JOHAN 16:10 - PATHIEN LEKHABU THIENGTHO (BSI)

¹⁰ Diktatna thu ale thiemmawh chang un au; Pa kawma chieh ding ka hi a, nangun nei muh kit tâk loh ding ziekun;

JOHAN 16:10 ပူးပေါင်းရင်းမြစ်များ

1 PETER 3:18

Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;

2 KORINTH 5:21

Amah a chuh, mi diktat I hung hih theihna dingun, gitloh himhim helo hiel pa chuh, Pathien in eimau haw ziekin, gilo in a siem ta ngâl a.

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”

1 KORINTH 1:30

Himahlele, nang haw vang chuh, amah zalin Krista tawh pumkhat in a hun siem a, amah chuh Pathien apat ei uh a ding a chitna, diktatna, thienthona leh tatdawkna dinga siem ahi.

NASEPTE 3:14

Mi thiengtho leh Diktat kha na deih puou a, himahleh, tuolthatpa khah na kawm u a a hun piek dawk na ngên zawu ahi kha.

GALATI 5:5

Ei uh vangin, Pathien Thagau thilhih theihna zâla taksan na’n, diktatna kinepna chuh I ngak ngâl u a.

ROME 1:17

Zie mah achun taksan zawk diekna’n Pathien diktatna chuh ahung kilang a, “Mi diktat chuh ginna’n hing ina” tih zik guol khan.

NASEPTE 17:31

Khutichun, khawvel pumpi, a mitelte manga vaihawmna dika thu a tan khumna ding chuh a guot ta a. Zie chuh, Pathien in, amah chuh mithi lak apat kaitho in, mi chengcheng kawmah a hetsak tai,” ti’n.

NASEPTE 7:52

Nanguh hun suonte’n, thiemgaute laka kuo a, a bawlsiet loh uh um? Mi Diktat hung ding thu hilhlawkte khah a that u a; zie Mi Diktat chuh matsakte leh thatte chuh nangmau hi na hiu apuo!

NASEPTE 2:32

Zie Isu chuh Pathien in thihna apat in a kaitho ngêi a, zie thudik hetpihte chuh I bawnchau hin I hiu ui.

JOHAN 5:32

Himahleh, ka chanchin hetsakpa chuh mi chuom ahi; amah chun ka chanchin a hetsak chuh a dik hi tih ka hêi.

JOHAN 3:14

Chun, Mosi’n thaleka dâkgûl a khaih kâng guol khan, Mihiem Chapa hile khaihkang a um ding ahi:

DANIEL 9:24

“Na mite leh na khawpi thiengtho hi gitlohna leh thil gilo apat a zalen taka a umna ding chun hapta sawmsagih hi ding ahi. Zie tieng chu leh gitlohna ngaihdam hi’n tin, vaihawmna dik chuh kumlekhuo a dinga sukdet hi’n tin. khutichun hilhlawkna thu leh kilâkna thu chuh hung tungkim intin; chuleh, Ho-In thiengtho chuh lat thak kit hi ta’n a.

ISAI 42:21

Lalpa chuh mi hukdam kal ngaklah Pathien a hi a, zieziekchun, a dante leh a thu sinsakte a chawisâng sek hi; a mite le ziehaw limbawl ding chun a deih hi.

JOHAN 7:33

Chun, Isu’n, “Na kawm u ah chawmkhat um tadih zet ing ka ting, ei sawl pa kawmah chieh ing ka.

JOHAN 16:5

Himahleh, tun vang chuh, ei sawlpa kawma chieh ding ka hii, na lak u a kuoma’n ka chiehna ding nei dawng puoh ngâl u a.

JOHAN 16:28

Kei Pa kawm apat a hung a, van nuoia hung ka hii; vannuoi taihsan a. Pa kawma chieh kit ding ka hii,” a ti a.