JOHAN 14:26 - PATHIEN LEKHABU THIENGTHO (BSI)

²⁶ Chun, Lungmuonpa Thagau Thiengtho, Pa’n, ka min a a hun sawl ding khan, zie chun bangakai nanguh hun sinsak intin, na kawm u a ka gen chengcheng kha hun het dawk sak kit ina.

JOHAN 14:26 ပူးပေါင်းရင်းမြစ်များ

SAM LEHKHABU THE PSALMS 51:11

Na kienga kipat hin ei paihmang ki’n la, Na thagau thiengtho hi ei lâksak ki’n.

ISAI 54:13

Na chate cheng chuh Lalpa’n sinsak intin, na chate hauhsakna chuh lopi tak hung hi’n a.

ISAI 63:10

himahleh, a chungah a kiphin uh a, lungkhamna’n a tunkhum sek uh ahi. Zieziekchun, a chungu ah Lalpa a lungna ta a, amau haw chuh a do ta a.

MATTHAI 1:18

Isu Krista hung pien zie chuh hiti hi ahi: A nu Mari chuh Joseph tawh kihuol ahiu a, himahlele a kichên mau in Thagau thiengtho in a gaihsak hi tih het a hung hi ta a.

MATTHAI 1:20

Himahlele zie thu haw chuh a ngaihtuoh lai in ngaitie, a mang in Lalpa Vânsâwlchâk a kawmah a hung kilak a, a kawmah, “Joseph, nang David chapa, na zi Mari chuh kichênpih lau kih, a nauvawp chuh Thagau thiengtho apat ahi.

MATTHAI 28:19

Khutichun, chieh un la, namtina mi sinsak in siem un la, Pa leh Chapa leh Thagau thiengtho min chun baptist un la;

MATTHAI 3:11

Ken chuh na lunghei ui tih suklatna’n tui in ka hun baptist sek a, ka nunga hung ding pa hin chuh Thagau thiengtho leh mei in hun baptist ding ahi. Kei sangin a lopi zaw a, a kengtawbek khau phel hâwi le ka hi puoi.

MARK 12:36

Thagau Thiengtho hatkhum in David ngêi chun: ‘Lalpa chun ka Lalpa kawmah, Na melmate na kêngpêk nuoia ka kawih masang sieh ka changlam ah chu’n,’ a ti ngâl a.

MARK 13:11

Chuleh, a hun mat u a, vaihawmna In a a hun puih hun u leh, bang ka gen die aw ti’n ngaihtuoh khawl kiu in, a hun taka hung kipie chuh gen zawu un. A gen ding chuh nanguh hilo in, Thagau Thiengtho hi zaw ding ahi ngâl a.

LUKE 1:15

Lalpa mitmuh in milien hi’n tin, uain leh zu himhim dâwn puo’n a. A nu sunga kipatin Thagau thiengtho in dim ina,

LUKE 1:35

Vânsâwlchâk chun a dâwng a, a kawmah, “Thagau Thiengtho na chungah hungtung intin, Pathien thilhih theihna chuh na chungah um intin, zieziekchun, nau thiengtho hung pieng ding chule Pathien Chapa ti’n au.

LUKE 1:41

Chun, tihi ahi a, Elizabet in Mari hopih chuh a het phetin, a gil sunga nausen chuh a hung tawi a. Tichun, Elizabet chuh Thagau Thieng tho in a dim a;

LUKE 1:67

Chun, a pa Zakaria chuh Thagau Thiengtho in a hung dim ta a, tichun, Pathien thu a hun gen ta a:

LUKE 11:13

Zieziekchun, nang haw migilo bawnin, na chateu thilpha piekna chang na het u chun, na Pau van a um chun a ngente chuh Thagau Thiengtho a pie na lâwm lâwm ding e!” a ti a.

LUKE 2:25

Chun, ngaitie, zielai chun mi khat, Simeon kiti chuh Jerusalem achun a cheng a. Zie pa chuh mi takkhan tak leh, Pathien ngaihsak tak ahi a, Israel te lungmuontu ding chuh ngak in a na um zing a. Thagau Thiengtho in a umpih zing a,

LUKE 24:49

Chun, ngaitiem u, Pa thil tiem chuh na chung u hun sawl ding ka hi; himahleh, chunglam apat a thilhih theihna’n a hun thuom masang sieh chuh, khawpi ahin um zingun” a ti a.

LUKE 3:22

tichun, Thagau Thiengtho chuh taksa pu’n, vakhu guolin a chungah a hung kum suk ta a. Tichun, van apat in aw a hung pawt a: “Nang ka Chapa deih tak na hi, na chungah ka kipâk mah mah hi,” a hun ti a.

JOHAN 1:33

Amah chuh ka he nai diek puoh a, himahlele, tuia baptist dinga ei sawlpa khan ka kawmah, ‘Kuo chung hita leh, Thagau zu chu a, a chunga um zing na muh ta, amah chuh Thagau Thiengtho a baptist ding chuh hi’n a,’ ei ti a.

JOHAN 12:16

Ziehaw chuh, a tûngin a sinsakte’n a he puou a; himahlele, Isu limbawla a um nung leh, a chanchin ah zie thu haw chuh zik a hii tih leh, a chungah ziehaw chuh a na hih nau hi tih a na he tau hi.

JOHAN 14:16

Tichun, Pa kawmah ngên ing ka ting, ama’n Lungmuonpa dang nanguh hun pie’n a, kumkhuo a na kawm u a um dingin.

JOHAN 14:25

“Na kawm u a ka um pêt hin, zie thu haw hi ka hun hilh na hiu hi.

JOHAN 15:26

“Chun, Pa kawm apat Lungmuonpa na kawm u a ka hun sawl ding chuh, Pathien chanchin diktak phuongdawk sek, Thagau chuh a hii. Amah chuh Pa kawm apat ka hun sawl ahi a, amah chun ka chanchin hun hetsak ina.

JOHAN 16:7

Himahlele, thudik tak ka hun hilh na hiu hi, ka chieh nang u dingin a phai; ka chieh loh chun Lungmuonpa chuh na kawm u a hung lo ding ahi ngâl a. Himahlele, ka chieh chun, nang haw kawma hun sawl ding ka hi.

JOHAN 2:22

Zieziekchun, mithi lak apat a thawh kitin, zie thu chuh a na gen tai tih, a sinsakte’n a he kit tau a; tichun, Pathien lehkha thu leh Isu thugen chuh a gingcha tau hi.

JOHAN 20:22

Zie thu haw chuh a gen zawhin, a chungu ah a hatkhum a, a kawm u ah, “Thagau Thiengtho nei un.

JOHAN 6:45

Thiemgaute’n, ‘Mi tin chuh, Pathien sinsak in um vek un au,’ ti’n a zikuh ahi. Kuole, Pa thu he a, sin ta chuh, ka kawmah a hung sek ui.

JOHAN 7:39

Isu’n, zie thu haw chuh, a gingchate’n Thagau a muhna ding thuu a genna ahi. Thagau chuh piek a hi tadih puou, Isu chuh lopina a kaihthawh a a um nai loh ziekin.

NASEPTE 1:2

Thagau Thiengtho thilhih theihna a, a sawlchak telte kawma thu a pieka, van a puih toh a a um ni geia thu khah.

NASEPTE 1:4

A kawm u a a um sung chun, hiti hin thu a pie a: “Jerusalem khuo taihsan kiu inla, Pa thil tiem, na kawm u a ka gen kha na ngak zing un.

NASEPTE 1:8

Himahlele, Thagau Thiengtho chuh na chung u a a hungtun tieng leh, thilhih theihna hun nei unlau, tichun, Jerusalem khuo ale, Judea leh Samari gam khuo tin ale, kâwlmawng tiengin ka thu hetpihte hi’n lau,” a ti a.

NASEPTE 11:16

Chuleh, Lalpa thu gen: ‘Johan in tui in mi a baptist sek kha; himahleh, nang haw vang chuh, Thagau Thiengtho in Baptistma hung chang unlau,’ a tih haw khah ka hezing a.

NASEPTE 13:2

Lalpa a zenviel u a, an a ngawlh lai un, Thagau Thiengtho in, “Barnabas leh Saul hi, ka sap lawh pên hih dingin ei guot chuom sak un,” a ti a.

NASEPTE 13:4

Khutichun, Thagau Thiengtho sawl dawkin a chieh u a, Selukai khuo ah a chieh suk u a, tak apat chuh Kupra tuikuol ah kuong in a chieh u a.

NASEPTE 15:28

Thagau Thiengtho leh kei hawn, zie thu pawimawh cheng tihloh ahin, puokgik dang na chungu ah nga dah leuhing pha ka sau hi:

NASEPTE 15:8

Chun, Pathien, mitin lunggil he pa chun, ei uh ei piek guol khan, Thagau Thiengtho chuh amau haw kawm ale pien, a chungu ah a kipâk hi tih a hetsak a.

NASEPTE 16:6

Chun, Thagau Thiengtho in Asia gama thugen a khap ziekin Phrugia leh Galati gam chuh a fang suok tau a,

NASEPTE 2:33

Pathien khut changlam ah limbawl in a um ta a, Thagau Thiengtho tiem chuh Pa kawm apat a mu a, na muh u leh, na het u hi a hun sunthak ahi.

NASEPTE 2:4

A bawn un Thagau Thiengtho in a dim vek tau a, Thagau in a pau sak guol zelin, pau zatchuom in a hung pau tau a.

NASEPTE 20:28

Pathien sapchuom haw, amah thisan a a châwkte chuh vak dingin, nangmau haw leh na belam hawnteu chung achun chingthei un, Thagau Thiengtho in amau haw enkawl dinga a hun siem na hiu hi.

NASEPTE 20:35

Thil cheng chengah, zie tawbanga hi nasa taka nasem in na zuih dingun ka hun tatmuh sek na hiu kha, Lalpa Isu thu hezing kawmin mi hatlote na panpih dinguh ahi; amah ngêi in, ‘Lak sangin piek in lukhawng a nei zawi,’ a tih kha,” a ti a.

NASEPTE 28:25

Tichun, Paul in zie thu khat hi a gen zawhin, amau haw lak ngeia kituok lohna um in, a chieh dawk san tau hi: “Thagau Thiengtho in Thiemgau Isai kama, nanguh hun suonte kawma a gen khah a dik mah mah hi!

NASEPTE 5:3

Himahlele, Peter in, “Ananias. Thagau Thiengtho thêm ding leh, lei man abang îm dingin, bangati a Setan in na lunggil a sukdim a?

NASEPTE 7:51

“Mi genhak, lunggil leh bil tan lohte haw! kumkhuo’n Thagau Thiengtho chuh na dodal zing u a; nanguh hun suonte hih guol zel khan na hih sek uh ahi.

NASEPTE 7:55

Himahleh, amah chuh Thagau Thiengtho a dim a hi a, van lam a en chak kêi a, Pathien lopi zie leh, Pathien chang lama Isu ding a mu a.

ROME 14:17

Pathien gam chuh nek le châk lam thu ahi puoh a, diktatna leh chamna leh, Thagau thiengtho akipahna haw ahi zaw ngâl a.

ROME 15:13

Thagau thiengtho thilhih theihna zieka kinepna na hauh theihna dingun, kinepna Pathien chun, na ginchak ziekun, a kipakna leh chamna tin chengin hun hihdim hen.

ROME 15:16

Nanguh hun hetsak kitna dingin, thu khenkhat khat chuh hangsan taka ka hun zik ahi. Jentel te chuh Pathien kawma sukthientho, Thagau thiengtho zâla amah a kipumpiek mi a hih theihna dingun, thiempu nasep guolin, Pathien Chanchin Pha chuh a kawm u ah ka gen ahi.

ROME 5:5

Thagau thiengtho I kawm u a ei piek khan, Pathien hehpihna chuh I lunggil u a a sunthak tâk ziekin, zie kinepna chun ei sulungkham puoi.

1 KORINTH 12:3

Zieziekchun, kuole, Pathien Thagau puih a um ta chun, “Isu chuh hansie dawl ahi,” a ti ngei puou a; kuole, Thagau Thiengtho puih a um lo chun, “Isu chuh Lalpa ahi,” a ti thei diek puou ui, tih na hetuh ka nuom hi.

1 KORINTH 6:19

Ahih leh, na sapum u chuh, na sung u a um, Pathien kawm apat na muh uh, Thagau thiengtho In ahi tih helo na hiu hi leh?

2 KORINTH 13:14

Lalpa Isu Krista lungsietna te, Pathien hehpihna te leh, Thagau Thiengtho kivawppihna te chuh na bawn uh a chungah um hen. Amen.

2 KORINTH 6:6

Keimau mawng in Pathien zenviel te ka hihnau chuh, thienthona te, hetna te, thawkhatna te leh nunnemna te chun ka sulang sek ui. Thagau thiengtho leh lungsietna diktak leh,

EPHESI 1:13

Nang u le, hukdamna a hun pui, Chanchin pha thudik na zak u khan Pathien mite na hi tau kha. Krista na gingchau a, chun, Pathien in amah a na hih uh etsakna dingin, thagau Thiengtho a tiem ngeia chuh mawhuol nam khum na hi tau hi.

EPHESI 1:17

chun, I Lalpau Isu Krista, Pa lopitak kawm achun, amah na kawmuh a a hung kilak a, na het theihna dingun, chitna thagau hun pie dingin ka ngên sek hi.

EPHESI 4:30

Chun, Pathien Thagau Thiengtho chuh sulungkham kiu in, tatna ni tienga dingin amah a chuh mawhuol kinam na hi ngâl u a.

1 THESSALONIKA 4:8

Zieziekchun, kuole zie sinsakna thu khawksalo pa chun, mihiem khawksalo ahi puoh a, Pathien, a Thagau Thiengtho nanguh hun piepa khawksalo ahi zawi.

2 TIMOTHE 1:14

Eimau a um, Thagau Thiengtho thilhih theihna zal chun, na kawma vawp saka um kha vawppha ta’n.

TITA 3:5

ei uh ei hukdam ta a. Zie chuh eimau mawng in thil I hih phat ziekuh hilo in, himahleh, amah mawng hehpihna chun, Thagau Thiengtho a pienthakna leh hinna thak a chuh ei sil in, ei hukdam I hi tau hi.

HEBRAI 10:15

Chun, Thagau Thiengtho chun le ei hetpih a:

HEBRAI 2:4

Chun, Pathien ngêi inle, melchikna leh thilmak tamtak te hihin, amah deih dungzuia Thagau Thiengtho thilpiek tawh amau haw chuh a hetpih a.

HEBRAI 3:7

Khutichun, Thagau Thiengtho gen guol mah in, “Tuni a aw na zak u chun,

HEBRAI 9:8

Zie thil haw kiguon dân chuh, Puon-In tuohtil a nasepna chuh a din lai chengin, Mun Thiengthopen lampi chuh a kilang tadih puoi, tih Thagau Thiengtho in kichien takin a gen a.

1 PETER 1:12

Zie thu haw chuh, amau haw phatchuomna ding hilo in, nangmau haw mawng phatchuomna ding ahi zawi tih, Pathien in thiemgaute kawm achun a hetsak tai; zie thu haw chuh, van apat a sawl dawk, Thagau Thiengtho thilhih theihna’n, nanguh Chanchin Pha hun hilhpa khan a hun hilh na hi tau hi. Zie thil haw chuh ahi, vânsâwlchâkte nasan inle hêtchet a nawp sek uh khah.

2 PETER 1:21

Hilhlawkna thu himhim hi, mihiemte deihna a pawt ahi puoh a, Pathien mi thiengtho te’n Thagau Thiengtho puihhuoi bang zela ahun gen sek uh ahi zawi.

1 JOHAN 2:20

Krista apat in Thagau Thiengtho thau nuhna chuh na chang uh a, zieziekchun, na bawn un thudik chuh na he tau hi.

1 JOHAN 2:27

Nanguh vangin, Krista kawm apat thau nuhna chang na hiu kha. Zie Thagau Thiengtho chuh nangmau a a um sung cheng, kuomah hun sinsak ngai puon lau. Thagau Thiengtho chun bang cheng a hun sinsak a, thu dik lo hilo in, thudik tak a hun sinsak sek ziekin. Khutichun, Thagau hun sinsaknate chuh zawp unla, amah tawh pumkhat a um hiding na hiu hi.

1 JOHAN 5:7

Aziek chuh, van achun hetpih thum a um a, Pa tawh, Chapa tawh Thagau thiengtho; zie thum te hi khat ahi.

JUDA 1:20

Himahlele. deihtakte, nanguh vang, na taksan uh Thiengtho pên chung achun, nangmau kilem to un.

THUPHUON 2:11

“Thagau in sapchuom haw lawite kawma thu a gen hi, bil nei chun zau hen. “A zo ta cheng chuh, thih nihna chun bangmah lawh thei puo’n a, a ti ie, ti’n.