JOHAN 16:14 - PATHIEN LEKHABU THIENGTHO (BSI)

¹⁴ Amah chun lopina kei ei pie’n a; ka thugente la’n tin, nang haw kawma gen ding a hih ziekin.

JOHAN 16:14 ပူးပေါင်းရင်းမြစ်များ

ZEKARIA 12:10

Chun, David inkawte chung leh Jerusalem a chêngte chung achun lungsietna leh ngetna thagau sungtha’ng ka ting, chun, a sut pau hi hun en un tin, tichun, mi’n a chapa neihsun a sun bangin sun un tin; mi’n cha lutîl chunga a thuok bangin thuok un au.

JOHAN 14:21

“Kuole, ka thupiek haw pawm a, zawp ta chuh, ei hehpih ahii. Kuole, ei hehpih chuh Pa’n, amah le hehpih ina; ken le amah chuh hehpih ing ka ting, a kawmah kilak ing ka,” a ti a.

JOHAN 15:26

“Chun, Pa kawm apat Lungmuonpa na kawm u a ka hun sawl ding chuh, Pathien chanchin diktak phuongdawk sek, Thagau chuh a hii. Amah chuh Pa kawm apat ka hun sawl ahi a, amah chun ka chanchin hun hetsak ina.

JOHAN 7:39

Isu’n, zie thu haw chuh, a gingchate’n Thagau a muhna ding thuu a genna ahi. Thagau chuh piek a hi tadih puou, Isu chuh lopina a kaihthawh a a um nai loh ziekin.

1 KORINTH 12:3

Zieziekchun, kuole, Pathien Thagau puih a um ta chun, “Isu chuh hansie dawl ahi,” a ti ngei puou a; kuole, Thagau Thiengtho puih a um lo chun, “Isu chuh Lalpa ahi,” a ti thei diek puou ui, tih na hetuh ka nuom hi.

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

GALATI 5:5

Ei uh vangin, Pathien Thagau thilhih theihna zâla taksan na’n, diktatna kinepna chuh I ngak ngâl u a.

1 PETER 2:7

Khutichun, nanguh a gingchate dingin, zie suong chuh lul tak ahi, a gingcha lote dingin vang chuh: “In sate suong deih loh khah, Zie mawng chuh a ning a suong phachuom pen a hung hi tai,” a tih kha.

1 JOHAN 3:23

Chun, a thupiek chuh ziehi ahi, a Chapa Isu Krista ginchak a, Krista thu ei piek banga kihehpih tuoh hih.

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

1 JOHAN 5:6

Ziehi ahi tui leh thisana hung chuh, Isu Krista ngêi chuh, tui mai in ahi puoh a, tui leh thisan in ahi zawi; hetpihtu chuh Thagau ahi.

THUPHUON 19:10

Tichun, amah ho dingin a keng bul achun ka khupbawk a, himahleh amah chun, “Khutichun hih ki’n khai! Kei chuh nangmah leh na suohpihte, Isu thu hettuoksak haw sawntawlawi chanpih ka hi a puo; Pathien ho zaw ta’n! Isu thu hettuoksak thudik khah, thiemgaute hatkhum sek khah a hi ngâl a!” a ti a.