JOHAN 17:25 - PATHIEN LEKHABU THIENGTHO (BSI)

²⁵ Aw he Pa diktat! khawvel in vang a hun he puou a, ken vang ka hun hêi; te haw hin le, nangin kei nei sawl a hii tih a heu hi.

JOHAN 17:25 ပူးပေါင်းရင်းမြစ်များ

ISAI 45:21

Hung u henla, a chanchin uh hung gen u hen, a panpihteu chule kidawng tuoh uh hen la; Kuoa tumasang a thil hungtung ding genlawk sek? A mite hukdawk sek chuh Kei Lalpa Pathien hi hilo ka him? pathien dang himhim a um puoh ngâl a.

MATTHAI 11:27

“Ka pa’n thil chengcheng ei vawp sak tai; Pa tello in kuoma’n Chapa hi a he puoi; Chapa leh, a kawm u a Chapa’n a phuon nawpna te tihloh chun kuoma’n Pa chuh a he puoi.

MATTHAI 16:16

Ziephet chun, Simon Peter in a dâwng a, “Krista, Pathien Hing Chapa chuh na hi,” a ti a.

LUKE 10:22

“Ka pa’n bangakai ei vawp sak tai, Chapa chuh kuo ahi tih Pa ngâllo chun kuoma’n a he puoi; Pa chule kuo a hih, Chapa leh a kawm u a Chapa’n a phuon nawp nate ngâllo chun kuoma’n a he diek puou,” a ti a.

JOHAN 1:18

Kuoma’n bangmah tikin Pathien a mu ngei puou, Chapa changkhat neih. Pa ângsung a um ngêi khan, a chanchin a gen ahi tai.

JOHAN 10:15

Pa’n kei ei het leh, ken Pa ka het guol hin, keia te chuh ka he a, amau inle ei heu hi. Belamte dingin ka hin ka pie sek hi.

JOHAN 15:21

Himahleh, keia na hih ziekun ziehaw cheng hi na chungu ah hih un au, ei sawlpa a het loh ziekun.

JOHAN 16:27

Pa ngêi in nanguh a hun lungsiet ngâl a. Nangun kei nei hehpih u a. Pa apat a hung ngêi ka hi tih nei ginchak ziekun.

JOHAN 16:3

Zie thil haw chuh hih un au, Kei leh Pa ei het loh ziekun.

JOHAN 16:30

Nangin bangakai na he a, kuomah hun dawt na ngek puoi, tih chientakin ka he tau hi. Zie ngêi chun. Pa apat a hung na hii tih ka gingcha tau hi,” a tiu a.

JOHAN 17:11

Tu’n, kei na kawma hung ding ka hi a, khawvel ah um ta puo’ng ka; amau haw vang hi khawvel ah um un au. He Pa, Thiengtho, nangin kei nei piekte hi na min in hum ah; pumkhat a hih theihna dingun, nang leh kei pumkhat I hih guol mah bang hin.

JOHAN 17:18

Nangin khawvel a kei nei sawl guolin, ken le amau haw chuh khawvel a ka sawl a hii.

JOHAN 17:21

A bawn u a pumkhat a hih theihna dingun ka ngetsak ahi. He Pa, nang keimah a na um leh, kei nangmah a ka um mah bang hin, amau haw le eimah a a umna dingun. Pumkhat a hih u a, ti a chuh khawvel in kei nei sawl ngêi ahi tih a ginchak theihna dingun.

JOHAN 17:23

Khawvel in, kei nei sawl a hii tih leh, kei nei lungsiet guolin amau haw na lungsiet hi tih a hetna ding u a, kei a mau a ka um a, nang keimah a na um a, pumkhat a hih bukim theihna dingun.

JOHAN 17:3

Ziehi kumkhuo hinna a hii, Nang Pathien tak tak leh, na sawl Isu Krista het hi.

JOHAN 17:8

Nangin thu nei piek kha a kawm u ah ka pie ta a, ziehaw chuh a ching u a, nangmah kawm ngêi apat ka hii tih dik takin a he tau a, nei sawl ngêi ka hii tih le a gingcha tau hi.

JOHAN 3:17

Pathien in khawvel mawhchansak dingin a Chapa khawvel ah a hun sawl puoh a, amah zieka hukdama a um theihna dingun a sawl a hi zawi.

JOHAN 6:19

Chun, chîng sawmnih leh chîng nga ahim, chîng sawmthum ahim a kitawl u chun, Isu chuh dîl chunga kenga chieh a, kuong hun naih in a muu a, a lau tau a.

JOHAN 7:29

Himahleh, ken ka hêi, amah apat a hung leh, amah ei sawl ka hih ziekin,” a ti a.

JOHAN 8:19

Amau chun a kawmah, “Na pa hawitak a um a?” ti’n a dawng u a. Isu’n a dâwng a, “Nang un kei nei he puou a, ka Pa le na he diek puou; Kei nei het u chun, ka Pa le he’n lau,” a ti a.

JOHAN 8:55

Nangun amah na he kha puou a, himahleh, ken ka hêi. Amah chuh ka he kha puoi, ti leng, nang haw guol mah a lepchieh hi ding ka hi. Himahleh, amah chuh ka he a, a thu le ka zawp ahi.

NASEPTE 17:23

Ka khawlai vak kawma na pathien chibainau munte ka et lai in, maichâm khat, a chunga, ‘Hetloh Pathien a ding,’ ti a zik ka mu dawk a. Khutichun, he lo a na chibai sek u khah, zie mawng chuh ka hun hilh na hiu hi.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

ROME 1:28

Chun, a lungthim u a Pathien het a nawp loh ziekun, thil kilawmlo tak hih dinga a deihloh lam lungthim neih phalsak in, Pathien in a nungngat ta a.

ROME 3:11

Kuomah hethiem himhim a um puou. Kuomah Pathien hawl himhim a um puou hi.

ROME 3:26

Tuhin chuh amah diktatna etsakna dingin mihiemte gitlohna chungah thu a nei tai. Zie guol chun Pathien in a diktatna etsak in, Isu taksang taphawtte chuh thiemchanna a pie tai.

1 KORINTH 1:21

Pathien in a chitna chun, mihiemte’n chitna manga amah a het theih loh nung un thugen ngawlhuoi manga gingchate hukdam chuh, Pathien in pha a sa ta a.

1 KORINTH 15:34

Hetna chîm takin um unla; gilo ta kiu in; khenkhat in Pathien hetna him him na neih loh ziekun, na zahchâkna dingun ziehi ka gen ahi.

2 KORINTH 4:4

Zie khawvel pathien hin a lungthim teu a sukdûk ziekin, a gingcha puou hi. Krista lopina, Pathien batpih ngêi, Chanchin Pha eng chun amau haw a salh theih lohna dingin a siem sek hi.

2 THESSALONIKA 1:8

Pathien nawlh a, Lalpa Isu Chanchin Pha zawp nuom lote gawt dinga, mei kuong tawh a hung tieng leh hih ina.

HEBRAI 8:11

Chun, mitin in, ‘Lalpa chuh heu he’n,’ ti’n, Amah tuolsung khatpihte leh, Amah suohpihte ngêi le sinsak diek ta puo’n au. A neupen apat in a lienpen tiengin, A bawn u a ei he chiet ta ding ahi ngâl u a.

1 JOHAN 1:9

I gitlohnau I phuon uh chun chuh, eihaw gitlohna ngaidam ding leh, I diktat lohnau chengcheng tauh ngim dingin, amah chuh a taksanum in, a diktat ahi.

THUPHUON 13:8

Tichun, lei chunga um chengcheng, lei kisiem tunga thahsa Belamno Hinna Lehkhabu a min zik loh taphawtte chun, Pathien ho tawbang in ho un au.

THUPHUON 16:5

Vânsâwlchâk chun, “Nang Mi Thiengtho Umzingpa leh Umsapa, na vaihawmnate chuh a dik ie!