JOHAN 17:22 - PATHIEN LEKHABU THIENGTHO (BSI)

²² Nangin lopina kei nei piek kha a kawm u ah ka pie tai, nang leh kei pumkhat I hih guola, amau haw le pumkhat a hih theihna dingun:

JOHAN 17:22 ပူးပေါင်းရင်းမြစ်များ

2 KORINTH 3:18

Khutichun, eihaw vang chuh, mai khuh loh in, I bawn un lim-et banga Lalpa lopina a salhvak a um in; zie lopina mah, Lalpa apat a hung, Thagau mawng chun, lopina apat lopi sawn in, amah kibatpih a suklamdan in I um uh ahi.

JOHAN 14:20

Zie ni tieng chu leh, Kei pa a ka um leh, Kei nangmau a ka um guolin, keimah ah na um ui tih hun he’n lau.

JOHAN 1:16

A bukimna I chang chiet ui, lungsietna chunga lungsiet sawnna tawh.

EPHESI 2:20

Krista Isu mawng chuh, a ning a suongphuh pawimawh pên ana hi’n, a chunga sawlchakte leh thiemgaute suongphuh chunga chuh sak na hiu hi.

1 JOHAN 3:24

Kuole, Pathien thupiek zawp chuh, Pathien tawh pumkhat in a um uh a, Pathien le amah tawh pumkhat in a um hi. Pathien in a Thagau ei piek a hin, Pathien tawh I kipumkhat ui tih I heu hi.

2 KORINTH 6:1

Chun, kei u hi Pathien naseppihte ka hiu a, chun, nang u chun, Pathien hehpihna chuh bangmahlo a na kawih mai lohna dingun ka hun nget na hiu hi.

2 KORINTH 5:20

Khutichun, Krista sika palai ka hiu a, Pathien in keimauhaw ei mang in a hun nget na hiu hi tih theih ahi. “Pathien tawh na kicham un,” ti a Krista sika ka hun nget na hiu hi.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

MARK 6:7

Tichun, sawm le nih te chuh a sam khawm a, nih nih zelin a sawldawk ta a; thagau buokte chunga thuneihna a pie a,

1 JOHAN 1:3

Chun, ka muh u leh ka zakteu chuh nang haw kawmah ka phuong uh a, khutia chuh. Pa leh a chapa Isu Krista tawh ka kivawpkhawmnau chuh nei kikawppih theihna dingun.

NASEPTE 5:41

Sawlchakte chuh, vaihawmte kawm apat a a pawtdawk phet u chun, Isu min zieka zahchâkna thuok taka guota a um ziek u chun a kipâk mah mah u a.

JOHAN 17:24

“Hepa! nangin kei nei piekte hi, ka umna a ka kawma um dingin ka deih hi; nangin nei piek, ka lopina khah a muhna dingun, lei kisiem masang apat in nei hehpih ta ngâl a.

LUKE 22:30

Chuleh, Israel nam sawm leh nam nih te vaihawm sak in lalchutphah ah hung chu’n lau.

THUPHUON 21:14

Chun, zie khawpi kulh bâng chuh, suongphum sawm le nih chunga kilem ahi a, ziehaw achun, Belamno sawlchak, sawm le nih te min chuh a kizik chiet a.

KOLOSSA 1:24

Tu a, nang u dinga ka thuokna ahin ka kipâk hi, Krista’n a sapum sika a dahum thuok bân chuh, ka sapum ahin ka thuok pih zel zawk ahi; a sapum chuh sapchuom haw hi a hi ngâl a.

PHILIPPI 1:29

Krista dinga nasep theihna ding hun lemchâng piek na hiu a, amah na ginchak mai uh hilo in. amah zieka na thuok uh le phal a hi ngâl a.

ROME 8:30

Chun, a guotlawkte chuh a sama, chun, a sapte chuh thiem le a chansaka, chun thiem a chansakte chuh a limbawl hi.

1 JOHAN 4:17

Vaihawmna Ni a dinga chuh lau lo a I um theihna dingun, hehpihna chuh eimau ah sukbukim in a um tai; zie chuh, zie khawvel a I hinnau hi, Krista a tawh kibang a hih tak zieka I neih dinguh ahi.