JOHAN 14:9 - PATHIEN LEKHABU THIENGTHO (BSI)

⁹ Isu’n a kawmah, “Philip, chanpi hi na kawmah ka um a, khutisa chun le nei he puo maw? Kuole, ei mu chuh Pa mu a hii. ‘Pa chuh kei u le nei muh sak ah’ bangti tih a na tih ahi?

JOHAN 14:9 ပူးပေါင်းရင်းမြစ်များ

THILSIEMBUL 26:9

Tichun Abimelek in Isak chuh a sama, “Na zi ngêi ahi hi la: bangati a ‘Ka suohpihnu ahi,’ na tih mai a?” a ti a. Isak chun a kawmah, “Amah ziekin thi kha’ng ka tih ka lauh ziek ahi,” a ti a.

SAM LEHKHABU THE PSALMS 11:1

Lalpa achun ka ginna ka nga sek a: Bangti dana ka hinna kawm ahin: “Tang lam a chun, vacha bangin lengmang un.

JEREMIA 2:23

Ka kisubuok puoh a, Baal pathien le ka delh puoi, bang ti a ti thei na him? Phaicham a na nung chang chuh en inla, na thilhih sa haw chuh kihet in. Sangawngsau tuoi hûk tai viel viel tawbang phet na hi.

MARK 9:19

Ziephet chun, Isu’n a kawm u ah, “Aw khangthak taksanna nei lote haw, bang chana na kawm u a ka um a, bang chana ka hun hungaih theih ding? amah chuh ka kawmah hun pui un,” a ti a.

LUKE 12:56

Nang haw, mi gukhahte haw! lei leh van en in, khuo umdan na he chien thiem ngâl u a, bang zieka tulai thil hi hechien thiem lo?

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOHAN 10:30

Kei leh ka Pa chuh pumkhat ka hi ngâl u a,” ti’n a dâwng a.

JOHAN 12:45

Kuole, ei mu chuh ei sawlpa mu ahi.

JOHAN 14:20

Zie ni tieng chu leh, Kei pa a ka um leh, Kei nangmau a ka um guolin, keimah ah na um ui tih hun he’n lau.

JOHAN 14:7

Kei nei he leu chin, ka Pa le he ding na hi tau a; tu’n amah na he tau a, amah na mu ta ngâl u a,” a ti a.

JOHAN 8:19

Amau chun a kawmah, “Na pa hawitak a um a?” ti’n a dawng u a. Isu’n a dâwng a, “Nang un kei nei he puou a, ka Pa le na he diek puou; Kei nei het u chun, ka Pa le he’n lau,” a ti a.

1 KORINTH 15:12

Ka thugen u chuh, Krista mithi lak apat a tho kit hi, tih a hih ngâl chun, bangti dana, na lak uh a mi khenkhat in, “Mithi thawhkitna a um puoi,” na tih uh a?

PHILIPPI 2:6

Amah vang chun Pathien banga um a, Pathien tuka um chuh thil thaklah theih in a ngai puoh a.

KOLOSSA 1:15

Krista chuh muh theih loh Pathien lim, thilsiem dang cheng sanga chungnung a, chapa pieng masapen chuh ahi.

HEBRAI 1:3

Amah chuh Pathien lopina eng leh, Pathien hihna kibatpih ngêi, a thu thilhih thei taka bangakai vawp det pa chuh ahi. Mi chengcheng dinga gitloh ngaihdamna a siem nung in, van a, Pathien Bangakai hihtheipa khut changlam akhun a va chu ta a.

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.