JOHAN 18:1 - PATHIEN LEKHABU THIENGTHO (BSI)

¹ Chun, Isu’n zie thu haw chuh a gen zawhin, a sinsakte tawh a pawtdawk u a, Kidron lui a kân u a. Zie mun achun huon khat a um a, tak achun Isu leh a sinsakte chuh a lut u a.

JOHAN 18:1 ပူးပေါင်းရင်းမြစ်များ

MARK 14:32

Chun, Gethsemani kiti mun chuh a tung u a; Isu’n a sinsakte kawmah, “Ka paucham sungin taka hin chuu in,” a ti a.

MATTHAI 26:36

Chun, zie zawh chun Isu chuh a sinsakte tawh mun khat Gethsemani kiti chuh a tung uh a, amah chun a sinsakte kawmah, “Taka khu ka va paucham sung cheng taka hin na chuu in,” a ti a.

2 SAMUEL 15:23

Chun, David a nungzuite’n a nutsieh phet u chun mipite chu ngeih tak in a kap tau a, Leng chun Kidron lui chu a kân a, a mite chun a zui u a, a bawn u chun gamthip lam zuon chun a chieh tau a.

JOHAN 18:26

Chun, Peter in a bil a satthâk sakpa inkawte laka thiempu lien suok khat chun, “Nang hile, huon a khan a kawmah ka hun mu hilo ahim?” a ti a.

JOHAN 14:31

himahleh, ken Pa ka hehpih leh, Pa’n thu ei piek bang zela thil ka hih hi, khawvel in a hetna ding ahi zawi. Kipan un, tak apat hin pawt hitiu.

JEREMIA 31:40

Mithi luong leh vut paihna guom pumpi leh, phul lak haw cheng, Kidron lui tiengin, suohlam panga sakawl kawtkhak ning tieng chu Lalpa a dinga thiengtho hi’n tin; zie chuh bangmah tikin sukchim leh suksiet hita puo’n a.”

2 KHANGTHUBU 30:14

Khutichun a kipan u a, Jerusalem a maichâm te chu a lau a, chun, gimlim hâlna maichâm te le a lau a, Kidron lui ah a paih tau a.

2 KHANGTHUBU 15:16

Leng Asa nu Maakah chu le milim kihdak-um tak lei phatna pathien Asher a siem ziekin lengnu a hihna a haihsak a, Asa chun a milim chu a satpai a, a sunel dimdem a, Kidron lui ah a hâl ta a.

2 LENGTE 23:12

Chun, Ahaz insawng chunga Juda lengte’n maichâm a siemteu leh, Manasseh in, Ho-In huongsung nih a maichâm a siemte chu Josia chun a suchim a, a khên sie dimdem a, a them haw chu Kidron lui ah a paih a.

2 LENGTE 23:6

Chun, Lalpa In a Asher pathiente chu Jerusalem pawlam, Kidron lui kawmah a ladawk a, Kidron luiphai achun a hâl ta a, a sunel dimdem a, a nêl chu mi vantâng te thân ah a theh a.

1 LENGTE 15:13

Chun, a nu Maakah chule milim kihdak-um tak Asher a siem ziekin a lengnu hihna a haihsak a. Asa chun a milim siem chu a satpuk a, Kidron lui ah a hâl a.

THILSIEMBUL 3:23

Zieziekchun Lalpa Pathien in amah a lâkdawkna lei chuh let dingin Eden huon apat chun a sawldawk ta a.

MARK 14:26

Tichun, la a sak zawh un a pawtdawk u a, olive tâng achun a chieh tau a.

MATTHAI 26:30

Chun, la a sau a, olive tâng achun a chieh tau a.

THILSIEMBUL 2:15

Chun, Lalpa Pathien in mihiem chuh a pui a, Eden huon achun a enkawl ding leh a veng dingin a kawih ta a.

1 LENGTE 2:37

Na pawtdawk ni, Kidron lui na kân ni chu na thih ni ahi ding ahi tih he’n, na thisan chu nangmah lu chung ngêi ah um in a,” a ti a.

2 LENGTE 23:4

Chun, Josia chun thiempu lienpen Hilkiah te, a bana thiempu, kawtkhak ngakte chu Lalpa Ho-In sunga Baal leh Asher pathien limte leh, van a aksite hona dinga siem, ûmlebel haw chu ladawk vek dingin thu a pie a. Tichun, Leng chun, khawpi pawlam ah, Kidron kawmah a hâl a, a vamte chu Bethel ah a chieh pih a.

2 KHANGTHUBU 29:16

Thiempute chuh a suthiengtho ding chun Ho-In insung gil lam achun a va lut uh a, Ho-In a thil nîn a muh cheng cheng u chuh inmai lam ah a la dawk uh a. Zie apat chun Levi te chun a lau a, khawpi pawlama Kidron lui lam ah a pawdawk tau hi.

NEHEMIA 2:15

Tichun, zan in luicha dung ka hawh u a, kulhbang chuh ka en viel a, tichun ka vaikit a; guom kawkhuk achun ka luta, tichun ka vaikit ta a.

NASEPTE 21:11

Ka kawm u ah a hung a, Paul kâwnggak a la a, a khut leh a keng ama’n a kikan a, chun, “Jerusalem khuo a Judate chun, zie tawbang hin zie kâwnggak neipa hi kan un tin uh, Jentel te khut ah pie’nau, Thagau Thiengtho in a ti ie,” a ti a.

THIEMPUDANTE 2:6

Thillat dinga na piek phat leh hekphel in na tin, a chunga thau na sun ding ahi, zie chuh changbuong thillat ahi.

MARK 14:42

Tho unla, chieh hitiu. Entiem u, ei matsak ding pa chuh a hung nai tai!” a ti a.