JOHAN 15:8 - PATHIEN LEKHABU THIENGTHO (BSI)

⁸ Zie vanga hi ka Pa le limbawla um ahi, tamtak a na gah u hin; khutichun, ka sinsakte hin lau.

JOHAN 15:8 ပူးပေါင်းရင်းမြစ်များ

JOHAN 8:31

Khutichun, Isu’n a gingcha Judate kawm achun, “Ka thu sinsakte na zuih tak tak u chun, ka sinsakte hi’n lau;

MATTHAI 5:16

Zie tawbang chun na vak u chuh mi mitmuh in vak hen; khutichun, na nasep phat teu chuh muu untin, na Pau van a um chuh pakcha thei un au.

PHILIPPI 1:11

Krista Ni a dinga chuh a tak tak leh sukkhelh bei na hih theihna dingun thil phapen chuh tel thei un lau.

JOHAN 15:5

“Kei grep gui chuh ka hi a, nang haw a bâk na hiu hi; kuole, keimah a um zinga, keile amah a ka um zing na chuh, zie mah chuh tamtakin a gah sek hi; keimah lo in bangmah na hih thei ngâl puou a.

1 PETER 4:11

Mi kuo’nle, thu a gen chun, Pathien thu bangin gen hen, mi kuo’nle a zenviel chun, Pathien in utna a piek dungzui in zenviel hen; khutichun, Isu Krista vangin Pathien chuh thil bangakai ah limbawl in um thei ina; lopina leh vaihawmna chuh kumkhuotuong in amah a ahi ngâl a. Amen.

JOHAN 13:35

Na kihehpih u chun, mi cheng chengin ka sinsakte na hiu hi tih, zie tak achun hun he’n au,” a ti a.

ISAI 60:21

Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.

1 KORINTH 10:31

Khutichun, na nek un le, na dâwn un le, na thilhih chengcheng u chuh, Pathien lopina ding ngenin hih un.

ISAI 61:3

Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

1 KORINTH 6:20

Nangmau a le na hi ta puou a, mana châwk na hi tau a puo; zieziekchun, na sapum leh na thagau chun Pathien limbawl un.

LUKE 6:35

Khutichu hilo in, na melmateu hehpih unla, a phatna dinguh hih unla, bangmah muh kit kinepna hilo in palâk sak un. Khutichun, kipahman tampi nei un na tin, Chungnung pên pa chate hin lau. Amah chuh mi kipahna zie helote chung leh mi gilote chuh a hehpih sek ngâla.

HAGGAI 1:8

Tuhin, tângah chieh to unla, thing va lau inla, Ho-In chuh sau in; tichun na chung u ah kipâk ing ka ting, chun, suklopi a um ding ka hi,Lalpa’n a tii.

1 PETER 2:12

Jentel te, laka na tawihzieu chuh kilawm tak hi hen, khutichun, thil gilo hihte guola a hun gensiet sek nau achun, na thilhih phat uh a muh hawu ziekin, veh a a um tieng u leh Pathien sulopi thei un au.

TITA 2:10

Chun, a thilhih teu a chuh, Pathien, I Hukdampau chanchin sinsakna lam thu a chuh minphatna a tun theihna dingin, phatna leh taksanumna chuh sulang zing zing zawu hen.

TITA 2:5

Chun, amah kithunun thiem leh thiengtho leh, a pasalteu thunuoi a kitulut a, a umdan him uh a Pathien zah mi, mi hêk hatte leh uain hehte hilo a, apha lam sinte hiding in tîl ah.

MATTHAI 5:44

Ken chuh ka hun hilh ahi: Na melmateu hehpih un la, a hun samsie te chuh paucham sak un la, a hun mudahte chuh bawlphau un la, bangmah a hun ngailote leh a hun sugimtheite chuh paucham sak un,

MATTHAI 9:8

Chun, mipite chun zie chuh a muh un a lau tau a, mihiemte kawma khutibang thuneihna pie Pathien chuh a pakcha tau a.