JOHAN 16:7 - PATHIEN LEKHABU THIENGTHO (BSI)

⁷ Himahlele, thudik tak ka hun hilh na hiu hi, ka chieh nang u dingin a phai; ka chieh loh chun Lungmuonpa chuh na kawm u a hung lo ding ahi ngâl a. Himahlele, ka chieh chun, nang haw kawma hun sawl ding ka hi.

JOHAN 16:7 ပူးပေါင်းရင်းမြစ်များ

JOHAN 14:26

Chun, Lungmuonpa Thagau Thiengtho, Pa’n, ka min a a hun sawl ding khan, zie chun bangakai nanguh hun sinsak intin, na kawm u a ka gen chengcheng kha hun het dawk sak kit ina.

JOHAN 15:26

“Chun, Pa kawm apat Lungmuonpa na kawm u a ka hun sawl ding chuh, Pathien chanchin diktak phuongdawk sek, Thagau chuh a hii. Amah chuh Pa kawm apat ka hun sawl ahi a, amah chun ka chanchin hun hetsak ina.

ROME 8:28

Chun, Pathien hehpihte, amah guot guola a sapte ding chun, a phatna dingun bang chengah a sepsak sek hi tih I heu a;

NASEPTE 2:33

Pathien khut changlam ah limbawl in a um ta a, Thagau Thiengtho tiem chuh Pa kawm apat a mu a, na muh u leh, na het u hi a hun sunthak ahi.

JOHAN 7:39

Isu’n, zie thu haw chuh, a gingchate’n Thagau a muhna ding thuu a genna ahi. Thagau chuh piek a hi tadih puou, Isu chuh lopina a kaihthawh a a um nai loh ziekin.

LUKE 24:49

Chun, ngaitiem u, Pa thil tiem chuh na chung u hun sawl ding ka hi; himahleh, chunglam apat a thilhih theihna’n a hun thuom masang sieh chuh, khawpi ahin um zingun” a ti a.

NASEPTE 10:34

Tichun, Peter chun a gen pan a: “Pathien in mi, deihsak chuom a nei puoi tih, diktakin ka hêi.

JOHAN 14:28

Na lunggil uh lunggim kiheh, lauh le lau kiheh. ‘Chieh mang ding ka hi a, na kawm u ah hungkit ing ka,’ ka hun tih khah na he tau kha. Nangun nei hehpih hi leu chin. Pa kawma ka chieh ding ziekin kipâk ding na hiu a, Pa chuh keimah sangin a lopi zaw ngâl a.

JOHAN 14:3

Chun, nang u dinga mun ka va siem zawh tieng chu leh, hungkit ing ka ting, ka kawmah nanguh hun lang ka, ka umna a nang u le na um theihna dingun.

SAM LEHKHABU THE PSALMS 68:18

Nang chuh tâng chunglam ah na kalto ta a, sala matte chu na pui a; Mihiem te apat chun thilpiek le na changa, Ahi, Lalpa Pathien kalh a helte chu a kawm u ah a um ui.

LUKE 9:27

Diktaka ka hun hilh na hiu hi, taka ding haw abang hi, Pathien gam a muh masangsieh u chuh thihna tep lo ding a um ui,” a ti a.

LUKE 4:25

Khutichun, diktaka ka hilh na hiu hi, Elijah damlai a kum thum leh tha gup van a bin a, khawvel a kiel nasatak ahung tun khan, Israel gam ah meithai tamtak a um u a;

2 KORINTH 4:17

Chun, zie buoina neucha, mitphetlohkal a beimang ding ka thawk u hin, zie buoina sanga leh tamtak a nasa leh, kumsawt a lopina mun achun ei tun ding ahi ngâl a.

JOHAN 16:8

Tichun, amah chuh a hung tieng leh, khawvel a mite kawm achun, gitloh thu te, diktatna thu te leh vaihawmna thu te ah a dikloh zieu hun hetsak ina.