JOHAN 16:22 - PATHIEN LEKHABU THIENGTHO (BSI)

²² Zie chuh, tu a nanguh dinmun tawbang hi ahi: tuhin na lungkham u a, himahleh, nanguh hun mu kit ing ka, tichun, na lunggil u chuh kipahna kuoma’n a hun lâksak theih loh ding chun dim ina.

JOHAN 16:22 ပူးပေါင်းရင်းမြစ်များ

JOB LEHKHABU THE BOOK OF JOB 34:29

Amah chuh a na thip ta leh kuo a thiemloh chan sak ding? A mel a sel phat leh kuo a mu thei ding? Nam pumpi ding leh mimal a dingin le akibang gêl gêl hi.

SAM LEHKHABU THE PSALMS 146:2

Ka damsung chengin Lalpa chuh pakcha’ng ka ting; Ka hin lai chanin ka Pathien pakcha’n la sa’ng ka.

SAM LEHKHABU THE PSALMS 33:21

A mah a chun I lungthim u hi a kipâk a, A min Thiengtho I ginchak ziek un.

ISAI 25:9

Chun, zie ni chuleh, “Entiem u, zie hi I Pathien uh ahi! Amah chuh ka na ngak uh a, ei hukdawk theih na dingin. Amah chuh Lalpa chuh ahi! Amah chuh ka taksang uh a, ei hukdam tâk ziekin, a hukdamna ahin tuhin kipâk in lawp hitiu,” ti’n au.

JEREMIA 31:12

Zion tângsip achun lasa’n hung un tin, Lalpa phatna achun kipâk untin: buhte, uain te, sathau te, anchehlohing, belam leh gan guol note ka piek achun kipâk un au. A hinnau chuh huon tui pha mun bang hi’n tin, kumlekhuo’n lungkham kit ta puo’n au.

MATTHAI 28:8

Tichun, lau leh kipâk mah mah kawmin thân apan chun a chieh mengmeng u a, sinsakte hilh dingin a tai tau a.

LUKE 10:42

thil khat chauh a khawk ie; Mari’n chan pha a tel a, zie chuh lâksak ding ei puoh ie,” a ti a.

LUKE 16:25

Himahlele, Abraham chun, ‘Ka chapa, nangin na dam lai khan thilpha na chang a, khutibang mah in Lazarus thil phalo a chan kha hezingin! Tu’n chuh, amah taka hin lungmuong takin a um a, nang vang a gim na hi ta kha!

LUKE 19:26

‘Ka hun hilh na hiu, a neita piek behlap untin, a nei lo chuh, a neih sun le lak sak un au.

LUKE 24:41

Khutichun, kipâk taluo a, taksanglah nalai leh, maksa taka a um lai u chun, a kawm u ah, “Taka hin, bang ahim khat nek ding na nei u?” a ti a.

JOHAN 14:1

“Na lunggil uh lunggim kiheh; Pathien na gingchau hi, Kei le ei gingchau in.

JOHAN 14:19

Chawmkhat hal leh, khawvel in ei mu kit ta puo’n au; himahlele, nang u vang in chuh ei mu’n lau; keimah ka hin ziekin, nang haw le hing un lau.

JOHAN 14:27

“Lungmuonna ka hun nutsieh na hiu hi; keimah lungmuonna ka hun piek na hiu hi; khawvel in a hun piek guolin ka hun piek na hi puou hi.

JOHAN 16:16

“Chawmlo kalin nangun kei ei mu puo’n na tin uh; chawmlo kal mah in nangun kei ei mu kit unlau, Pa kawma ka chieh ding ziekin” a ti a.

JOHAN 16:20

Tihtakzet, tihtakzet a ka hun hilh na hiu hi, nang haw hi kap in lungkham un na tin un, himahleh, khawvel hi kipâk ding ahi; lungkham un na tin uh, himahleh, na lungkhamnau chuh lawpna hung suok ding ahi.

JOHAN 16:6

Mahleh, tu a ka hun hilh phet hin, na lunggil u chuh lungkham na’n a dim hiel ta ahi.

JOHAN 21:7

Ziephet chun, sinsak Isu’n a hehpih khan Peter kawmah, “Lalpa a hi khu!” a ti a. Khutichun, Simon Peter in Lalpa ahii tih a het phetin, a puonâk a cheng a, (sangawn a um ahi ngâl a), dîl ah a chawm tha ta a.

JOHAN 4:14

kuole, a kawma tui ka piek ding dâwn ta chuh, kumkhuo’n a dang uh châk kit ta puo’n a, ken tui a kawm u a ka piek ding chuh a sung u ah tuinak hung um intin, kumkhuo tuonga hinna dingin kichik to ina,” a ti a.

NASEPTE 13:52

Chun, sinsakte chuh kipakna leh, Thagau Thiengtho in a dim tau hi.

NASEPTE 16:25

Himahlele, zânkhang in, Paul leh Silas chuh, Pathien kawmah a paucham u a, la a sau a, suongkul tângte’n a ngaithau a.

NASEPTE 2:46

Chun, ni chengin, lungthim munkhat in Pathien Ho-In a chun phachuomngai takin a um sek u a; a In lam hawu ale chângthâk phelsuoh in, lawp tak leh lungkim takin a an uh a ne sek u a.

NASEPTE 5:41

Sawlchakte chuh, vaihawmte kawm apat a a pawtdawk phet u chun, Isu min zieka zahchâkna thuok taka guota a um ziek u chun a kipâk mah mah u a.

2 KORINTH 6:10

Suklungkham in ka um u a, kipâk zing ngâl in; chagah taka kilang ngâl in, mi tamtak neihzawh sak ngâl in; bangmah neilo bang in, thil cheng cheng ka nei ngâl u a.

2 THESSALONIKA 2:16

Tichun, I Lalpau Isu Krista mawng leh, Pathien I Pau, ei hehpihpa leh, a lungsietna vanga, hansanna thâwn lo leh, kinepna det ei piepa chun,

HEBRAI 10:34

Suongkul tânga thuokte chuh na lainat uh a, thil phazaw, kumlekhuo a um den ding chuh nangmau ngêiin van ah na nei ui tih kihet in, na thil neih teu hun lâksakte le kipâk takin na thuok ngâl uh a.

HEBRAI 6:18

Zie chun then kit theih loh thil nih a um ta a, zie thu achun le Pathien chuh a lepchieh ngeilo ahi. Khutichun, eihaw, amah a kihumbitna mute hin, I masang uh a kinepna um chuh tuchak dingin, nasa taka sukhat in I um tau hi.

1 PETER 1:8

Amah chuh, mu khalo mah leu chin le na hehpih uh a, amah chuh tuhin mulo mahleu chin le, na taksang uh a, khutichun, kipahna nasatak leh lopi tak, thu maia gen theih loh chun na lawp uh a;