JOHAN 16:13 - PATHIEN LEKHABU THIENGTHO (BSI)

¹³ Amahvang chuh, Pathien chanchin diktak phuongdawkpa Thagau chuh a hung tieng leh, thudik cheng chengah hun puilut ina. Amah phuok kawmin thu gen ding a hi puoh a, a thu zakte chauh gen intin; thil hungtung dingte le hun hetsak in a.

JOHAN 16:13 ပူးပေါင်းရင်းမြစ်များ

ISAI 11:2

Chun, Lalpa Thagau, chitna leh hetthiemna thagau, lemguotna leh hatna thagau, hetna leh Lalpa kihchakna thagau a chungah chu’n a.

JOEL 2:28

“Zie hun tieng chuleh hiti hi hung hi’n tin, mi chengcheng chungah ka Thagau sungtha’ng ka ting; tichun, na chapateu, na chanu teu in ka thu gen un tin, na teksieteu in mang in mat untin; na tangval teu in kilâkna mu’n au.

JOHAN 12:49

Ka phuok kawma ka gen ei puoi, Pa ei sawlpa chun ka gen ding leh ka hilh ding chuh thu ei piek zawk ahi.

JOHAN 14:17

Zie chuh Pathien chanchin diktak phuongdawk sek Thagau chuh ahi. Vannuoi in zie chuh a nei thei puou hi, amah a muh loh u a, het le a het loh ziekun. Nang haw’n vang, na kawm u a a um zing ziek leh, nangmau a a um ziekin, amah chuh na heu hi.

JOHAN 14:26

Chun, Lungmuonpa Thagau Thiengtho, Pa’n, ka min a a hun sawl ding khan, zie chun bangakai nanguh hun sinsak intin, na kawm u a ka gen chengcheng kha hun het dawk sak kit ina.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 15:26

“Chun, Pa kawm apat Lungmuonpa na kawm u a ka hun sawl ding chuh, Pathien chanchin diktak phuongdawk sek, Thagau chuh a hii. Amah chuh Pa kawm apat ka hun sawl ahi a, amah chun ka chanchin hun hetsak ina.

JOHAN 16:12

“Na kawm u a gen ding thu tamtak ka nei nalai hi; himahleh, tuhin, na tin tadih puou hi.

JOHAN 3:32

Amah chun, a muh leh a hette chuh a gen sek a, himahleh, kuoma’n a thugen chuh a pawm nuom puou hi.

JOHAN 8:38

Ken, ka Pa kawma thil ka muh te chuh ka gen sek a, nangun. le na pau kawma thil na zak u chuh na hih sek ui,” a ti a.

NASEPTE 11:28

Chun, a lak uh a mi khat, a min Agabas chuh a dinga, khawvel pumpi ah kiel nasatak tung ding ahi tih, Thagau hilh in a hetsak a; (zie kiel chuh, Klaudias lal lai in ana tung ta a.)

NASEPTE 20:23

Thagau Thiengtho in, ‘Kânna leh dahumna’n a hun muok hi,’ ti’n, khawpi tin ah kei ei hetsak sek hi, ziehaw mai chuh ka het ahi.

NASEPTE 27:24

Ka kawmah, ‘Paul, lau kih, Kaisar masanga ding ding na hi; chun, ngai ah, kuong a na hun kitawnpih chengcheng te hile, Pathien in a hun piek ahi,’ ei tih ahi.

2 THESSALONIKA 2:12

Thudik gingcha lo a, gitlohna thila kipâk zawte chun, mawh a chan vek theihna dingun.

2 THESSALONIKA 2:3

Bang lama le kuomah thep in um kiu in. Puksietna chuh a hungtun masak zet a, Dan bawhsiepa, mangthai chapa chuh a hung kiphuon macheng chun, zie nikhuo chuh tung ding ahi puoh ngâl a.

HEBRAI 1:1

Pathien in malai in ei suontuteu kawmah tamtak vei chuh, lam chuom chuom in; thiemgaute mang in thu a na gen ta a.

1 JOHAN 2:20

Krista apat in Thagau Thiengtho thau nuhna chuh na chang uh a, zieziekchun, na bawn un thudik chuh na he tau hi.

1 JOHAN 2:27

Nanguh vangin, Krista kawm apat thau nuhna chang na hiu kha. Zie Thagau Thiengtho chuh nangmau a a um sung cheng, kuomah hun sinsak ngai puon lau. Thagau Thiengtho chun bang cheng a hun sinsak a, thu dik lo hilo in, thudik tak a hun sinsak sek ziekin. Khutichun, Thagau hun sinsaknate chuh zawp unla, amah tawh pumkhat a um hiding na hiu hi.

1 JOHAN 4:6

Himahlele, eihaw Pathien a I hiu a, Pathien hete chun I thuu a ngaitha sek ui; Pathien a te lo chun I thuu a ngaitha sek puou hi. Ziehaw achun, thagau dik leh diklo I hekal uh ahi.

1 JOHAN 5:6

Ziehi ahi tui leh thisana hung chuh, Isu Krista ngêi chuh, tui mai in ahi puoh a, tui leh thisan in ahi zawi; hetpihtu chuh Thagau ahi.

THUPHUON 1:1

Isu Krista thuphuon dawk; Pathien in a sawntawlawite hetsak dinga a kawma a piek, thil hungtung vak zieng ding thute chuh ahi. Zie chuh a vânsâwlchâk sawl in, a sawntawlawi Johan a hun hetsak a,

THUPHUON 1:19

Khutichun, na thil muh sate leh, thil um laite leh, tunung a thil hung um dingte thu chuh zik ah.