JOHAN 17:13 - PATHIEN LEKHABU THIENGTHO (BSI)

¹³ Himahlele, tuhin, na kawma hung ding kei tai; ka kipahna amau a a bukim theihna dingin, zie thu te hi khawvel kawma ka gen ahi.

JOHAN 17:13 ပူးပေါင်းရင်းမြစ်များ

HEBRAI 12:2

Chun, Isu, I taksannau siempa leh subukimpa lam chuh en zing hitiu. Amah chun, a masanga lawpna a um ziek chun, zahchâkna chuh ngaidau in, kross achun a thuok a, tichun, Pathien lalchutphah changlam achun a va chu ta a.

GALATI 5:22

Himahlele, thagau gah vang chuh: hehpihna haw, lawpna haw, kichamna haw, thuokhatna haw, nunnemna haw, phatna haw; taksanumna haw,

JOHAN 15:11

“Ka kipahna nangmau a a um zing na’n leh, na kipah uh a bukimna’n zie thu haw hi na kawm u a ka gen ahi.

JOHAN 3:29

Moneipa chuh a pasal chuh ahi a, himahlele, pasalpa guolpa, din sa a a thu ngaitha pa chuh, pasal aw a het phat leh, a kipâk mah mah sek hi. Zie chuh ahi, keimah kipahna ngêi le, sukbukim a a um dân sek chuh.

1 JOHAN 1:4

Ka lawp uh a bukim theihna dingin, zie thu haw hi na kawm u ah ka hun zikuh ahi.

JOHAN 13:3

Isu’n, Pa’n thilhih theihna bukim a piek dân te. Pa kawm apat a hung pawt leh, a kawma chieh kit ding ahih dante chuh a hezing a.

2 JOHAN 1:12

Na kawm u ah thu tamtak gen ding ka neih ziekin, lehkha leh lehkhatui maia zik ka nuom puoi; ka lawp uh a bukim theihna dingin, na kawmuh a hung a, kimaichangtuoh a holim ka kinep zawk ahi.

ROME 14:17

Pathien gam chuh nek le châk lam thu ahi puoh a, diktatna leh chamna leh, Thagau thiengtho akipahna haw ahi zaw ngâl a.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

SAM LEHKHABU THE PSALMS 126:5

Mittui kie kawma tuh haw chun lawp takin ât un au.

SAM LEHKHABU THE PSALMS 43:4

Khutichun Pathien maichâm kieng ah chieh ing ka ting, Pathien ka lawpna mah mah kawm achun: Aw ka Pathien, ka Pathien kingkang in hun pakcha’ng ka ting.

NEHEMIA 8:10

Khutichun, amah chun a kawm u ah, “Chieh unla, a thau thau neu unla, a thum thum dâwn unla, bangmah neilote dingin chanvo thâk un. Tuni hi Lalpa a dinga thiengtho ahi ngâla. Lungkham kiu in, a ziek chuh Lalpa a na kipahna u chuh na hât nau ahi ngâla.”

NASEPTE 13:52

Chun, sinsakte chuh kipakna leh, Thagau Thiengtho in a dim tau hi.

JOHAN 7:33

Chun, Isu’n, “Na kawm u ah chawmkhat um tadih zet ing ka ting, ei sawl pa kawmah chieh ing ka.

JOHAN 17:11

Tu’n, kei na kawma hung ding ka hi a, khawvel ah um ta puo’ng ka; amau haw vang hi khawvel ah um un au. He Pa, Thiengtho, nangin kei nei piekte hi na min in hum ah; pumkhat a hih theihna dingun, nang leh kei pumkhat I hih guol mah bang hin.