JOHAN 15:11 - PATHIEN LEKHABU THIENGTHO (BSI)

¹¹ “Ka kipahna nangmau a a um zing na’n leh, na kipah uh a bukimna’n zie thu haw hi na kawm u a ka gen ahi.

JOHAN 15:11 ပူးပေါင်းရင်းမြစ်များ

ISAI 53:11

A thuokgimna a beih tieng chuleh, kipahna hun nei intin, lung-awi ta’n tin, A thuokna chuh a thâwn ahi puoi tih hun he ta’n au. Ka suok diktak, a chunga ka kipahna mah mah pa chun mi tamtak dingin thuok intin, Amah min ziekin amau haw chuh ngaidam ing ka.

ISAI 62:4

“Hetngilh a um,” tih hita puo’n na tin; na gam chule “Suksieta um,” tih hi diek tapuo’n tin; Hebhzibah “Kipak taka kichênna,” tih hi zaw ta’n a. na gam chule Beulah tih hi’n a; Lalpa chuh na chungah a kipâk ta ngâl a, na gam a ding chun pasal hi ta’n a.

JEREMIA 32:41

Ahi, amau phatna ding hih chuh ka kipahlam hi’n tin, zie gam ahin ka lunggil chengcheng leh ka thagau chengcheng in phutdet ngêi ing ka.”

JEREMIA 33:9

Tichun, zie khawpi hi lei a mi chengcheng, amau a dinga thilpha ka bawl mu chengcheng te masang achun kei a dingin, lawpna te, limbawlna te, lopina te hi’n tin; phatna leh muonna a chung u a ka tunsak haw cheng ziekin lau in kilîng un au.”

ZEPHANIA 3:17

Lalpa na Pathien chun a hun umpih a; va thilhih theihna chun zawhna a hun piei. Lalpa chuh na chungah kipâk intin, a lungsietna chun hinna thak hun pie’n a.

LUKE 15:23

Chuleh, bâwngno thau tak kha hun lau inla, that unla, ne khawm hiting un kipâk takin um hitiu!

LUKE 15:32

Himahleh, zie na nau hi a thi sa, a hung hing kit ahi a, a mang sa, I muh kit uh ahi ta a, ziezieka chuh, kipâk tak leh lawp taka I um dinguh a puo!’” a ti a.

LUKE 15:5

Chun, na muh tieng u leh, lawp takin na liengko u ah na pu sek u a,

LUKE 15:9

Tichun, a muh kit tieng chu leh, a guolte leh a invengte sam khawm in tin, ‘Nei lawppih un, ka makhai mansak kha ka mu kit tai,’ ti’n a.

JOHAN 16:24

Tuchan hin, ka min in bangmah na ngên ngâl puou a; ngên un, tichun, hun pie’n a, na kipâk uh a bukim na dingin.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

JOHAN 17:13

Himahlele, tuhin, na kawma hung ding kei tai; ka kipahna amau a a bukim theihna dingin, zie thu te hi khawvel kawma ka gen ahi.

JOHAN 3:29

Moneipa chuh a pasal chuh ahi a, himahlele, pasalpa guolpa, din sa a a thu ngaitha pa chuh, pasal aw a het phat leh, a kipâk mah mah sek hi. Zie chuh ahi, keimah kipahna ngêi le, sukbukim a a um dân sek chuh.

ROME 15:13

Thagau thiengtho thilhih theihna zieka kinepna na hauh theihna dingun, kinepna Pathien chun, na ginchak ziekun, a kipakna leh chamna tin chengin hun hihdim hen.

2 KORINTH 1:24

Na taksan tei dinguh ahi ti a, na chung u a hun hih ka hi puou a; taksanna achun na ding det ui tih ka heu a. Nangmau mawng kipahna dingin. nang haw tawh sem khawm ka hi zawu hi.

EPHESI 5:18

Chun, uain kham in um kiu inla, zie tak a chun kidêklohna a um ngâl a; Thagau a dim in um zawu in.

PHILIPPI 1:25

Zie chuh ka kimuonpih ziekin um zing ding ka hi tih ka hêi, taksanna achun na hung khantoh theihna dingun leh na kipakna dingun na bawnchau a kawmah um zing ing ka tih ka he a,

1 THESSALONIKA 5:16

Kipak zing un la;

1 PETER 1:8

Amah chuh, mu khalo mah leu chin le na hehpih uh a, amah chuh tuhin mulo mahleu chin le, na taksang uh a, khutichun, kipahna nasatak leh lopi tak, thu maia gen theih loh chun na lawp uh a;

1 JOHAN 1:4

Ka lawp uh a bukim theihna dingin, zie thu haw hi na kawm u ah ka hun zikuh ahi.

2 JOHAN 1:12

Na kawm u ah thu tamtak gen ding ka neih ziekin, lehkha leh lehkhatui maia zik ka nuom puoi; ka lawp uh a bukim theihna dingin, na kawmuh a hung a, kimaichangtuoh a holim ka kinep zawk ahi.