JOHAN 17:18 - PATHIEN LEKHABU THIENGTHO (BSI)

¹⁸ Nangin khawvel a kei nei sawl guolin, ken le amau haw chuh khawvel a ka sawl a hii.

JOHAN 17:18 ပူးပေါင်းရင်းမြစ်များ

JOHAN 20:21

Isu’n a kawm u ah, “Na chungu ah lungmuonna um hen. Pa’n ei sawl guolin ka sawl na hiu hi,” a ti kit a.

2 KORINTH 5:20

Khutichun, Krista sika palai ka hiu a, Pathien in keimauhaw ei mang in a hun nget na hiu hi tih theih ahi. “Pathien tawh na kicham un,” ti a Krista sika ka hun nget na hiu hi.

JOHAN 17:3

Ziehi kumkhuo hinna a hii, Nang Pathien tak tak leh, na sawl Isu Krista het hi.

JOHAN 4:38

Na sep lohnau lo a ât dinga ka hun sawl kha, mi dangin a sem u a, nang haw’n a sep sau chuh na sutzawp sek uh ahi,” a ti a.

MATTHAI 10:5

Zie sawmlenih te chuh Isu’n a sawl dawk a, a kawm u ah tihin thu a pie a: “Jentel te lampi ah chieh kiu inla, Samari mite khuo himhim ale lut kiu in.

EPHESI 3:7

Chanchin Pha zenviela ka panna hi, Pathien thilpiek chuom ahi a, zie chuh a thilhih theihna nasep bang zela ei piek ahi.

JOHAN 17:23

Khawvel in, kei nei sawl a hii tih leh, kei nei lungsiet guolin amau haw na lungsiet hi tih a hetna ding u a, kei a mau a ka um a, nang keimah a na um a, pumkhat a hih bukim theihna dingun.

JOHAN 17:21

A bawn u a pumkhat a hih theihna dingun ka ngetsak ahi. He Pa, nang keimah a na um leh, kei nangmah a ka um mah bang hin, amau haw le eimah a a umna dingun. Pumkhat a hih u a, ti a chuh khawvel in kei nei sawl ngêi ahi tih a ginchak theihna dingun.

JOHAN 17:8

Nangin thu nei piek kha a kawm u ah ka pie ta a, ziehaw chuh a ching u a, nangmah kawm ngêi apat ka hii tih dik takin a he tau a, nei sawl ngêi ka hii tih le a gingcha tau hi.

MATTHAI 23:34

Ngaitiem u, ziebang tak chun na kawm u ah thiemgaute, miching te, danthuzikte hun sawl ding ka hi; abang chuh that un na tin uh, kross ah khên den unlau, a bang chuh na kikhawpna In hawu ah savun khau in zêp un na tin uh, khaw tin ah bawl gimthei zui zel unlau.

JOHAN 17:25

Aw he Pa diktat! khawvel in vang a hun he puou a, ken vang ka hun hêi; te haw hin le, nangin kei nei sawl a hii tih a heu hi.

JOHAN 3:17

Pathien in khawvel mawhchansak dingin a Chapa khawvel ah a hun sawl puoh a, amah zieka hukdama a um theihna dingun a sawl a hi zawi.