JOHAN 15:25 - PATHIEN LEKHABU THIENGTHO (BSI)

²⁵ Bang hitaleh, Dan Lehkhabu ah, ‘Amau haw’n bangmah a ziek dukdak um lo in ei hawu ahi,’ tih zik kha a hung guitun theihna dingin ti ahiu hi.

JOHAN 15:25 ပူးပေါင်းရင်းမြစ်များ

SAM LEHKHABU THE PSALMS 109:3

Hawtna thu’n ei um suok a, A ziek bei in ei do u a.

SAM LEHKHABU THE PSALMS 35:19

Ka melma hawu chun diklo takin ei eu kiu hen: Aziek beia ei mudah te chuh a mit un kiho zuol zuol kiu hen.

SAM LEHKHABU THE PSALMS 69:4

Aziek beia ei mudah haw chu ka sam zang sangin a tam u a Diklo taka ei do a ei sukmang guo te chu mihat tak ahiu: Khutichun, ka lak loh hiel chu ka ditkit dinga ahim?

SAM LEHKHABU THE PSALMS 7:4

Ka guolte chuh gitlohna a din ka hih chun. (ka melma chuh a ziek beia delh ka hih chun)

MATTHAI 10:8

Damlote sudam unla, mithite kaitho unla, phâkte suthieng unla, thitha haw delh dawk unla. Man beia na san u chuh man beiin pieu in.

LUKE 24:44

Ziephet chun, a kawm u ah, “Ziehaw hi, na kawm u a ka um lai ngeia ka thugen, Mosi dân ale, thiemgaute lehkhabu ale, Pahchakna Labu ale, ka chanchin kizikte cheng kha, hung guitung ding ahi, ka tih khah ahi,” a ti a.

JOHAN 10:34

Isu’n a kawm u ah, “Na Dan Lehkhabuu ah, ‘pathien haw na hiu ka tii,’ tih zik hilo ahim?

JOHAN 13:18

“Na bawn u a chung thu gen kei puoi, ka telte chuh ka hêi. Himahlele, ‘Ka chângthâk nekpihpa’n a khawtalzum ka chungah a lek tai,’ tih Pathien lehkha Thu kha a hung guitun theihna ding a hi.

JOHAN 19:36

Pathien Lehkha Thu a: “A guh khat chale sukbawt hi puo’n a,” tih tunna dingin zie thil haw chuh hung um ahi.

ROME 3:19

Khutichun, Dan in thil bang hitaleh a gen ta chuh, kam tin cheng a thip theihna ding leh khawvel pumpi Pathien masanga thiemloh a chan theihna dingin Dan thu thu a umte kawma a gen ahi tih I heu hi.

ROME 3:24

Himahlele, Pathien thilthawnpiek hehpihna ziekin Krista Isu a um tatna zalin a thawna thiemchan sak in I um tau.

2 KORINTH 11:7

Pathien Chanchin Pha na kawm u a ka gen phat leh, bangmah ka ngek sek puoh a; nang haw chawihsâna na um theihna dingun, keimah ka kingainiem zaw sek ahi kha. Aleh, zie chun thil ka hih diklo ahim leh?

GALATI 2:21

Pathien hehpihna chuh bangmah lo ka suoh sak puoh ngâl a. Himahleh, Dan thilhih zieka Pathien tawh kichama a um theih chun, Krista thihna chuh bangmahlo hi’n a.

2 THESSALONIKA 3:8

Kuomah khut apat, mawk in na chângthâk uh ka ne kha diek puou ui. Khutih malak in, na lak uh a kuomah ka sukgiksak lohna dingun, a sun a zan a gim taka nasem kawmin, ka nek zawk uh ahi kha.

THUPHUON 21:6

Chun, ka kawmah, “Hih zawh ahi tai! Kei Alpha leh Omega, a Bul leh a Tawp chuh ka hii. Dangchâk ta chengte kawm achun, Hinna tuikhuk a um, a thawn in pie’ng ka.

THUPHUON 22:17

Thagau leh mo chun, “Hung ah,” a tiu a. Kuole, a za ta cheng chun, “Hung ah,” tiu hen. Dangchâk ta cheng hung uh hen; a nuom ta chengin Hinna tui hi a thawn in hung kilak u hen.