JOHAN 17:9 - PATHIEN LEKHABU THIENGTHO (BSI)

⁹ “Amau haw dinga ngetsak ka hi. Khawvela dinga ngetsak ka hi puoh a, nangin nei piek haw dinga nget sak ka hi zawi; nanga ahi ngâl u a.

JOHAN 17:9 ပူးပေါင်းရင်းမြစ်များ

LUKE 22:32

Himahleh Simon, na taksanna a beih lohna dingin ka hun paucham sak zing hi. Khutichun, kei lama na hung kihei kit phat leh, na suohpihte suhat in,” a ti a.

LUKE 23:34

Chun, Isu’n, “Hepa, amau hi ngaidam in, a thilhih u hi a he puou hi,” a ti a. Chun, a silhlechen chuh phunsân in a kihawm u a.

LUKE 8:34

Chun, a vulhte chun zie thil haw chuh a muh phet un, a tai u a, khawpi leh lo haw achun a thu chuh a va gen viel tau a.

JOHAN 14:16

Tichun, Pa kawmah ngên ing ka ting, ama’n Lungmuonpa dang nanguh hun pie’n a, kumkhuo a na kawm u a um dingin.

JOHAN 17:2

Mi chengcheng chunga thunei in na siem a, ti a chuh, na piekte kawma hinna a piek theihna dingin.

JOHAN 17:20

“Ziete hawa ding maia hi ngetsak ka hi puoh a, a thugen teu zieka kei ei hun gingcha dingte ding ale ngetsak ka hi kawm hi.

JOHAN 17:6

“Nangin khawvel apat a mi nei piek dawkte kawm achun na min ka sulang tai. Amau haw chuh nanga ahiu a, nangin kei nei piekte ahi ngâl u a. Amau chun na thu a zawp tau hi.

JOHAN 6:37

Pa’n ei piek chengcheng chuh ka kawmah hung vek un au; kuole, ka kawma hung chuh nawhdawk hiel puo’ng ka.

JOHAN 6:39

Ei sawl pa deih bang chuh, Ama’n ei piek chengcheng khat chale mansak lo a, ni tâwp ni a a bawn u a hinna changa kaih thawh vek chuh ahi.

HEBRAI 7:25

Zieziekchun, amah zieka Pathien kawma hungte chuh a tâwp chanin a hukdam thei a, amau haw sik gensak dinga kumkhuo a a hin zing ziekin.

HEBRAI 9:24

Krista chuh khuta sak, Mun Thiengtho, a tak kibatpih achun a lut puoh ngâl a; Pathien ma ah, I sik uh a ding dingin van ngêi ah a lut zaw ta a.

1 JOHAN 5:19

Khawvel pumpi hi zie Migilo vaihawmna nuoi a chuh um hi himahleh, Pathien a I hiu hi tih I he ngâl uh a.

THUPHUON 12:9

Chun, Dragon lien tak, gulpi têk, Diabol leh Setan a tih uh, khawvel pumpi thempa chuh a paih tha tau a. Tichun, amah leh a sawlchakte chuh leia paihthâk khawm in a um tau hi.

THUPHUON 13:8

Tichun, lei chunga um chengcheng, lei kisiem tunga thahsa Belamno Hinna Lehkhabu a min zik loh taphawtte chun, Pathien ho tawbang in ho un au.

THUPHUON 20:15

Kuo min hitaleh, Hinna Lehkhabu a kizik a muh loh phawt u chuh, meidil achun a paih lut tau hi.