JOHAN 16:2 - PATHIEN LEKHABU THIENGTHO (BSI)

² Kikhawpna In apat a nawhdawkin um un na tin uh, chuleh, Pathien chunga thilpha bawla kingai a, nang haw a hun thah hun uh hung tung ding a hi.

JOHAN 16:2 ပူးပေါင်းရင်းမြစ်များ

ISAI 65:5

Tichun, mi dangte kawmah, “Kiveng in la, ei hung naih kih, nang haw sang chun ka thiengtho ngâl u a,” a ti sek ui. Zie tawbang mite chuh ka nak a meikhu leh ni tum a meikuong tawbang ahiu hi.

ISAI 66:5

Nang haw, amah kihcha a, a thu zawpte haw, Lalpa thugen hi a na ngaithau in: Na suohpih teu nanguh hun hawte leh ka min zieka hun nawhdawkte chun hiti hin a tiu a “Lalpa chuh pahchak in um hen” a tiu a. Himahleh, amau haw chuh hung muolpho ding ahiu hi!

DANIEL 11:33

Lawiupate laka miching te chun mi tamtak hetthiem sak untin, himahleh, hun chawmkhat sung chuh a lak u a khenkhatte chuh kidonaa thah ahim, meia hâllup ahim in um untin, khenkhatte chuh suoma um in, suongkul a khum in um in au.

MATTHAI 10:28

Chuleh, sapum that a thagau that theilo haw chuh lau kiu in la; zie sang chun, Gehen a thagau leh sapum sumang thei vang chuh lau zawu in.

MATTHAI 24:9

“Zie tieng chu leh gawtna thuok dingin hun matsak untin; hun that un tin uh ka min ziekin nam chengcheng muhdah hi’n lau.

LUKE 6:22

“Mihiem Chapa zieka mi’n a hun hawt u a, a hun deihloh u a, a hun gaih u a, mi phalo na hi ti a a hun gen tieng u leh mi hampha hung hi ding na hiu ui.

JOHAN 12:42

Zie hun tieng chun, Juda lawiupa tamtakin Isu chuh a gingcha tau a; himahlele, Pharisaite ziekin tângphuong takin a gen dawk puou, Kikhawpna In apat a nawhdawk a hih lohna dingun.

JOHAN 16:25

“Zie thu haw chuh a thawitham in na kawm u ah ka gen a; himahlele, a hun tun tieng chu leh, a thawitham in gen ta puo’ng ka ting, kichien takin Pa chanchin na kawm u ah gen zaw ta’ng ka.

JOHAN 16:32

A hun tung ding ahii, a tung le ahi zieng tai, zie tieng chu leh nangmau In lam chietah dalh vek un na tin uh, keimah chauh in nei thahtha’n lau; himahlele, Pa ka kawma a um ziekin, keimah chauh in ka um diek puoi.

JOHAN 4:21

Chun, Isu’n a kawmah, “Numei, ka thu ngai ah, zie tâng khello a hin le, Jerusalem khuo khello a le, Pa na chibai na ding hun uh hung tung a hi tai.

JOHAN 4:23

Khutichun, a hun tung ding ei tai, tu zieng hin le a tung ei tai, zie tieng chuleh, Pathien ho tak tak te’n, Thagau leh thutak in Pathien ho un au; Pa’n zie tawbang mi chuh amah ho dingin a hawl sek ahi.

JOHAN 9:22

Judate a lauh ziekun a nu leh a pa’n zie thu haw chuh a gen uh ahi; ziehaw chun, “Kuo’n le, Amah chuh Krista a hii, ti a gingcha ta chuh, kikhawpna In apat nawhdawk ngêi ngêi ding ahi,” ti’n a kithuguol suok kêi ta ngâl u a.

JOHAN 9:34

Chun, amau chun a kawmah, “Nang na pum changsana gitloh a pieng na hi a puo, nangin nei hun hilh vangvei hih!” ti’n a dawng u a. Khutichun, kikhawpna In apat chun a nawhdawk tau hi.

NASEPTE 5:33

Chun, vaihawmte chun zie thu haw chuh a zak phet un, a lung uh a khei mah mah a, thah mai a ut tau hi.

NASEPTE 7:56

“Ngaitiem u, van kihawng ka mu a, Pathien chang lama Mihiem Chapa ding le ka mui.” a ti a.

1 KORINTH 4:13

Mi’n ei hêk tieng u leh, thep lungdam ka guo hâm hâm sek ui. Tu zieng hin le, khawvel mite deih loh, leisiet thil nin, paihmang mai ding guola bawl in ka um ui.

PHILIPPI 3:6

Dan lam achun Pharisai ka hi a; gunchuhna lam achun sapchuom haw sugimthei pên ka hi a; Dan thu a diktatna lam achun paulap bei ka hi ngâl a.

THUPHUON 6:9

Chun, Belamno chun tiemtehna ngana chuh a vak phel leh, Pathien thu a gen ziekuh leh, hetpihtu taksanum taka a pan ziekuh a thaha umte thagau haw chuh ka mu a.

VAIHAWMTE 6:30

Tichun, khawpi a mihaw chun Joash kawmah, “Na chapa chuh hun puidawk in a thih tei ding ahi; Baal maichâm a hih chip ziekin leh a chunga Asherah a phuk ziekin,” a tiu a.