JOHAN 14:21 - PATHIEN LEKHABU THIENGTHO (BSI)

²¹ “Kuole, ka thupiek haw pawm a, zawp ta chuh, ei hehpih ahii. Kuole, ei hehpih chuh Pa’n, amah le hehpih ina; ken le amah chuh hehpih ing ka ting, a kawmah kilak ing ka,” a ti a.

JOHAN 14:21 ပူးပေါင်းရင်းမြစ်များ

2 LENGTE 18:6

Lalpa chu a tuchak kêi a, a thupiekte a bawhsie kha puoh a, Lalpa’n Mosi kawma thu a piekte chu pilvang takin a vawp zing sek hi.

SAM LEHKHABU THE PSALMS 35:27

Ka diktat na chunga kipâk te chuh lawp a kiko in kipâk takin um u henla: Ahi, “A suok vangphat na chunga kipâk sek Lalpa chuh a lopi ie, Limbawl in um hen la,” ti zing u hen.

PAWTDAWKNA 33:18

Chun, Mosi chun, “Na lopina chuh ei muhsak tie,” ti’n a ngên a.

THUCHINGTE 8:17

Ei lungsiet taphawt chuh ka lungsiet a, gunchuh taka ei hawl taphawt chun ei mudawk ngêi in au.

JEREMIA 31:31

Ngaitie, nite chuh hungtung ding ahi, tih hi Lalpa kamsuok ahi. Zie nihaw achun, Israel inkawte leh Juda inkawte kawm achun thugawlh thak siem ing ka.

ZEPHANIA 3:17

Lalpa na Pathien chun a hun umpih a; va thilhih theihna chun zawhna a hun piei. Lalpa chuh na chungah kipâk intin, a lungsietna chun hinna thak hun pie’n a.

LUKE 11:28

Himahleh, Isu’n a dâwng a, “Ahi, Pathien thu za a, zawpte hi mi hampha ahi zawu hi!” a ti a.

JOHAN 14:15

“Nangun nei hehpih u chun, ka thupiek haw chuh zawp unlau.

JOHAN 14:18

“Thawmhau in nanguh hun nusieh puo’ng ka; na kawm u ah hungkit ing ka.

JOHAN 15:14

Thu ka hun piek cheng na hih u chun, ka guolte hi’n lau.

JOHAN 16:14

Amah chun lopina kei ei pie’n a; ka thugente la’n tin, nang haw kawma gen ding a hih ziekin.

JOHAN 16:27

Pa ngêi in nanguh a hun lungsiet ngâl a. Nangun kei nei hehpih u a. Pa apat a hung ngêi ka hi tih nei ginchak ziekun.

JOHAN 17:23

Khawvel in, kei nei sawl a hii tih leh, kei nei lungsiet guolin amau haw na lungsiet hi tih a hetna ding u a, kei a mau a ka um a, nang keimah a na um a, pumkhat a hih bukim theihna dingun.

NASEPTE 22:18

Zie achun, Lalpa chun, ‘Kin inla, Jerusalem khuo apat hin kin takin pawt ah, ka chanchin na gen ding hi pawm lo ding ahiu hi,’ ei tih pêt ka mu a.

2 KORINTH 12:8

Zie chungchâng thu achun, lâkmang a hih theihna dingin, Lalpa kawmah thum vei ka ngên ta a.

2 KORINTH 3:18

Khutichun, eihaw vang chuh, mai khuh loh in, I bawn un lim-et banga Lalpa lopina a salhvak a um in; zie lopina mah, Lalpa apat a hung, Thagau mawng chun, lopina apat lopi sawn in, amah kibatpih a suklamdan in I um uh ahi.

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

DAN NIHNA 11:13

Chun, hiti hi hi’n tin, Lalpa na Pathien u chuh hehpih ding leh na lungthim chengcheng u leh na ngaihtuohna chengcheng u a na sem dinga ka thupiek tu a ka hun piek hi phachuomngai taka na zuih u chun,

DAN NIHNA 7:13

Hun hehpih intin, hun vangsak intin, hun supung intin; piek dinga na pileputeu kawma a na kihâksiel gam achun na gil uh a gah leh na lei gah hawu buh leh uain leh sathau haw, na bâwngno u leh na belamno hawu le.

2 THESSALONIKA 2:16

Tichun, I Lalpau Isu Krista mawng leh, Pathien I Pau, ei hehpihpa leh, a lungsietna vanga, hansanna thâwn lo leh, kinepna det ei piepa chun,

2 TIMOTHE 4:22

Lalpa chuh na thagau kawmah um ta hen. Pathien hehpihna chuh na bawn u a kawmah um ta hen.

1 JOHAN 2:5

Himahlele, kuole a thu zawp vang chuh. amah achun Pathien a hehpihna a bukim takzet ahi tai. Pathien tawh pumkhat in I um ui tih zie ahin I heu hi;

1 JOHAN 3:1

Ngaitiem u, Pa’n ei hehpihna a nasa na e! “Pathien chate,” ti a, ei minvawh tak uh hi; khutibang chuh I hi him ui. Zieziek hin khawvel in ei uh ei het loh uh ahi, amah chuh a het loh ziekun.

1 JOHAN 5:3

Pathien I hehpihnau chuh ziehi ahi, a thupiek haw I zawp uh hih; a thupiek haw chuh a giksak puoh ngâl a.

2 JOHAN 1:6

Chun, ziehi hehpihna ahi; amah thupiek dungzuia I um uh hih. Thupiek, a tung apat na zak guol uh chuh ziehi ahi; na bawn uh a lungsietna a na hin zing dinguh chuh.

THUPHUON 2:17

“Thagau in sapchuom haw lawite kawma thu a gen hi bil nei chun zau hen. A zo tacheng kawm achun, manna selguk khenkhat chuh pie ding ka hi. Chun, a kawmuh achun, suong vam, a chunga min thak kizik, a mute ngâl lo in a het loh uh chuh pie chiet ing ka, ti’n.

THUPHUON 22:14

Hinna thing chung achun thu a neih theihna ding u leh, khawpi kawtkhak a a lut theihna dinguh a, a puon uh sawp ngim te chuh a hamphau ui.

THUPHUON 3:20

Ngaitie! kawtkhak bula dingin ka kiu hi, kuo’nle ka aw a zak a, kawt a hawn chun, a kawmah lut ing ka ting, a kawmah nitâk an ne’ng ka ting, ama’n le ka kawmah ne’na.