JOHAN 18:11 - PATHIEN LEKHABU THIENGTHO (BSI)

¹¹ Ziephet chun, Isu’n Peter kawmah, “Chemzâm kha a pai ah thun ah; Pa’n khawn ei piek hi dâwn lo ding ka him?” a ti a.

JOHAN 18:11 ပူးပေါင်းရင်းမြစ်များ

MATTHAI 26:39

Chun, a malam ah kal bang zah ahim a suona, a khupbawk a, “Aw he pa, a hih theih ding chun, zie khawn hi ka kawm apat kichawn mang heh; himahlele, kei thu hilo in nangmah thu thu hi zaw hen,” tin a paucham a.

MATTHAI 20:22

Isu chun la, “Na nget u chuh na he puou hi, ka khawn dâwn ding hi na dâwn thei ding um?” ti’n a dâwng a. Amau chun, “Thei e” a tiu a.

JOHAN 20:17

Isu’n a kawmah, “Ei tu kih, tu tieng hin le ka Pa kawma kal to nailo ka hi. Himahlele, ka suohpihte kawmah va chieh inla, a kawm u ah, ‘Ka Pa, na Pau, ka Pathien leh na Pathien uh kawma kal to ding ka hi,’ a tii, va tih,” a ti a.

JOHAN 15:10

Nangun ka thupiekte na zawp u chun, ka hehpih in um zing unlau, ken le ka Pa thupiekte ka zawpa, a hehpih a ka um zing guol mah hin.

HEBRAI 12:2

Chun, Isu, I taksannau siempa leh subukimpa lam chuh en zing hitiu. Amah chun, a masanga lawpna a um ziek chun, zahchâkna chuh ngaidau in, kross achun a thuok a, tichun, Pathien lalchutphah changlam achun a va chu ta a.

2 KORINTH 10:4

Kidona a gâlvan ka mat sekteu hi, zie khawvel gâlvante hi ahi puoh a, himahleh, kulhpi dettak sukchimna dinga Pathien gâlvan thil bawlthei tak chuh ahi zawi. Zie chun, kinielna diklote ka susie sek uh a;

LUKE 22:42

“Hepa, lem na sak leh zie khawn hi ka kawm apat la chawn ah; himahlele, kei thu hilo in, nangmah thu thu hi zaw hen,” a ti a.

MATTHAI 26:42

Tichun, Isu chuh a nihvei na ah a chieh kit a, a paucham kit a, “Aw hepa, ka dâwn loh a zie khawn hi kichawn mang theilo a hih chun, nang thu thu hi heh,” a ti a.

2 KORINTH 6:7

thudik ka genteu leh Pathien thilhih theihna ngêi in tawh. Ka dona ding u leh, keimauhaw kivenna dingin diktatna gâlvan chuh ka mang ui.

JOHAN 18:36

Isu’n a kawmah, “Ka lalgam chuh zie khawvel hih a hi puoi; ka lalgam chuh zie khawvel hih a na hi leh, kei ei zuite chun, Juda thuneitu te kawma pieka ka um ding chuh a na do ta’n au. Himahlele, ka lalgam chuh zie khawvel a hih ahi puoi!” ti’n a dâwng a.

JOHAN 17:24

“Hepa! nangin kei nei piekte hi, ka umna a ka kawma um dingin ka deih hi; nangin nei piek, ka lopina khah a muhna dingun, lei kisiem masang apat in nei hehpih ta ngâl a.

LUKE 12:30

(Zie khawvel a awilote hin ziehaw chuh a buoipihpen sek uh ahi.) Ziehaw chuh na sinmawh uh ahi tih na Pau van a um in a he ngâl a.

EZEKIEL 23:31

Na suohpihnu lampi ah na chieh a, zieziekchun amah gawtna khawn chuh na khuta hun pie ding ka hi.

SAM LEHKHABU THE PSALMS 75:8

Lalpa khut achun khawn a um a, chun uain chu a phuon a thil helkhawm in a dim a, amah chun zie mah chu a sung dawk a; Thawnlo in a nen haw na tiengin, lei a minunsie haw chengcheng in dâwn thieng tin ten un au.

2 SAMUEL 16:10

Chun, leng chun, “Nang haw Zeruiah chapate haw, nanghaw’n nei hetsak dinguh bang aum hi? Lalpa’n a kawma, ‘David samsie’n,’ ti ahih chun samsie mai heh, ‘Bangti a khutibanga chu hih na hi?’ kuo’n a ti dinga ahim?” a ti a.