JOHAN 17:26 - PATHIEN LEKHABU THIENGTHO (BSI)

²⁶ A kawm u ah na min ka hetsak ta a, hetsak kit zel ing ka, ti a chuh, nangin kei nei hehpihna kha amau ah a um a, keile amau a ka um theihna dingin,” a ti a.

JOHAN 17:26 ပူးပေါင်းရင်းမြစ်များ

SAM LEHKHABU THE PSALMS 22:22

Ka suohpihte kawm achun na min gen ing ka ting: Kikhawmhaw lak achun hun chawiân ka.

JOHAN 14:20

Zie ni tieng chu leh, Kei pa a ka um leh, Kei nangmau a ka um guolin, keimah ah na um ui tih hun he’n lau.

JOHAN 14:23

Isu’n a dâwng a, “Mi’n ei hehpih chun, ka thu zawp intin, ka Pa’n amah chuh hehpih ina, tichun, a kawmah hung ing ka ting un, a kawmah um zing ung kau.

JOHAN 15:15

Suok hun tikit ta puo’ng ka; a pu thilhih suok in a he puoh ngâl a; guolte hun ti zaw ta’ng ka; Pa apat a thil ka het cheng na kawm u ah ka phuong ta ngâl a.

JOHAN 15:4

Keimah ah um zingun, keile, nangmau ah um zing ing ka. Bâk chuh grep guia a um zing loh a amah maia a gah theih loh guolin, nang u le keimah a na um zing loh u chun, gah thei puo’n lau.

JOHAN 15:9

Pa’n ei hehpih guolin ken le ka hun hehpih na hiu hi; ka hehpih in um zingun.

JOHAN 17:23

Khawvel in, kei nei sawl a hii tih leh, kei nei lungsiet guolin amau haw na lungsiet hi tih a hetna ding u a, kei a mau a ka um a, nang keimah a na um a, pumkhat a hih bukim theihna dingun.

JOHAN 17:6

“Nangin khawvel apat a mi nei piek dawkte kawm achun na min ka sulang tai. Amau haw chuh nanga ahiu a, nangin kei nei piekte ahi ngâl u a. Amau chun na thu a zawp tau hi.

JOHAN 17:8

Nangin thu nei piek kha a kawm u ah ka pie ta a, ziehaw chuh a ching u a, nangmah kawm ngêi apat ka hii tih dik takin a he tau a, nei sawl ngêi ka hii tih le a gingcha tau hi.

JOHAN 6:56

Kuole, ka phehlevo ne a, ka thisan dâwn chun kei ei kipapvaipih zing sek a, ken le amah ka kipapvaipih zing sek hi.

JOHAN 8:50

Keimah kilimbawlna ding hawl ka hi puoh a, a hawl leh a ngaihtuoh chuh mi khat a um hi.

ROME 8:10

Krista chuh nangmau a a um chun, gitlohna zieka sapum thi ding himahleu chin, Pathien masanga thiemchang na hih tâk ziekun, Thagau chuh nang u a dingin hinna ahi.

1 KORINTH 1:30

Himahlele, nang haw vang chuh, amah zalin Krista tawh pumkhat in a hun siem a, amah chuh Pathien apat ei uh a ding a chitna, diktatna, thienthona leh tatdawkna dinga siem ahi.

1 KORINTH 12:12

Krista chuh, sapum khat, ka tamtak nei; ka chuom chuom in kikhen mahleh, sapum khat tawbang hi ahi.

GALATI 2:20

Krista kawmah khetdên in ka um ta a, himahlele, ka hing hi, himahleh, keimah vang ka hi ta puoh a; Krista chuh keimah ah a hing zaw tai. Zie hinna, tu a ka hinna mawng hi, Pathien Chapa, ei lungsiet a keia dinga A hinna piepa taksanna mah achun ka hing ta ngâla.

EPHESI 1:6

A hehpihna lopitak ziek leh, a Chapa deihtak chuh thilthawnpiek a ei piek tâk ziekin Pathien chuh pakchai tiu.

EPHESI 3:17

chun, Krista chuh taksanna zieka na lunggil u a a chen theihna dingin le, ka ngên sek hi. Chun, hehpihna a zung khawh leh bul nei a um a,

EPHESI 5:30

eihaw hi a sapum kahaw I hi ngâl u a.)

EPHESI 5:32

Zie Pathien Lehkha thu a hin, thuguk kisel thuk tak mai a um a, himahleh, ken chuh Krista leh sapchuom haw thu ka gen ahi.

KOLOSSA 1:27

Pathien thiltup chuh, thuguk hausa tak leh lopi tak, mi cheng chenga dinga a kawih, a mite kawma hetsak chuh ahi. Zie thuguk chuh Krista nangmau a um, Pathien lopina na kikawppih ding u chuh ahi.

KOLOSSA 2:10

Chun, amah achun hinna bukim chuh piek in na um tau hi. Amah chuh thagau lam vaihawm leh thuneihna sangpen a um a hi ngâl a.

KOLOSSA 3:11

Zie tak achun Grik mi leh Juda mi, zektan leh tan loh, nam chuom te, Skuthia mite, suok leh suok lo tih a um ta puoi; Krista chuh bang cheng hi zaw’n, bangakaia le a um hi.

2 THESSALONIKA 2:16

Tichun, I Lalpau Isu Krista mawng leh, Pathien I Pau, ei hehpihpa leh, a lungsietna vanga, hansanna thâwn lo leh, kinepna det ei piepa chun,

HEBRAI 2:12

Amah chun Pathien kawmah: “Na thilhihte chuh ka suohpihte kawmah gen dawk ing ka ting, A kikhawp khawmnau achun hun pakcha ding ka hi,” ti’n.

1 JOHAN 3:24

Kuole, Pathien thupiek zawp chuh, Pathien tawh pumkhat in a um uh a, Pathien le amah tawh pumkhat in a um hi. Pathien in a Thagau ei piek a hin, Pathien tawh I kipumkhat ui tih I heu hi.