JOHAN 14:28 - PATHIEN LEKHABU THIENGTHO (BSI)

²⁸ Na lunggil uh lunggim kiheh, lauh le lau kiheh. ‘Chieh mang ding ka hi a, na kawm u ah hungkit ing ka,’ ka hun tih khah na he tau kha. Nangun nei hehpih hi leu chin. Pa kawma ka chieh ding ziekin kipâk ding na hiu a, Pa chuh keimah sangin a lopi zaw ngâl a.

JOHAN 14:28 ပူးပေါင်းရင်းမြစ်များ

SAM LEHKHABU THE PSALMS 68:18

Nang chuh tâng chunglam ah na kalto ta a, sala matte chu na pui a; Mihiem te apat chun thilpiek le na changa, Ahi, Lalpa Pathien kalh a helte chu a kawm u ah a um ui.

SAM LEHKHABU THE PSALMS 68:9

Aw Pathien nang chun guoh tampi na zuk saka, Na goluoh ding a chauh lai in na pie kita.

ISAI 42:1

“Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

ISAI 53:11

A thuokgimna a beih tieng chuleh, kipahna hun nei intin, lung-awi ta’n tin, A thuokna chuh a thâwn ahi puoi tih hun he ta’n au. Ka suok diktak, a chunga ka kipahna mah mah pa chun mi tamtak dingin thuok intin, Amah min ziekin amau haw chuh ngaidam ing ka.

MATTHAI 12:18

“Entie, keimah tel ngêi ka suok, Ka deih tak, a chunga ka lungkimna mah mah hi; A chungah ka thagau kawih ing ka ting, Tichun, Jentel te kawmah vaihawmna dik phuong ina.

JOHAN 10:38

Amahvang chuh, sem ka hih chun, kei ei gingcha kileu chin le, nasephaw bêk hi gingchau in; Pa, keimah ah a um hi tih leh, Kei, Pa ah ka um hi tih na het u a, na ginchak theih na dingun,” ti’n a dâwng a.

JOHAN 13:16

Tihtakzet, tihtakzet a ka hun hilh na hiu hi; suok, a pu sangin a lopi puoi; sawlchak le, a sawlpa sangin a lopi diek puoi.

JOHAN 14:12

Tihtakzet, tihtakzet a ka hilh na hiu hi, kuole, ei gingcha chun, thil ka hih haw hi, ama’n le hih ina; ziehaw sanga thil lopi zaw hile hun hih ina, Pa kawma chieh ding ka hih ziekin.

JOHAN 14:18

“Thawmhau in nanguh hun nusieh puo’ng ka; na kawm u ah hungkit ing ka.

JOHAN 16:7

Himahlele, thudik tak ka hun hilh na hiu hi, ka chieh nang u dingin a phai; ka chieh loh chun Lungmuonpa chuh na kawm u a hung lo ding ahi ngâl a. Himahlele, ka chieh chun, nang haw kawma hun sawl ding ka hi.

JOHAN 20:17

Isu’n a kawmah, “Ei tu kih, tu tieng hin le ka Pa kawma kal to nailo ka hi. Himahlele, ka suohpihte kawmah va chieh inla, a kawm u ah, ‘Ka Pa, na Pau, ka Pathien leh na Pathien uh kawma kal to ding ka hi,’ a tii, va tih,” a ti a.

JOHAN 20:21

Isu’n a kawm u ah, “Na chungu ah lungmuonna um hen. Pa’n ei sawl guolin ka sawl na hiu hi,” a ti kit a.

JOHAN 5:18

Zie thu a gen ziek chun Judate chun suklup a guo zaw diek tau a; Chawlhni a bawhsiet ziek mai le hilo in, Pathien amah pa a a gen ziek leh, Pathien tuka a kisiem ziekin le ahi.

JOHAN 7:33

Chun, Isu’n, “Na kawm u ah chawmkhat um tadih zet ing ka ting, ei sawl pa kawmah chieh ing ka.

1 KORINTH 11:3

Amahvang chuh, Pasal taphawt luchang chuh Krista ahi a, numei taphawt luchang chuh pasal ahi a, Krista luchang chuh Pathien ahi, tih na hetuh ka nuom hi.

1 PETER 1:8

Amah chuh, mu khalo mah leu chin le na hehpih uh a, amah chuh tuhin mulo mahleu chin le, na taksang uh a, khutichun, kipahna nasatak leh lopi tak, thu maia gen theih loh chun na lawp uh a;

THUPHUON 1:11

“Na thil muh ding chuh. lehkhabu ah zik inla, sapchuom haw lawi sagih, Ephesi khuo te, Smurna khuo te, Pergamos khuo te, Thuatira khuo te, Sardis khuo te, Philadelphia khuo te leh Laodikei khuo haw achun thâk ah,” a tih ka za a.