JOHAN 14:6 - PATHIEN LEKHABU THIENGTHO (BSI)

⁶ Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 14:6 ပူးပေါင်းရင်းမြစ်များ

NASEPTE 4:12

Mi dang kuomah kawmah hukdamna a um puoi; van khupsin nuoi ah, mihiem sak lak ah, ei hukdam ding min dang himhim a um puoi,” a ti a.

JOHAN 10:9

Kei kawtkhak chuh ka hi. Kuole, keimah a lut ta chuh, humbit in um intin, lut in pawt intin, nek ding le kimuh ina.

EPHESI 2:18

Chun, Krista ziek mai in ahi, I bawn u a, Juda le, Jentel le, Thagau munkhata Pa kawma lut theihna I neih chiet tak uh hi.

JOHAN 1:4

Amah achun hinna a um, zie hinna chuh mihiemte vak ahi.

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOHAN 1:17

Dan thu chuh Mosi’n a pie a, himahleh, lungsietna leh thutak, Isu Krista vangin a hung um hi.

HEBRAI 7:25

Zieziekchun, amah zieka Pathien kawma hungte chuh a tâwp chanin a hukdam thei a, amau haw sik gensak dinga kumkhuo a a hin zing ziekin.

JOHAN 8:32

tichun, thutak hun heu in na tin uh, Thutak chun suok hun haihsak ina,” a ti a.

1 PETER 3:18

Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;

JOHAN 5:21

Pa’n mi thite a kai tho a, a hih hin sek guolin, Chapa’n le a ut ta poh a hih hing sek.

2 JOHAN 1:9

Kuole, Krista sinsakna thu a um zing lo a, chieh khel chun, Pathien a nei puoi. Kuole, zie sinsakna thu a um zing vang chun. Pa leh Chapa chuh a neih thuoh ahi tai.

THUPHUON 20:15

Kuo min hitaleh, Hinna Lehkhabu a kizik a muh loh phawt u chuh, meidil achun a paih lut tau hi.

JOHAN 15:1

“Kei Grep gui taktak chuh ka hii, ka Pa a huon ngakpa ahi.

MATTHAI 11:27

“Ka pa’n thil chengcheng ei vawp sak tai; Pa tello in kuoma’n Chapa hi a he puoi; Chapa leh, a kawm u a Chapa’n a phuon nawpna te tihloh chun kuoma’n Pa chuh a he puoi.

JOHAN 6:51

Kei hi, van apana chângthâk hing hung suk chuh ka hi, kuo’n le zie chângthâk hi a nek chun, kumsawt in hing zing in a, khawvel hinna dinga chângthâk ka piek ding chuh, ka phehlevo hih ahi.” a ti a.

THUPHUON 22:17

Thagau leh mo chun, “Hung ah,” a tiu a. Kuole, a za ta cheng chun, “Hung ah,” tiu hen. Dangchâk ta cheng hung uh hen; a nuom ta chengin Hinna tui hi a thawn in hung kilak u hen.

JOHAN 8:51

Thudik tak ka hun hilh na hiu hi, kuo’nle, ka thu a zawp chun, thih ni mel mu puo’n a,” a ti a.

1 JOHAN 2:23

Kuole, Chapa kilepsan chun Pa le a pawm diek puoi; Chapa awite vang chun, Pa le a pawm ahi.

JOHAN 10:28

Amau haw chuh kumkhuo a hinna ka pie a, thi ngei ta puo’n au. Kuoma’n ka khut apat ei chuhthâk sak ta puo’n au.

JOHAN 18:37

Chun, Pilate in a kawmah, “A leh, leng hilo na hi?” a ti a. Isu’n, “Hi e, leng ka hi a puo! Thutak hetsak hi ka pien lawh leh, khawvel a ka hung lawh ahi. Kuole, thutaka um ta poh in ka thu a pawm sek ui,” a ti a.

JOHAN 6:33

Pathien chângthâk piek chuh, van apana hung suk, vannuoi leisiet kawma hinna piepa hi ahi,” a ti a.

JOHAN 14:19

Chawmkhat hal leh, khawvel in ei mu kit ta puo’n au; himahlele, nang u vang in chuh ei mu’n lau; keimah ka hin ziekin, nang haw le hing un lau.

JOHAN 6:57

Pa hing chun ei sawl a, Pa vanga hing ka hih guol mah hin. Zieziekchun, kuole, kei ei ne chuh keimah vangin amah le hing ina.

1 PETER 2:4

Lalpa, Suong Hing, mihiemte’n thil manloh banga a nawlh uh, Pathien ngaih a vang chuh ten dawk leh lul tak kawm achun hung un.

JOHAN 10:7

Khutichun, Isu’n a kawm u ah a gen kit a, “Tihtakzet, tihtakzet in ka hilh na hiu hi: Kei hi belam kawtkhak chuh ka hii.

ROME 5:2

Amah ziek mah chun, zie lungsietna a I din detnau ahin, taksanna’n I lut tau a; Pathien lopina kinem in kipâkin um hitiu.

KOLOSSA 3:4

Krista a na hinnau tak tak chuh a hung kiphuon tieng leh, nanguh le amah kawmah lopi takin kiphuong ta’n lau.

1 KORINTH 15:45

Zieziekchun, Pathien Lehkhabu’n, “Mihing masapen Adam chuh, hinna nei a siem in a um hi,” ti a a gen chuh; Adam nunung zaw chuh hinna piepa thagau chuh ahi.

1 JOHAN 1:8

“Gitloh ka nei puoi,” I tih uh chun, eimau leh eimau kithem I hiu a, thutak chuh eimau ah a um lo ahi.

JOHAN 6:68

Simon Peter in a kawmah, “Lalpa, kuo kawma e ka chieh dinguh? Nangin kumsawt hinna na nei a puo!

ROME 5:21

Gitlohna’n thihna a vai a hawm guol mah in, lungsietna chun diktatna’n, kumkhuo hinna chan theihna khawp in I Lalpau Isu Krista zal chun vai a hawm tai.

THUPHUON 1:5

Isu Krista, thu hetpih taksanum tak, mithi lak apat a kaihthawh a um masapen ding pa leh, leia lengte vaihawmpa kawm apan chun A lungsietna leh chamna na kawm u ah um hen. Ama’n ei hehpih a, a thisan in I gitlohnau apat ei tandawk a,

1 PETER 1:21

Amah vanga, thihna apat kaithopa leh, lopina a puilutpa Pathien taksangte na hiu a; khutichun, na taksannau leh kinepnau chuh Pathien ah, sukdet a um ahi tai.

THUPHUON 19:11

Chun, van kihawng ka mu a; ngaitie! sakawl kâng leh, a chunga chu, “Taksanum leh Diktak,” a tih uh chule ka mu a; amah chun diktat takin vai a hawm a, a do sek hi.

KOLOSSA 2:9

Pathien hihna bukim chuh Krista mihinna achun a um ngâl a.

1 JOHAN 5:6

Ziehi ahi tui leh thisana hung chuh, Isu Krista ngêi chuh, tui mai in ahi puoh a, tui leh thisan in ahi zawi; hetpihtu chuh Thagau ahi.

THUPHUON 3:14

“Chun, Laodikei khuo a sapchuom haw lawi vânsâwlchâk kawm achun hiti hin zik ah: “Amen, taksanum leh hetpih dik, Pathien thilsiem haw bul khan, zie thu haw hi a gen ahi;

KOLOSSA 2:17

Ziehaw chuh tunung a thil hungtung dingte lim mai a hii, a tak vang chuh Krista ahi.

THUPHUON 3:7

“Chun, Philadelphia khuo a sapchuom haw lawi vânsâwlchâk kawm achun hiti hin zik ah: “Mi thiengthopa, mi dik pa, David chabi neipa, kuomah khâk loh dinga hawng a, kuomah hawn loh dinga khakpa khan, zie thu haw hi a gen a hii:

NASEPTE 3:15

Hinna Siempa chuh na that u a; himahlele, Pathien in amah chuh mithi lak apat a kaitho kit a, zie chuh a hetpihte ka hiu hi.

THUPHUON 22:1

Chun, amah chun hinna luipi chîm tak, krustal suong tawbanga val, Pathien leh Belam No Lalchutphah apat hung luong dawk chuh ei etsak a.

HEBRAI 9:8

Zie thil haw kiguon dân chuh, Puon-In tuohtil a nasepna chuh a din lai chengin, Mun Thiengthopen lampi chuh a kilang tadih puoi, tih Thagau Thiengtho in kichien takin a gen a.

ROME 15:16

Nanguh hun hetsak kitna dingin, thu khenkhat khat chuh hangsan taka ka hun zik ahi. Jentel te chuh Pathien kawma sukthientho, Thagau thiengtho zâla amah a kipumpiek mi a hih theihna dingun, thiempu nasep guolin, Pathien Chanchin Pha chuh a kawm u ah ka gen ahi.

NASEPTE 9:2

Chun, Damaska khuo a kikhawpna In cheng chenga mihaw kawma piek dingin lehkha a ngên a, ti a chu, mi kuole, Lalpa Lampi zuia pang a muh chun, numei hileh, pasal hileh, Jerusalem khuo a kansa a a hun puih theihna dingin.