JOHAN 17:3 - PATHIEN LEKHABU THIENGTHO (BSI)

³ Ziehi kumkhuo hinna a hii, Nang Pathien tak tak leh, na sawl Isu Krista het hi.

JOHAN 17:3 ပူးပေါင်းရင်းမြစ်များ

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

JOHAN 17:25

Aw he Pa diktat! khawvel in vang a hun he puou a, ken vang ka hun hêi; te haw hin le, nangin kei nei sawl a hii tih a heu hi.

JOHAN 3:17

Pathien in khawvel mawhchansak dingin a Chapa khawvel ah a hun sawl puoh a, amah zieka hukdama a um theihna dingun a sawl a hi zawi.

HOSEA 6:3

Lalpa hetna chuh delh zel hitiu, hêi tingun,Lalpa chuh het guo tai tiu. Zingkal a khuo hung vak zel tawbang leh, guoh tui in lei a chapchêk bang hin matheilo in I kawm u ah hung in a.”

1 JOHAN 4:6

Himahlele, eihaw Pathien a I hiu a, Pathien hete chun I thuu a ngaitha sek ui; Pathien a te lo chun I thuu a ngaitha sek puou hi. Ziehaw achun, thagau dik leh diklo I hekal uh ahi.

1 KHANGTHUBU 28:9

“Chun, nang ka chapa Solomon, na pa Pathien chu na Pathien hi hen la, lunggil phabukim leh lungthim lawp takin a na chu sem in. Lalpa chun lunggil a en sek a, lunggil a tupte chengcheng chu a he suok hi. Amah na hawl chun mu’n na tin, na kihei mangsan chun kumlekhuo’n hun paih tha’na.

JOHAN 17:23

Khawvel in, kei nei sawl a hii tih leh, kei nei lungsiet guolin amau haw na lungsiet hi tih a hetna ding u a, kei a mau a ka um a, nang keimah a na um a, pumkhat a hih bukim theihna dingun.

ISAI 61:1

Liengvaite kawma Chanchin Pha gen dinga Lalpa’n thau ei nuh ziekin, Lalpa Pathien thagau chuh ka chungah a um. Amah chun lunggil thasie te sudam ding leh, saltâng te kawma pawt na thu leh, suongkul tângte pawtna thu phuong ding leh,

JOHAN 17:21

A bawn u a pumkhat a hih theihna dingun ka ngetsak ahi. He Pa, nang keimah a na um leh, kei nangmah a ka um mah bang hin, amau haw le eimah a a umna dingun. Pumkhat a hih u a, ti a chuh khawvel in kei nei sawl ngêi ahi tih a ginchak theihna dingun.

JOHAN 3:34

Pathien sawl chun, Pathien thu mah a gen sek. Amau chuh Pathien in tehkhel khelin thagau a pie puoh ngala.

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

2 THESSALONIKA 1:8

Pathien nawlh a, Lalpa Isu Chanchin Pha zawp nuom lote gawt dinga, mei kuong tawh a hung tieng leh hih ina.

JOHAN 17:8

Nangin thu nei piek kha a kawm u ah ka pie ta a, ziehaw chuh a ching u a, nangmah kawm ngêi apat ka hii tih dik takin a he tau a, nei sawl ngêi ka hii tih le a gingcha tau hi.

JOHAN 14:26

Chun, Lungmuonpa Thagau Thiengtho, Pa’n, ka min a a hun sawl ding khan, zie chun bangakai nanguh hun sinsak intin, na kawm u a ka gen chengcheng kha hun het dawk sak kit ina.

JOHAN 8:19

Amau chun a kawmah, “Na pa hawitak a um a?” ti’n a dawng u a. Isu’n a dâwng a, “Nang un kei nei he puou a, ka Pa le na he diek puou; Kei nei het u chun, ka Pa le he’n lau,” a ti a.

1 KORINTH 15:34

Hetna chîm takin um unla; gilo ta kiu in; khenkhat in Pathien hetna him him na neih loh ziekun, na zahchâkna dingun ziehi ka gen ahi.

ISAI 53:11

A thuokgimna a beih tieng chuleh, kipahna hun nei intin, lung-awi ta’n tin, A thuokna chuh a thâwn ahi puoi tih hun he ta’n au. Ka suok diktak, a chunga ka kipahna mah mah pa chun mi tamtak dingin thuok intin, Amah min ziekin amau haw chuh ngaidam ing ka.

1 THESSALONIKA 1:9

Mipite haw chun, nang haw ka hung vehthak lai a nei na lawp dân u leh, Pathien hing leh diktak ho dinga, milim pathien apat na kihei kit danteu leh,

JEREMIA 10:10

Himahleh, Lalpa chauh Pathien dik ahi a, Pathien hing, kumlekhuo a lal ahi. A lungnat ni’n lei a kilîng a; Namte chun na lungnatna a thuok zo puou hi.

ISAI 48:16

“Tuhin ei hun naih unla, ka thugen hi zau in! Atûng apat khan langsal takin zie thu haw hi ka gen ta a, Ka thugente chuh ka suguitung zel sek hi,” ti’n. (Lalpa chun a thilhih theihna chuh ei pie a, ei sawl ta a.)

SAM LEHKHABU THE PSALMS 9:10

Khutichun na min hete chun a ginnau chuh nang ah a ngau a, Nang vangin chuh, Lalpa, nangmah hawlte chuh na taihsan puoh ngâl a.

JOHAN 10:36

Kei ka hih leh, Pa’n ei tel a, khawvel a hin ei sawl ka hi ngâl a. Khutichun, ‘Pathien Chapa ka hi,’ ka tih ziekin bangtia Pathien na gensiei, nei tih uh ahi?

JOHAN 7:29

Himahleh, ken ka hêi, amah apat a hung leh, amah ei sawl ka hih ziekin,” a ti a.

JOHAN 6:57

Pa hing chun ei sawl a, Pa vanga hing ka hih guol mah hin. Zieziekchun, kuole, kei ei ne chuh keimah vangin amah le hing ina.

2 KHANGTHUBU 15:3

Chun, Hun sawttak Israel mite chun, Pathien tak neilo leh sinsaktu leh thiempu neilo leh dân neilo in a um u a;

JOHAN 5:44

Nang haw, kilimbawl tuoh lawpte haw! Pathien tak a pawt, limbawlna chuh na hawl ngâl puou a; bangti’n nei gingcha thei ding u?

JOHAN 11:42

Kumkhuo’n ka thu nei zakpih hi tih ka he zing a; himahlele, zie a mipi ding haw ziek hin ka tih a hii, nang nei sawl ngêi a hii tih, ei ginchak theihna dingun,” a ti a.

LUKE 9:48

a kawm u ah, “Kuole, ka min zieka zie chapang cha hi lawp ta chuh kei ei lawp ahi; kuole, kei ei lawp ta chuh ei sawlpa lawp hi’nau. Na bawn u a laka a neupen chuh a lopipen ahi,” a ti a.

MARK 9:37

“Kuole, ka min a zie bang chapangte laka khat lawp ta chuh, kei ei lawp ahi; chun, kuole, ei lawp ta chuh, kei ei lawp ahi puoh a, ei sawlpa lawp ahi zawi,” a ti a.

1 KORINTH 8:4

Chun, milimte kawma thillat nek thu achun: vannuoi ahin milim chuh bangmah ahih loh zieu leh, Pathien khat chauh a um hi tih I heu hi.

THUCHINGTE 8:35

Kuole, ei mu taphawt chun hinna a mu a, Lalpa deihsakna chang ahi.

JOHAN 17:18

Nangin khawvel a kei nei sawl guolin, ken le amau haw chuh khawvel a ka sawl a hii.

PHILIPPI 3:8

Ziehaw mai chuh hilo in, Ka Lalpa Krista Isu hetna chuh a lopi zawk bêk ziekin, thil bang cheng le chânna a ka ngaih vek ahi. Amah ziekin thil chengcheng ka chan vek ta a; ziehaw chuh thil bangmahlo mai in ka ngai a, Krista ka muh theihna ding leh,

PHILIPPI 3:10

Ka nawppen chuh, Krista het a, a thawhkitna thilhih theihna chan a, a thuokna kikawppih a, a thihna kibatpih a um leh,

HEBRAI 3:1

Khutichun, suohpih thiengtho, van sapna chang khate haw, I taksan uh Sawlchak leh Thiempu Lienpen, Isu chuh ngaihtuoh un.

2 PETER 1:2

Pathien leh Isu I Lalpau na hetna ziekuh chun, lungsietna leh chamna na chungu ah sukpun in um hen.

2 PETER 1:3

Amah lopina leh phatna zâla ei sampa, a chanchin het ziekin, a Pathien thilhih theihna’n, hinna leh Pathien khawksakna lam thu ah chun, thil chengcheng ei pie ngâl a.

2 PETER 1:8

Ziehaw hi phatna na sinmawhteu chuh a hi a, na neih uh chun, I Lalpau Isu Krista hetna lam achun kiting taka, gah suoh takin hun siem ding ahi.

1 JOHAN 1:2

Zie Vak chuh muh theih a a hung kiphuon phetin ka mu tau a, ka phuong dawk uh a, zie chuh Pa kawma um, keihaw kawma phuon dawka um a chanchin ka hun hilh uh khah ahi.

1 JOHAN 1:3

Chun, ka muh u leh ka zakteu chuh nang haw kawmah ka phuong uh a, khutia chuh. Pa leh a chapa Isu Krista tawh ka kivawpkhawmnau chuh nei kikawppih theihna dingun.

1 JOHAN 2:23

Kuole, Chapa kilepsan chun Pa le a pawm diek puoi; Chapa awite vang chun, Pa le a pawm ahi.