JOHAN 15:20 - PATHIEN LEKHABU THIENGTHO (BSI)

²⁰ ‘Suok, a pu sangin a lopi puoi’ tih ka hun hilh na hi tau kha, hezing un. Amau in kei ei bawlsiet tâk u chun, nang haw le hun bawlsie’n au; ka thu a zawp tak u chun nang haw thu le zawp un au.

JOHAN 15:20 ပူးပေါင်းရင်းမြစ်များ

2 TIMOTHE 3:12

Ahi, kuole, Krista Isu tawh kipumkhata, Pathien khawksak a um guo chun, sukgimtheihna haw chuh thuok ina.

JOHAN 13:16

Tihtakzet, tihtakzet a ka hun hilh na hiu hi; suok, a pu sangin a lopi puoi; sawlchak le, a sawlpa sangin a lopi diek puoi.

MATTHAI 10:24

“Sinsak a sinsakpa chungah a um puoh a, suok le a pu chungah a um diek puoi.

EZEKIEL 3:7

Ahihziekin, Israel insung mite chun na thu gen chuh ngaitha puo’n au, kei ei ngaitha ding ahi puoh ngâl u a, Israel insung mite vang lochal tak leh luhlul tak tak ahi ngâl u a.

2 KORINTH 4:9

sukgimtheih in ka um u a, hilele, taihsan in ka um puou hi; khetpaih in ka um u a, hilele, sukmangthai in ka um puou hi.

1 KORINTH 4:12

Ka khut u a sem in ka gimthei u a; mi’n ei gaih tieng u leh, vangphat ka pie sek u a; mi’n ei sukgimtheih phat u leh, ka thuok hâm hâm sek u a;

JOHAN 8:51

Thudik tak ka hun hilh na hiu hi, kuo’nle, ka thu a zawp chun, thih ni mel mu puo’n a,” a ti a.

LUKE 6:40

Sinsak chuh a sinsakpa chungah a um puoi, himahlele, sinsak chun a zilna a zawh tieng leh sinsakpa guolin um ina.

1 THESSALONIKA 2:15

Ziete chun Lalpa Isu leh thiemgaute that in, keihaw le ei sugimthei u a. Pathien a sukipak puou a, mi chengcheng le a kikalhpih sek ui.

JOHAN 10:31

Ziephet chun, mipite chun a sehna dingin suong a luok kit u a.

JOHAN 11:57

Thiempu liente leh Pharisaite chun, Isu a mat theihna dingun, kuole, a umna he taphawt in amau chuh a hilh dinguh ahi ti’n thu a pie tau a.

JOHAN 8:59

Ziephet chun, a sehna dingin suong a luok u a, himahleh, Isu a kisel a, Pathien Ho-In apat chun a pawt a; a lak u chuh a hawh phei a, a chiehdawk ta a.

JOHAN 7:32

Chun, Pharisaite chun, Isu chung thu a mipite phun gukna thu haw chuh a heu a: tichun, thiempu liente leh Pharisaite chun a man dingin, mivengte a sawl tau a.

JOHAN 5:16

Khutichun, Chawlhni a zie sukdamna chuh a hih ziekin, Juda te chun Isu a bawlsie tau a.

LUKE 2:34

Khutichun, Simeon in amau chuh a vangsak a, a nu Mari kawmah, “Ngaiin, zie nausen hi Israel te laka mi tamtak pukna ding leh, dindawkna dinga guot ahi; melchikna haw niel dingin tawh,

1 SAMUEL 8:7

Tichun Samuel chu Lalpa kawmah a paucham a. Chun, Lalpa chun Samuel kawmah, “Mipite’n na kawma a gen chengcheng u chu ngaitha’n; nang hun deihlo ahi puou a, a chung u a leng dinga kei ei deihlo ahi zawu hi.

JOHAN 8:52

Chun, amau chun a kawmah, “Thitha vawp na hi tih tu’n ka he tau hi! Abraham a thi ta a, thiemgaute le a thi tau a, himahleh, nangin, kuo’nle, ka thu a zawp chun thihna mel mu puo’n au na ti nalai a.

NASEPTE 14:22

“Dahum tamtak thuokin, Pathien gam ah I lut ding him uh ahi,” ti’n, sinsakte haw lungthim a sudet u a, taksanna a chuh um zing dingin a tîl zel u a.

MARK 10:39

Amau chun a kawmah, “Thei e a,” a tiu a. Isu’n a kawm u ah, “Ka khawn dâwn ding chuh dâwn thei un na tin uh; ka baptistma chan ding le chang thei un lau.