JOHAN 17:24 - PATHIEN LEKHABU THIENGTHO (BSI)

²⁴ “Hepa! nangin kei nei piekte hi, ka umna a ka kawma um dingin ka deih hi; nangin nei piek, ka lopina khah a muhna dingun, lei kisiem masang apat in nei hehpih ta ngâl a.

JOHAN 17:24 ပူးပေါင်းရင်းမြစ်များ

THILSIEMBUL 45:13

Aigupta gama ka lopina thu chengcheng leh, na thilmuh teu chengcheng hi ka pa hilh un la; ka pa chuh zie ahi kintaka na hun puihsuk dinguh ahi,” a ti a.

MATTHAI 25:21

A pu chun a kawmah, ‘Suok pha leh taksanum, na hih pha ie; tawmchah chungah taksan na um in, tamtak chungah hun um sak ing ka, na pu kipahna ah lut ah,’ a ti a.

MATTHAI 25:23

A pu chun a kawmah, ‘Suok pha leh taksanum, na hih pha ie; tawmchah chungah taksan na uma, tamtak chungah hun um sak ing ka; na pu kipahna ah lut ah,’ a ti a.

MATTHAI 25:34

Zie phat chu leh Lalpen chun a changlama mite kawm achun, ‘Ka pa vangsakte haw, hung un la, khawvel kisiem tûng apat nang u dinga guotsa chuh luoh un.

MATTHAI 26:29

Himahlele, ka hilh na hiu hi, ka Pa gama nangmau haw tawh a thak ka dâwn ni a tun kit masangsieh, tu apat hin grep guia gah hi dâwn kit ta puo’ng ka,” a ti a.

LUKE 12:37

A pu a hung phata, suok amah a na ngak zinga a muh te chuh mi hampha hi’n a; tihtakzet a ka hilh na hiu hi, amah chun a puon cheng det intin, amah chuh ankuong ah chut sak intin, a nau sep sak ina.

LUKE 23:43

Isu’n a kawmah, “Tihtakzet a ka hun hilh na hi, tuni hin, ka kawmah, paradis ah um inla,” a ti a.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOHAN 12:26

Kuo’n le, keia ding a sep nawp chun, ei zui heh, ka umna ah kei dinga sempa le um ina; kuo’nle, kei ding a sep chun, amah chuh Pa’n limbawl ina.

JOHAN 14:3

Chun, nang u dinga mun ka va siem zawh tieng chu leh, hungkit ing ka ting, ka kawmah nanguh hun lang ka, ka umna a nang u le na um theihna dingun.

JOHAN 15:9

Pa’n ei hehpih guolin ken le ka hun hehpih na hiu hi; ka hehpih in um zingun.

JOHAN 17:2

Mi chengcheng chunga thunei in na siem a, ti a chuh, na piekte kawma hinna a piek theihna dingin.

JOHAN 17:22

Nangin lopina kei nei piek kha a kawm u ah ka pie tai, nang leh kei pumkhat I hih guola, amau haw le pumkhat a hih theihna dingun:

JOHAN 17:5

Aw he Pa, khawvel kisiem ma pek a na kawma lopina ka chan kha, zie tawbang mah khan tuhin ei limbawl kit in.

JOHAN 6:37

Pa’n ei piek chengcheng chuh ka kawmah hung vek un au; kuole, ka kawma hung chuh nawhdawk hiel puo’ng ka.

JOHAN 6:39

Ei sawl pa deih bang chuh, Ama’n ei piek chengcheng khat chale mansak lo a, ni tâwp ni a a bawn u a hinna changa kaih thawh vek chuh ahi.

JOHAN 8:58

Isu’n a kawm u ah, “Tihtakzet, tihtakzet a ka hilh na hiu, Abraham pien ma’n le ka um hi,” a ti a.

1 KORINTH 13:12

Tuhin vang, lim-et a, kimu guolin, I mu giel guol uh ahi, khutih hun le vang chuh, kimaichangtuoh in mu tai tiu. Tuhin vang, a kimlo in ka he a, zie tieng chule vang, Pathien in ei het kim guol hin he kim ta’ng ka.

2 KORINTH 3:18

Khutichun, eihaw vang chuh, mai khuh loh in, I bawn un lim-et banga Lalpa lopina a salhvak a um in; zie lopina mah, Lalpa apat a hung, Thagau mawng chun, lopina apat lopi sawn in, amah kibatpih a suklamdan in I um uh ahi.

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

2 KORINTH 5:8

Hangsan takin I um uh a, chun, zie phehlevo sapum in hi taihsan a, Lalpa tawh ina um chuh I nuom zaw ngâl u a.

PHILIPPI 1:23

A kal lak a hin a lawhna helo a um mai ka hi; chieh dawka Krista kawma um nawpna ka neih ziekin, zie chuh a pha zaw mah mah ngâl a.

1 THESSALONIKA 4:17

Chun, eihaw, a na hing nalaite hi, vanthamzawl ah Lalpa muok dingin amau haw tawh, meitang haw lak akhun lak toh in um hitiu. Khutichun, Lalpa kawmah kumlekhuo’n um zing tai tiu.

1 PETER 1:21

Amah vanga, thihna apat kaithopa leh, lopina a puilutpa Pathien taksangte na hiu a; khutichun, na taksannau leh kinepnau chuh Pathien ah, sukdet a um ahi tai.

1 JOHAN 3:2

Deihtakte, tuhin Pathien chate I hiu a, bangti’n a I um dinguh tih vang a kichien tadih puoi; amah a hung kilak tieng le vang, amah bangin ki-um ina tih vang I heu hi, amah chuh a um ngei bang banga mu ding I hi ngâl uh a.

THUPHUON 21:22

Chun, khawpi sung achun Ho-In himhim ka mu puoh a, Lalpa Pathien, Bangakai hihtheipa leh Belamno chuh a Ho-In uh ahiu hi.

THUPHUON 3:21

A zo tacheng ka lalchutphah chungah ka changlam ah chut sak ing ka, ken le ka zawh a, ka Pa kawma lalchutphah a ka chut guol khan.