JOHAN 16:21 - PATHIEN LEKHABU THIENGTHO (BSI)

²¹ Numei a nauhanat tieng leh a lungkham sek, a hun a tun tâk ziekin, himahlele, nau a hun hin tieng leh, a lungkhamna chuh a he kit ta sek puoi; khawvel a mihiem hung pieng chuh a kipâk ziekin.

JOHAN 16:21 ပူးပေါင်းရင်းမြစ်များ

SAM LEHKHABU THE PSALMS 113:9

Amah chun numei chîng chu In leh lo a pie a, Chate dinga nu kipâk leh nuomsa’n a siem sek a. Lalpa chuh pakchau in.

ISAI 13:8

Tichun, amau chuh beidawng un tin, natna leh lungkhamna chun numei nauhanat bang mai in man in tin, beidawng takin amau leh amau ki-entuoh un tin; a maiteu chuh zahchâkna’n mei guolin sa hut hut ina.

1 THESSALONIKA 5:3

“Muonna leh bitna” ti a a gen lai tak uh leh, numei nauhanat bangin, phulo-halo in, manthaina a chungu ah hungtung intin; suokcha hiel puo’n au.

MIKA 4:10

Aw Zion chanu, numei nauhanat guolin mau un la, kitel viel un! Tuhin khawpi chuh pawtsan a, gamtalai-laka cheng ding na hi ta ngâl u a! Babulon lam ah chieh un na tin uh, himahleh, na melmateu khut apat in Lalpa’n hun hukdawk ina.

GALATI 4:27

Pathien Lehkhabu a chun, “Nang chîng, cha nei khalo, lawp ah, Nang, nauhanat khalo, kiko dawk ah; Pasal neinu sang chun, thawmhau nu chun chalenau a nei tam zawi,” tih zik ahi ngâl a.

THILSIEMBUL 3:16

Chun, numei kawm achun, “Na gimtheihna leh na nauvawpna chuh nasa takin supung ing ka ting, gimthei takin cha nei sek inla; himahleh na utna chuh na pasal lam hi’n tin, amah chun na chungah thu nei zing ina,” a ti a.

ISAI 21:3

Zieziekchun, ka kawngte hi natna nasa takin a dima, numei nauhanat guolin natna’n ei man ta a; bil a khuo za theilo khawp in natna ka thuok a, khaw mu theilo khawp in ka lungzîng a.

ISAI 66:7

Nauvei a a nat masang in nau a nei a, a nauhanat masang in chapa a nei tai.

MIKA 4:9

Bang zieka zie bangpi a ngeih a chuh kiko dawk na him? Bang zieka numei nauhanat banga thuokgim na him? Leng na neih loh ziek leh, na lemguotte a thi zo tau a ahim?

JOB LEHKHABU THE BOOK OF JOB 11:16

Na gimtheih thuok chuh hengilh in na tin, Tui luong mangsa bang phetin he ta’n la.