kuon u chun, amah chun sepaih lawiupa lienpen kawm achun, “Na kawmah thu kamkhat ka gen thei dem?” a ti a.

NASEPTE 21:31

Mipi’n Paul thah a guot lai u chun, Jerusalem khuo a mi chengcheng a buoi ui tih thu chuh, sepaih lawiupa lienpen kawm a tung ta a.

LUKE 22:54

Tichun, Isu chuh a man u a, thiempu lienpen In lam achun a puimang tau a; Peter in gamla taka kihal in a zui a.

MARK 15:1

Chun, zingkal matak in, thiempu lien chun, dân thuzikte leh upate leh, vaihawm pawl chengcheng chuh kin takin a kimuhpih a, thil a guonggalh tau a. Isu chuh a kân u a, a puidawk u a, Pilate kawmah a pie dawk tau a.

MARK 14:53

Tichun, Isu chuh thiempu lienpen In achun a pui u a, tak achun thiempu liente leh, dân thuzikte leh upahaw chuh a kikhawm u a.

MATTHAI 27:2

Khutichun, Amah chuh a kân u a, a puidawk uh a, gamsung vaihawmpa Pilate kawmah a pie tau a.

VAIHAWMTE 16:21

Tichun, Philistia te chun a man tau a, a mit a kheuhdawk u a, tichun Gaza khawpi achun a pui tau a, sumeng hâtkawl a buhsak u a; suongkul achun buh gawigawp in a mang tau hi.

THILSIEMBUL 22:9

Chun, Pathien in a hilhna mun chuh ava tung tau ui; chun, Abraham in zie tak achun maichâm a siem a; thing chuh a sep khawm a, a chapa Isak chuh a kan a, maichâm a thing chung achun a siel ta a.

NASEPTE 23:10

Khutia, a kiniel nasat deuh deuh phet u chun, sepaih lawiupa lienpen chun, Paul chuh a maltel khâk diu a lau a. Tichun, sepaihte chuh, alak u a va chieh a, Paul va puidawk a, kulh sunga puilut dingin thu pie ta a.

SAM LEHKHABU THE PSALMS 118:27

Lalpa chuh Pathien ahi a, amah chun vak ei pie ta a: Kithawihna ding chu khauhuol in hen unla, maichâm ki ngêi a chun.

THILSIEMBUL 40:3

tichun, mi vengpawl lawiupa in a suongkul, Joseph kikhumna achun a khum tai.

MATTHAI 27:27

Zie zawh chun Pilate sepaihte chun Isu chuh gam vaipawpa In, praitoriam ah a puilut u a, a lawi lak uh a mi chengcheng chuh a kawmah a sam khawm uh a.

NASEPTE 10:1

Chun, Kaisari khuo ah a min, Kornelias kiti mi khat a um a; “Itali pawl” a tih uh, zie pawl a sepaih za lawiupa chuh ahi.