JOHAN 14:20 - PATHIEN LEKHABU THIENGTHO (BSI)

²⁰ Zie ni tieng chu leh, Kei pa a ka um leh, Kei nangmau a ka um guolin, keimah ah na um ui tih hun he’n lau.

JOHAN 14:20 ပူးပေါင်းရင်းမြစ်များ

JOHAN 10:38

Amahvang chuh, sem ka hih chun, kei ei gingcha kileu chin le, nasephaw bêk hi gingchau in; Pa, keimah ah a um hi tih leh, Kei, Pa ah ka um hi tih na het u a, na ginchak theih na dingun,” ti’n a dâwng a.

JOHAN 14:10

Kei Pa a ka um leh, Pa keimah a um hi tih gingcha lo na hi maw? Na kawm u a ka thugen hi, keimah phuok kawma ka gen ei puoi; Pa chuh keimah ah a um zing a, zie chun thil a hih zawk sek a hii.

JOHAN 14:11

Kei Pa a ka um hi tih leh, Pa, keimah a um hi tih gingchau in.

JOHAN 16:23

“Zie ni chuh a hungtun tieng leh, nangun kei bangmah ei dawng puo’n lau. tihtakzet in ka hun hilh na hiu hi. Pa kawma bang hitaleh, na nget u chun, keimah min in nanguh hun pie’n a.

JOHAN 16:26

Zie ni tieng chu leh, ka min in thil ngên unlau; chun, ‘Pa kawmah ken hun nget sak ing ka’ ti ka hi puoh a;

JOHAN 17:11

Tu’n, kei na kawma hung ding ka hi a, khawvel ah um ta puo’ng ka; amau haw vang hi khawvel ah um un au. He Pa, Thiengtho, nangin kei nei piekte hi na min in hum ah; pumkhat a hih theihna dingun, nang leh kei pumkhat I hih guol mah bang hin.

JOHAN 17:26

A kawm u ah na min ka hetsak ta a, hetsak kit zel ing ka, ti a chuh, nangin kei nei hehpihna kha amau ah a um a, keile amau a ka um theihna dingin,” a ti a.

JOHAN 17:7

Nangin ka kawma thil nei piekte chuh, nangmah ngêi apat a hi tih tu’n a he tau hi.

JOHAN 6:56

Kuole, ka phehlevo ne a, ka thisan dâwn chun kei ei kipapvaipih zing sek a, ken le amah ka kipapvaipih zing sek hi.

ROME 16:7

Chun, ka Juda chanpihte, Andronikas leh Junias, ka suongkul lutpihte khah nei hun chibai sak un; amau chuh sawlchakte laka minthang tak a hiu a, kei sanga Krista a um masa ahiu ui.

ROME 8:1

Khutichun, tuhin vang Krista Isu a umte ding chun, mawh chansakna himhim a um ta puoi.

1 KORINTH 1:30

Himahlele, nang haw vang chuh, amah zalin Krista tawh pumkhat in a hun siem a, amah chuh Pathien apat ei uh a ding a chitna, diktatna, thienthona leh tatdawkna dinga siem ahi.

2 KORINTH 12:2

Krista a mi khat ka hêi, zie chuh kum sawm leh kum li ahi ta a; (Zie chuh sapum nei in ahim a um, sapum bei a a um ka he diek puoi, Pathien in a hêi).

2 KORINTH 13:5

Taksanna achun na um nau em, nangmau mawng kikhuol sek unla, nangmau mawng kiphawchien sek un. Krista Isu chuh nangmau ah a um hi tih hechien lo na hiu em? Deihlo na hih loh ngâl u chun,

2 KORINTH 5:17

Zieziekchun, kuole. Krista a um chuh, a kisiemthak a hung hi ta a, thil lui chengcheng chuh a mang ta a, ngaitiem u; a hung thak kit tai!

2 KORINTH 5:19

Khati a, Pathien in, Krista-ah chun mihing chengcheng hi amah tawh kicham in a siem a, a sukkhelhna hawu chuh, sukkhelhna a san sak lo in, kichamna thu ei piek zawk uh ahi.

GALATI 2:20

Krista kawmah khetdên in ka um ta a, himahlele, ka hing hi, himahleh, keimah vang ka hi ta puoh a; Krista chuh keimah ah a hing zaw tai. Zie hinna, tu a ka hinna mawng hi, Pathien Chapa, ei lungsiet a keia dinga A hinna piepa taksanna mah achun ka hing ta ngâla.

EPHESI 2:10

Thilpha hih dinga Krista Isu a siem a um in, amah khutsuok I hi ngâl u a; zie thilpha bawl chuh I umna dinguh a Pathien in a guonggalh khawl ahi.

KOLOSSA 1:19

Pa lung hihna mawng chun, chapa chun amah achun Pathien batna bukim chuh a nei a.

KOLOSSA 1:27

Pathien thiltup chuh, thuguk hausa tak leh lopi tak, mi cheng chenga dinga a kawih, a mite kawma hetsak chuh ahi. Zie thuguk chuh Krista nangmau a um, Pathien lopina na kikawppih ding u chuh ahi.

KOLOSSA 2:9

Pathien hihna bukim chuh Krista mihinna achun a um ngâl a.

1 JOHAN 4:12

Kuoma’n, bangtik lai inle Pathien a mu kha puou hi. Himahlele, I kihehpih tuoh uh chun, Pathien eimau ah um zing intin, a hehpihna le eimau ah bukim ta’n a.