JOHAN 15:19 - PATHIEN LEKHABU THIENGTHO (BSI)

¹⁹ Nang haw khawvel mi hi leu chin, khawvel in amah mite a hehpih ding a hii; khawvel a mi na hi ngâl puou a, khawvel a um, ka teldawk na hih zawk ziekun, khawvel in a hun hawt na hiu hi.

JOHAN 15:19 ပူးပေါင်းရင်းမြစ်များ

MATTHAI 10:22

Ka min ziekin mi chengcheng muhdah in um un na tin uh, himahlele a tâwp tienga thuok ngâp ta chuh, zie ngêi chuh hukdam in um ina.

MATTHAI 24:9

“Zie tieng chu leh gawtna thuok dingin hun matsak untin; hun that un tin uh ka min ziekin nam chengcheng muhdah hi’n lau.

LUKE 6:32

“Nanguh hun hehpihte mah na hehpih u hin, kipahman banga na muh dinguh? Mi gilote’n le amau hehpihte chuh a hehpih thuk sek uh a puo.

JOHAN 13:18

“Na bawn u a chung thu gen kei puoi, ka telte chuh ka hêi. Himahlele, ‘Ka chângthâk nekpihpa’n a khawtalzum ka chungah a lek tai,’ tih Pathien lehkha Thu kha a hung guitun theihna ding a hi.

JOHAN 15:16

Nangun nei tel puou a, ken ka hun tel zawk na hiu ui; chieh a, sawttak a um zing dinga tamtak a va gah dingin ka hun guot na hi ngâl u a. Khutichun, ka min a Pa kawma na nget tak uh hun pie zel ina.

JOHAN 6:70

Chun, Isu’n a kawmah, “Nanguh sawm le nih te hi, keimah tel hilo na hiu hi? Na lak u a khat Diabol a hih kit kit tawh!” a ti a.

JAKOB 4:4

Nanguh, mi ginumlote haw! Khawvel tawh kiguolchanna hi, Pathien melma hihna ahi tih helo na hiu hi? Zieziekchun, kuole, khawvel guol hih nuom ta chuh, Pathien melma a kisiem sek ahi.

1 PETER 4:3

Na hunteu chuh Jentel te nawp lam hihna’n leh, hûkna haw a le, sapum utna haw a le, uain hehna haw a le, zu mun lawpna a le, zu nekkhawmna a le, milim hona, muhdahum taka umna’n tuma cheng khah a hun tai!

1 JOHAN 3:12

Kain, migilo laka um, amah suohpih Abel thatpa guola khah um lo in. Bang zieka a thah ahi ta leh? Amah thil hihte a phatloh ziek leh, a suohpihpa thil hihte a phat ziek ahi.

THUPHUON 12:17

Khutichun, dragon chuh numei chung achun a lungna mah mah ta a, tichun, a suonte haw, Pathien thupiek haw zawp a, Isu hetpihna thu pawmte chuh do dingin a chiehdawk ta a.

THUPHUON 12:9

Chun, Dragon lien tak, gulpi têk, Diabol leh Setan a tih uh, khawvel pumpi thempa chuh a paih tha tau a. Tichun, amah leh a sawlchakte chuh leia paihthâk khawm in a um tau hi.