JOHAN 14:17 - PATHIEN LEKHABU THIENGTHO (BSI)

¹⁷ Zie chuh Pathien chanchin diktak phuongdawk sek Thagau chuh ahi. Vannuoi in zie chuh a nei thei puou hi, amah a muh loh u a, het le a het loh ziekun. Nang haw’n vang, na kawm u a a um zing ziek leh, nangmau a a um ziekin, amah chuh na heu hi.

JOHAN 14:17 ပူးပေါင်းရင်းမြစ်များ

THUCHINGTE 14:10

Na lungthim natna chuh nangin na kihet a, hêtkhâk loh mi chun na kipahna chuh a hun kipahpih thei puou hi.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

ISAI 59:21

Chun, amau haw tawh ka thugawlh ding chuh ziehi ahi: Ka thagau na chung u a um leh, ka thu na kam u a ka kawih chun na kam u chuh taihsan kihen la, na chateu kam le pawtsan puo’n au, na suonteu-suon sawn kitteu kam le tu apat kumlekhuo’n pawtsan diek kihen” Lalpa’n a tii.

EZEKIEL 36:27

Chun, na sung u ah Ka Thagau kawih ing ka ting, chun, ka dân siem chuh hun hawhsak ing ka ting, ka thutanna haw chuh zui in na tin un, hih inlau.

MATTHAI 10:20

A gen chuh nanguh hi ding na hi puou a, na Pau Thagau in nangmau mang in gen ding ahi zaw ngâl a.

JOHAN 14:16

Tichun, Pa kawmah ngên ing ka ting, ama’n Lungmuonpa dang nanguh hun pie’n a, kumkhuo a na kawm u a um dingin.

JOHAN 14:23

Isu’n a dâwng a, “Mi’n ei hehpih chun, ka thu zawp intin, ka Pa’n amah chuh hehpih ina, tichun, a kawmah hung ing ka ting un, a kawmah um zing ung kau.

JOHAN 15:26

“Chun, Pa kawm apat Lungmuonpa na kawm u a ka hun sawl ding chuh, Pathien chanchin diktak phuongdawk sek, Thagau chuh a hii. Amah chuh Pa kawm apat ka hun sawl ahi a, amah chun ka chanchin hun hetsak ina.

JOHAN 16:13

Amahvang chuh, Pathien chanchin diktak phuongdawkpa Thagau chuh a hung tieng leh, thudik cheng chengah hun puilut ina. Amah phuok kawmin thu gen ding a hi puoh a, a thu zakte chauh gen intin; thil hungtung dingte le hun hetsak in a.

JOHAN 6:40

Chun, ziehi ka Pa deih bang ahi: kuole, Cha mu a gingcha ta’n kumsawt hinna nei a, chun, ken ni tawp ni leh hinna a ka kaih thawh ding chuh,” a ti a.

1 KORINTH 14:15

Bangti’n ka hih ta die? Ka thagau in paucham ing ka ting, ka ngaihtuohna’n le paucham ing ka; ka thagau in la sang ka ting; ka ngaihtuohna’n le la sang ka.

1 KORINTH 2:14

Khawvel mi chun, Pathien Thagau lam thil haw chuh a lawp sek puou a, amah ngaih chun thil ngawlhuoi ahi a; Thagau a hetchil a hih ziekin a het theih loh him sek ahi.

1 KORINTH 3:16

Pathien In na hih u leh, Pathien Thagau nangmau ah a um hi tih helo na hiu hi?

1 KORINTH 6:19

Ahih leh, na sapum u chuh, na sung u a um, Pathien kawm apat na muh uh, Thagau thiengtho In ahi tih helo na hiu hi leh?

2 KORINTH 13:5

Taksanna achun na um nau em, nangmau mawng kikhuol sek unla, nangmau mawng kiphawchien sek un. Krista Isu chuh nangmau ah a um hi tih hechien lo na hiu em? Deihlo na hih loh ngâl u chun,

2 KORINTH 6:16

Milim haw leh Pathien Ho-In inle banga kituokna a neih uh? Eihaw vang, Pathien hing Ho-In I ngâl u a: Pathien in, “Kei, amau lak ah cheng ing ka ting, Amau tawh kitawn ing ka: Chun, a Pathien uh hi’ng ka ting, Amau haw le ka mite hi’n au,” a tih bang khan.

GALATI 4:6

Chun, cha na hih tâk ziekun Pathien in a chapa Thagau chuh, “Abba, He pa!” ti a kiko in, I lunggil u ah a hun sawl ta a.

EPHESI 2:22

Nang haw le, amah tawh kipumkhatna zalin, Thagau a Pathien chênna dinga, mi dangte tawh sak khawm na hi tau hi.

EPHESI 3:17

chun, Krista chuh taksanna zieka na lunggil u a a chen theihna dingin le, ka ngên sek hi. Chun, hehpihna a zung khawh leh bul nei a um a,

KOLOSSA 1:27

Pathien thiltup chuh, thuguk hausa tak leh lopi tak, mi cheng chenga dinga a kawih, a mite kawma hetsak chuh ahi. Zie thuguk chuh Krista nangmau a um, Pathien lopina na kikawppih ding u chuh ahi.

2 TIMOTHE 1:14

Eimau a um, Thagau Thiengtho thilhih theihna zal chun, na kawma vawp saka um kha vawppha ta’n.

1 JOHAN 2:27

Nanguh vangin, Krista kawm apat thau nuhna chang na hiu kha. Zie Thagau Thiengtho chuh nangmau a a um sung cheng, kuomah hun sinsak ngai puon lau. Thagau Thiengtho chun bang cheng a hun sinsak a, thu dik lo hilo in, thudik tak a hun sinsak sek ziekin. Khutichun, Thagau hun sinsaknate chuh zawp unla, amah tawh pumkhat a um hiding na hiu hi.

1 JOHAN 3:24

Kuole, Pathien thupiek zawp chuh, Pathien tawh pumkhat in a um uh a, Pathien le amah tawh pumkhat in a um hi. Pathien in a Thagau ei piek a hin, Pathien tawh I kipumkhat ui tih I heu hi.

1 JOHAN 4:4

Naute, Pathien a na hiu a, ziehaw chuh na zo tau hi, nangmau a Thagau um chuh, khawvel a thagau um sanga chuh a hatzawk ziekin.

1 JOHAN 4:6

Himahlele, eihaw Pathien a I hiu a, Pathien hete chun I thuu a ngaitha sek ui; Pathien a te lo chun I thuu a ngaitha sek puou hi. Ziehaw achun, thagau dik leh diklo I hekal uh ahi.

1 JOHAN 5:7

Aziek chuh, van achun hetpih thum a um a, Pa tawh, Chapa tawh Thagau thiengtho; zie thum te hi khat ahi.

THUPHUON 2:17

“Thagau in sapchuom haw lawite kawma thu a gen hi bil nei chun zau hen. A zo tacheng kawm achun, manna selguk khenkhat chuh pie ding ka hi. Chun, a kawmuh achun, suong vam, a chunga min thak kizik, a mute ngâl lo in a het loh uh chuh pie chiet ing ka, ti’n.