JOHAN 17:15 - PATHIEN LEKHABU THIENGTHO (BSI)

¹⁵ Nangin, amau haw chuh khawvel apat a na lak dawk dinga ngên ka hi puoh a, migilo laka chuh na hum ding ti ka hi zawi.

JOHAN 17:15 ပူးပေါင်းရင်းမြစ်များ

THILSIEMBUL 48:16

Gitlohna chengcheng apat a ei hukdawk sek vânsâwlchâk chun, naupangte hi vangsak hen! Chun, ka min leh ei suonte Abraham leh Isak min chuh zie naupangte chung ahin um zing hen! chun, khawvel lailung ah mipi nasa tak hiding in hung pung u hen,” a ti a.

1 KHANGTHUBU 4:10

Jabez chun Israel Pathien chu a sama, “Aw Pathien, ei vangsak tei tei inla, ka gamgi hi ei keklet sak tei inla; ei umpih inla, na khut in ei kai zingin la, thil phalo bang hitaleh, ei suna thei dingte lak apat chun ei vengbit tei in,” ti’n a paucham a. Tichun, Pathien in, a thil nget chu a lawhtit sak ta a.

SAM LEHKHABU THE PSALMS 121:7

Lalpa chun gitlohna tincheng apat hun veng in tin; Na hinna chuh veng in a.

SAM LEHKHABU THE PSALMS 30:9

“Kawkhuk a ka kum suk a, ka thihna achun phatchuomna bang a um hi? Leivui in a hun pakcha dem? Na ginumna chuh a phuong na dem?

THUGENPA 9:10

Na khut in sep ding a neih taphawt chuh theihtawp in sem in; na chiehna ding than achun nasep ding ahim, ngaihtuoh ding ahim hetna ahim, pilna ahim um talo ding ahi ngâl a.

ISAI 57:1

Mi diktat chuh a thi a, kuoma’n a ngaihtuoh puou a, Pathien ngaihsak te chule a thiu a, sietna lak apat lâkmang ahiu hi tih kuoma’n a ngaihtuoh puou hi.

MATTHAI 5:37

Na thugen u chuh ahi chuh hi, hi zieng hen la, a hilo chuh a hilo hi zieng hen; a vum a val chuh migilo apat a pawt ahi ngâl a.

MATTHAI 6:13

Thepna ah ei puilut ki’n la, Gitloh apat in ei hukdam zaw’n; Gam leh, thilhih theihna leh, lopina chuh, Kumsawt in nanga ahi ngâl a. Amen.’

LUKE 11:4

Ka gitlohnateu ei ngaidam inla, Kei un le ka chung u a thil hihkhielte ka ngaihdam bangun. Thepna ah ei puilut ki’n,’” tiu in a ti a.

LUKE 22:32

Himahleh Simon, na taksanna a beih lohna dingin ka hun paucham sak zing hi. Khutichun, kei lama na hung kihei kit phat leh, na suohpihte suhat in,” a ti a.

GALATI 1:4

Krista chun, Pathien leh Pa deih lam taka thu zawp in, zie tulai vannuoi gilo lak apat eihaw ei hukdam dingin, amah mawng chuh I gitloh man un a kipie ta a.

2 THESSALONIKA 3:3

Himahlele, Lalpa chuh a taksanum a, amah chun hun suhat in, Thil gilo laka kipat chun nanguh hun vengbit ina.

2 TIMOTHE 4:8

Tuhin chuh diktatna Lallukhuk chuh kei dingin kawih in a um ta a, zie chuh Lalpa a ngaihtuohpa diktat chun zie Ni chu leh ei pie’n a; kei kawm mah ah hilo in, a kilâkna ngai ta chengte kawma le hi’n a.

1 JOHAN 5:18

Kuole, Pathien cha hita chun gitloh a hih zingzing ta puoi; Pathien Chapa chun a hum bit sek ziekin. Migilo chun a suna thei puoi.

1 JOHAN 5:19

Khawvel pumpi hi zie Migilo vaihawmna nuoi a chuh um hi himahleh, Pathien a I hiu hi tih I he ngâl uh a.